HOSEA 9:6 - KITAB NU TUMPU ALLA LELE MA'IMAI'

⁶ De balaa' tokamo mae hi belemiu ka' mule' oboamo ilipu' sangga'at saba' anu daagi jinojoong nu posihukmo nu aha mian Mesir da opateimo ka' olamunmo kiijo' i Memfis! Hemput tiba hii' tumuu'mo mae ka' mongkukubimo iwi-iwi' na tampat anu pinombauan nu belemiu laigan tiba bala-balang salaka anu mahan na olinyo.

HOSEA 9:6 ပူးပေါင်းရင်းမြစ်များ

2 TOMU-TOMUNDO' 13:7

To sulu-suludadu nu Israel i hopu'anmo nu tomundo' Siria sahingga me 50 na suludadu i Tomundo' Yoahas anu monsake'i ajahan 10 na kereta anu bau pahampate ka' 10.000 na suludadu.

MAZMUR 107:34

Tano' anu molumba' pinotimbali-Nyomo tampat padang anu napoyu'mo nu timuson, kalana palabuatan ma'idek nu to mia-mian anu jinojoong ikiijo'.

AMSAL 24:31

Anu tinoangku i kiijo' ola ahi' sosu'anon anu ko hii'nyo ka' padang.

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

YESAYA 19:13

Aha to pola-polaya' nu Zoan tiba Memfis singkap to mia-mian anu pikok. Aha na misa' ahi' to pola-polaya', panyo ola mule' ahi' momposala' jalan nu aha bansanyo.

YESAYA 27:12

Tempo'nyo aijo' Tumpu momposihukmo bansa-Nyo toto sa'angu' lengkat mae i Kaunyo nu Efrat toka-toka ipotempasan tiba Mesir. Nu posi po iwi'mo na aha susumo mian mompo iwi'mo batu nu gandum da madi' maninggalo' tiba ota'nyo.

YESAYA 32:13

kalana tano' nu aha bansang-Ku nu tumuu'imo nu hemput tiba kuhat anu kohii'nyo. Ya, haangimo na laigan nu belemiu iwi-iwi' tampat sola' binalasana-sanangan ka' mule' kota' anu kaho kalame'an.

YESAYA 34:13

Iwi-iwi' na tampat bapilogotan nu aha ka' mule' iwi-iwi na kota'nyo anu ko bentengnyo nu tumuu'imo nu kuhat anu kohii'nyo tiba hemput ka' mule' nu jojoongimo nu dedeng nu kuhat tiba tomonsi' unta.

YESAYA 5:6

Ku pojohokmo da nutumuu'imo nu hemput nu alas. Anggurnyo madimo lewa' Ku patagi na sumpenyo ka' mule' madi'mo lewa' Ku sube'i na hemputnyo. Pakalaus Ku pobakasmo da nu kalumbungimo nu hemput anu kohii'nyo, ka' mule' iwi-iwi na kundom Ku tewa'mo da bolimo montudunakon ujan.”

YESAYA 7:23

Tempo'nyo aitu ale' nu anggur iwi-iwi' toto sa'angu' na ale sinu'anan samadala na pu'unnyo nu anggur anu angga'nyo samadala na doi salaka sa'angu' na ale' me hemput anu kohii'nyo na montumuu'i.

YEREMIA 2:16

O Israel, ubak nu beleyum oguntingimo nu aha mian nu Memfis tiba Tahpanhes.

YEREMIA 42:22

Kalana aijo', tutugi; kiijo' mae ilipu' anu kahanda' olambani nu belemiu ka' jojoongmo tataap kiijo' mae, belemiu silakamo i uno nu pahampatean, kabai kalana kasusa'anmo i anu okaan, kabai kalana panyakit anu molele.”

YEREMIA 44:1

Tumpu nompoto'i mae hi belengku mongkona iwi-iwi' na mian nu Israel anu jojoong i Mesir, aijo'mo ikota' Migdol, Tahpanhes, Memfis, tiba idaerah salatan,

YEREMIA 44:12

Ka' de maluanyo aha mian nu Yehuda anu daagi' tinontuha' suele ko kahanda' mamba i Mesir, da jojoongmo kiijo' mae, saba' aha suele silakamo ahi' iwi-iwi'. Aha iwi-iwi' anu tu'amo kabai anu daagi' anak silakamo i Mesir i uno nu pahampatean, kabai kalana kasusa'anmo i anu okaan. Mian timbalimo mabuhuk na montoa kantumuu'an nu aha ka' lewa'mo mongalu aha. Sanggo nu aha lewa'mo opake salaku bau pongkutuki.

YEREMIA 44:13

Susumo Aku nohukumo Yerusalem sumo aijo'mo suele na Aku mohukum aha anu jinojoongmo i Mesir. Aha silakamo i uno nu pahampatean, kalana kasusa'an i anu okaan, kabai kalana panyakit anu molele.

