HOSEA 9:2 - KITAB NU TUMPU ALLA LELE MA'IMAI'

² Panyo madi'mo daagi pin belemiu kamadi'anmo i gandum tiba lanya' nu zaitun, ka' tiba anggur suele mingkotmo.

HOSEA 9:2 ပူးပေါင်းရင်းမြစ်များ

KAJADIAN 50:10

Salatan aha tinokamo i tampat nu mian anu mongutut gandum kiijo' i Goren-Haatad, i sasu kabete'an Kaunyo nu Yordan, aha nontando'imo kalana nolibosmo hondo. I Yusuf nombaumo adat toonnyo nu mian silakamo, pinitun sinaa na kinopinnyo.

HOSEA 2:11

Iwi-iwi' na bau-bauonnyo nu aha Ku tewa'mo, mau bau-bauon anu sataun toka sataun obau, mau bau-bauon anu obau sambitu'on toka sambitu'on, ka' iwi-iwi na, sinaa nu Sabat; pende'nyo iwi-iwi' na bau-bauon nu ka' agama'an.

HOSEA 2:12

Ku hansunimo na to kau-kau' anggur ka' to kau-kau' nu ara, maumo koonyo aijo' binaumo tambo pongkalibosinyo aha sindua'annyo. Ku abali'imo na to ale-ale' nu anggur ka' to ale-ale' nu ara da tinimbalimo kuhat; to bina-binatang anu mahangas na mongidei.

HOSEA 2:9

Kalana aitu i tempo'nyo nu pompadakan, Aku po'ule'mo mongala anu binee'-Ku, aijo'mo gandum ka' anggur ka' hude wol, hude lenan, anu binee'-Kumo hi ia da bau pakeannyo.

AMOS 5:11

Belemiu mongkabisa'i mian anu kasiasi ka' gandumnyo ingagoan nu belemiu. Kalana aijo' belemiu madi'mo daagi' jojoong i laigan nu belemiu anu toto ima-ima' atina' anu binaumo nu belemiu aijo. Belemiu madi'mo monginum anggur lengkat i ale' nu anggur anu sinu'ananmo nu belemiu.

HAGAI 1:9

Belemiu montaha'imani hasin nu ale' anu ugaat molabi-labi pada han anu ohumpak nu belemiu ola sangkiding hondo; oboa nu belemiu na aijo' panyo hasinnyo anu opadak nu belemiu aijo' Ku puhakonmo sahingga ola mingkot nutilahabakon nu mombun. Kadaka' Ku bau sumo aijo'? Makisudnyo aijo'mo: Kalana Laigan-Ku daagi susumo laigan anu na'idekmo sadangkan belemiu iwi-iwi' na pagala ahi' mombau laigan nu belemiu toto samian.

HAGAI 2:16

Belemiu nambamo nontoa tambulan nu gandum ka' aupe'e ahi' mohumpak 200 na kilogram na gandum, panyo taalu' ola ahi' 100 na kilogram. Belemiu mamba kahanda' montauk 100 na liter na anggur aijo' igumbang nu anggur panyo anu ikiijo' ola ahi' 40 na liter.