HOSEA 9:17 - KITAB NU TUMPU ALLA LELE MA'IMAI'

¹⁷ Tumpu anu kuku bau na anu nu pokauhakon aijo', madi'mo daagi montalima mian-Nyo anu palesayamo hi Ia, kalana aha madi'mo mongka'oho' montuluti Ia. Aha solidi' mae memo saja' mamba momoya hi to bansa-bansa sangga'at.

HOSEA 9:17 ပူးပေါင်းရင်းမြစ်များ

2 TAWARIKH 18:13

Panyo tinaaman i Mikha, “I uno nu sanggo nu Tumpu anu tumuu', aku ola mompoto'i apaa na anu pinoto'imo nu Tumpu Allah hi belengku!”

2 TAWARIKH 36:16

Panyo aha madi' nontapali to mia-mian anu sinai mae Tumpu Allah aijo', ka' lewa' mongkokojoi to nabi-nabi-Nyo ka' madi'mo nontapali potatae-Nyo. Ahennyo Tumpu notambuha'mo hondo hi aha sahingga madi'mo daagi' ko jalan anu nubau nu aha da madi'mo mohumpak hukuman.

NEHEMIA 5:19

Ku kakaase o Tumpu Allah, inau'akon mae na iwi-iwi' na anu binaungkumo hi bansa aiya ka' balakatiakon mae na aku.

MAZMUR 31:14

Iyaya mae daagi'mo ko anu okabuhuk; ihongongkumo na anu monsampobali' mae aku lewa' basisik. Aha binasangaja'mo mongewamo mae aku, ka' binatanga'mo da mompateimo mae aku.

AMSAL 29:1

Ihe na ola saja' monggagakon de opokinde'i, toka na tempo'nyo timbali hansun ka' madi' daagi' opoko ala opokopiani.

YESAYA 48:18

De bisuanyo beleyum mongintomakon ahi' palentang-Ku, saba' kantumuu'an nu balayum ma'ima'mo susumo kaunyo anu madi'mo toho' mo'oti, ka' mule' kadale'an nu beleyum sumomo bokon akaong i ambai, anu madi' toho' belenti.

YESAYA 7:13

Lantas i Nabi Yesaya notataemo, “De sumo itina', potombihing mae lee' i Tomundo Daud! Ma'isa sukup na belemiu monguji' kasabanan nu manusia sahingga belemiu monguji mule' kasabanan nu Tumpu Allah?

YEREMIA 6:30

Aha osanggohimo salaka anu o alinmo kalana Aku, Tumpu, nongalinmo aha.”

YEREMIA 7:13

Maumo ahi' Ku po uli-ulitmo na motatae hi belemiu, panyo belemiu madi' ahi' mongka'oho' mompotombihing mae. Belemiu mombau dosa' aijo' iwi-iwi' ka' madi' mongka'oho' montaami de Ku lagamo.

YEREMIA 7:15

Belemiu saidi' mae Ku laa'mo da bolimo ko anu aiya i ahop-Ku susumo Aku nolaa'mo to utu-utus nu mompolee' nu belemiu mian nu Israel.”

HOSEA 4:10

Belemiu mongkaan to kolo-loloban anu osombahkon, panyo belemiu tataap mo'ohop. Belemiu monsombahmo to pilo-pilogot anu moko polumba', panyo belemiu mian da'isan tataap madi' mintuang, kalana belemiu nohikumo Aku ka monsombahmo, to pilo-pilogot sangga'atan.”

HOSEA 4:6

Belemiu to imam-imam, madi' mongadati Aku, sahingga mian-Ku anu palesayamo suele madi'mo mongadati Aku, sahingga aha nohumpakmo balaa'. Belemiu madi'mo montalima to aja-ajalan-Ku. Jadi Aku suele madi'mo montalima belemiu ka' to ana-anak nu belemiu madi'mo Ku talima salaa-Ku to imam-imam-Ku.

HOSEA 7:13

Silakamo na aha kalana aha nompala'imo Aku. Aha hansunmo kalana aha madi'mo nontuluti Aku. Aku ko kahanda' momposalamat aha panyo aha toka mae monsombah Aku madi' buke-buke' na kinyonyoa.

AMOS 8:2

Pinokilawa nu Tumpu, “Beleyum nontoa apaa, Amos?” Tinamaan-Ku, “Sa'angu' na kalanjang isinyo bua' nu kau' anu nahamo.” Tumpu notatae, “Tempo'nyo i nahamo na aha mian-Ku Israel anu palesayamo. Aku madi'mo daagi' mombabali'i tanga-an-Ku, ka' memang ku hukumo na aha.

AMOS 9:9

Ku palentahmo da o tapiimo na bansa Israel susumo mian montapii gandum i kiapan. Da o'alini iwi-iwi' na anu madi' ko gunanyo anu aijo' hi aha, Ku pokalangkabutmo na aha hi to bansa-bansa.

MIKHA 7:7

Panyo kita na montaha'imani ahi' Tumpu; ka' totu-totu'u ahi' na kinyonyoanto montanda'i Tumpunto. Ia mohongomo dosa' anu binauntomo ka' momposalamatmo kita.

ZAKHARIA 1:4

Boli montiho susumo mompolee' nu belemiu. Daagi' pe'e naipuan mae to nabi-nabi nompotokamo potuunon-Ku hi aha da aha bolimo mombau palabuatan anu ma'idek, ka' mombau dosa'. Panyo aha madi' nompajuli ka' madi' nongka oho' tinulu-tulutan hi beleng-Ku.

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

YOHANES 20:28

I Tomas notatae hi Yesus, “Tumpungku ka' Tumpu Allah-ngku!”

YOHANES 7:35

Lantas anu mongkuasai Yahudi notataemo samian ka' samian, “Mian aiya kahanda'mo mamba moya sahingga madi' opoko humpakto na Ia? Te Ia kahanda'mo mamba hi to mia-mian Yahudi anu jojoong i sambiha' nu lipu' santano'an i totonga' nu mian Yunani ka' mompogulu' mian nu Yunani?

SISIKON NU TO RASUL-RASUL 3:23

Mian anu madi' mompalahatikan apaa na anu nutaloakon nu nabi aijo', mian aijo' osabatakon lengkat hi mian anu palesayamo hi Tumpu ka' o silakai.’

PO'ULE' INGULIT 32:26

Aku kahanda'mo mompatei aha iwi-iwi', da aha madi'mo lewa' o inau'.

PO'ULE' INGULIT 4:25

Ka' mule' de belemiu saidi' mae pinmo na jojoong i lipu' aijo' ka' ko makumpumo, boli baladosa' kalana mombaumo patung maumo pa' sumo apaa. Palabuatan anu sumo aijo' sa'angu' na han anu ma'idek hi mata nu Tumpu Allah nu belemiu ka' monsaduakon Ia da motambuha'.

PO'ULE' INGULIT 4:27

Nubagi-bagimo nu Tumpu na belemiu mamba i to bansa-bansa sangga'at ka' me sangkiding na belemiu anu daagi' tumuu'.

FILIPI 4:19

Tumpu anu kusombah, anu manjo-manjoo' na kakaya'an hi Kristus Yesus, momposukupakonje kapalaluan miu.

YAKOBUS 1:1

To utu-utus mian anu palesayamo hi Tumpu iwi-iwi', anu nobagi-bagimo i songko-songko na dunia! Salam do'a lengkat hi belengku, i Yakobus, posaihon nu Tumpu ka' posaihon i Tumpu Yesus Kristus.