YEREMIA 46:14

O “Yeremia bebakon na lele aiya isongko-songko na kota' Mesir, aijo'mo i Memfis, i Migdol, tiba i Tahpanhes, ‘Posadiamo ka' tinjohakon ahi' kalana iwi-iwi' na anu nu belemiu ohansunimo i uno nu pahampatean!

YEREMIA 46:19

Posadiamo, o mian anu jojoong i Mesir kalana ohakopmo ka' oboamo! Memfis timbalimo tampat anu hansunmo – anu liingmo kalana madi'mo ko anu monjojoongi.

YEHEZKIEL 30:13

Tumpu Anu Matangkas na Kuasanyo notatae, “Ku hansunimo na kapalesaya'an anu madi' totu'u tiba to pilo-pilogot anu kiijo' i Memfis. Madi'mo daagi' ko tomundo'nyo kiijo' Mesir. Iwi-iwi' na mian anu jojoong ikiijo' Ku pojadimo mabuhuk.

YEHEZKIEL 30:16

ka' kota' aijo' mongoa'imo kasansala'an. Memang totu'u Ku papumo na Mesir. Iwi-iwi na pagan mesen nu kota' Tebe mohobo'mo ka' mule' kota' aijo' nu anjuhakonmo nu iaba'.

HOSEA 10:8

Tampat-tampat anu ponsomban pilogot anu aita maei to bungku-bungkutnyo nu Betel tampat nu aha mian Israel monsombah pilogot ohansunimo. Hii' tibaa hemput tumuu'mo i mezbah nu aha. Lantas aha moloboo'imo to bungku-bungkutnyo, “Tabuhimo mae na kami!” Ka' hi to puge-puge'nyo, “Tuda'mo mae na kami!”

HOSEA 11:11

Lengkat mae i Mesir aha tokamo mae ko lia'nyo sumomo ahi' tomonsi', ka' lengkat mae i Asyur sumomo ahi' sampahas na malapati'. Lantas aha Ku boamo minsusule' i laigan nu aha. Akumo na Tumpu anu notataemo.”

HOSEA 2:6

Kalana aijo' ku kulungje na ia i uno nu alas anu ko hii'nyo ka' mompagan jalannyo nu pagan mesen.

HOSEA 7:11

Israel naha lajanganmo mokiijo' ka' mo uuka mae sumomo tomonsi' malapati' anu ponga'. Momonanyo mian haha aijo' nomoitamo bantuan hi aha mian nu Mesir, lapas aijo' aha nalaimo namba i Asyur!

HOSEA 7:13

Silakamo na aha kalana aha nompala'imo Aku. Aha hansunmo kalana aha madi'mo nontuluti Aku. Aku ko kahanda' momposalamat aha panyo aha toka mae monsombah Aku madi' buke-buke' na kinyonyoa.

HOSEA 7:16

Aha lasaja mombatuki topilo pilogot anu madi kokuasa apa-apaa. Aha madi bisa otahaimani sumo panah anu madi mayontok. To tana tanaas nu aha la saja motatae sombong. Mokanyo aitu aha tionyo opatei nu bajak ka nu kokojoi nu tomia mian nu Mesir.”

HOSEA 8:13

Aha mongka'ima'i monsombahkon koloban hi beleng-Ku ka' mongkaan ponoha' anu kinolobanakonmo aijo', panyo Aku Tumpu madi' montalima koloban haha aijo'. Uuka aiya Ku inau'mo na dosa' nu aha ka' mohukumo aha kalana dosa' nu aha haha aijo'; Po ule'mo Ku boa na aha i Mesir!

HOSEA 9:3

Belemiu o bansa Israel madi'mo daagi tataap jojoong i tano' anu binee'mo nu Tumpu hi belemiu. Belemiu tionyo ahi' minsusule'mo i Mesir, ka' tionyo ahi' mongkaanmo kaanon anu madi' toho' okaan kiijo' mae i Asyur.

IMAMAT 26:33

Ku podaagi'mo na pahampatean i lipu' nu belemiu ka' mongga'aga'atakonmo mamba i lipu' nu mian anu i salipu'an. Ale' nu belemiu madi'mo okalaja, ka' kota-kota' nu belemiu opojohokmo me susumo tambulan nu apa-apaa.

ZEFANYA 1:11

Tumando'mo ka' haangimo salatan belemiu mohongomo aijo' o mian anu jojoong i kota' sasu akaong i bangka'nyo kalana iwi-iwi' na anu badagang tiba to mia-mian anu nomposabolakon doi pinateanmo!

1 SAMUEL 13:6

Lapas aijo' aha nontumbuhimo ma'i-ma'idek mian nu Israel sahingga mian nu Israel i nabuhukmo hondo, madi'mo noko ala nombau apa-apaa. Kanjoo'annyo na aha mian nu Israel natisulukmo i liang nu batu tiba iliang nu bungkutnyo kabai i olot nu batu gahanggan kabai i uno nu bubung ka' bolo' nu tano',