HOSEA 9:16 - KITAB NU TUMPU ALLA LELE MA'IMAI'

¹⁶ Mian nu Israel Ku hukumo. Aha tinimbalimo susumo sosuanon anu madi'mo mimbua' ka' to baka-bakatnyo nanggasmo. Aha madi'mo mohumpak anak; panyo maumo ahi' aha mohumpak anak Ku pateimo na to ana-anak anu nunu kalibosi nu aha aijo'.”

HOSEA 9:16 ပူးပေါင်းရင်းမြစ်များ

KAJADIAN 41:23

Lantas po'ule' mule' nimbua' popitu' na bua'nyo nu gandum anu toto kipa-kipak ka' makadampihi' kalana kinonamo nu mombun anu lengkat mae i padang bola.

AYUB 18:16

Iwi-iwi' na bakatnyo nanggasmo ka' nakadampihi'mo; iwi-iwi' na panga'nyo toto ise-ise' nanggasmo ka' nakapimo.

YESAYA 40:24

Aha aijo' sumomo ahi' sosu'anon anu ma'isa daka', anu montampu'unije tumuu' na bakatnyo. De nu puhakonmo nu Tumpu na mombun, aha manggasmo ka' nulahabakonmo nu mombun susumo hat.

YESAYA 5:24

Belemiu madi'mo montalima pangajalan nu Tumpu Anu Daka' na Kuasanyo ka' mongalumo palentah nu Tumpu anu susi' nu aha Israel. Kalana aijo' susumo hat tiba hemput anu manggasmo mo'angot na nu kaan nu apu, sampe toka kaiyong ibaka-bakatnyo na belemiu mahutakmo ka' mule' bunga-bunga nu belemiu suele manggasmo ka' nu puhakonmo nu mombun ingko-ingkot.

YEHEZKIEL 24:21

da mompoto'i potuunon aiya hi belemiu: Belemiu montakabunakonmo Kahosonan nu Laigan nu Tumpu. Belemiu mongka'ima'i montonto'i ia ka' sola' mamba hi ia, panyo nu pohumimi'mo na Laigan-Nyo. Ka' belemiu salaigan anu daagi olitau ka' daagi langkoyang daagi' jinojoong mae i Yerusalem, opateimo i uno nu pahampatean.

HOSEA 5:11

Israel osakisamo; ia madi'mo ko hak hi tano' nu aha, kalana ia talalomo ahi' nomoita tulung hi aha anu madi' moko ala montulungi ia.

HOSEA 8:7

Mian-Ku anu palesayamo monsa'u mombun jadi aha mompadakje antong! Ale' nu gandum nu aha madi' jadi maha mokini ka' madi' mule' mohasinakon labu da okaan. Panyo de gandumnyo i ale' aijo' maha ka' mokini ahi' saba gandumnyo aijo' ola ahi' nu ingkoti saidi' mae nu to bansa-bansa sangga'at.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

PO'ULE' INGULIT 32:25

Pahampatean monsaduakonmo kapatean i iwi-iwi' na jalan; hahan anu okabuhuk mongkonamo to mia-mian anu i laigan. To oli-olitau ka' to lalangkoyang anu tumimpasje opateimo, ka' suele bungamea' ka' mian anu langkai'mo ka' bengkele'mo.