HOSEA 9:12 - KITAB NU TUMPU ALLA LELE MA'IMAI'

¹² Panyo maumo ahi' daagi ko to ana-anak anu ohampeakon ka' opodaka'mo, aha po ule' ahi' Ku ala; madi' ko samian pe'e na Ku pobee' tumuu'. Silakamo na belemiu o bansa Israel de Ku pala'imo na belemiu!”

HOSEA 9:12 ပူးပေါင်းရင်းမြစ်များ

2 TOMU-TOMUNDO' 17:18

sahingga Tumpu pinusamo hondo hi aha, ka' madi'mo daagi' nonginau' aha. Ingalinnyomo na aha da madi'mo jojoong i tano' anu binee'-Nyomo hi aha, anu daagi' tinontuha' me kalaja'an Yehuda.

2 TOMU-TOMUNDO' 17:23

Sahingga ahennyo mae madi'mo Tumpu nonginau' aha, panyo ahi' ingalin-Nyomo na aha da bolimo jojoong i tano' anu binee'Nyomo hi aha. Aijo' jinadimo susumo anu pinoto'imo nu Tumpu hi aha anu pinotokamo nu to posa-posaihon-Nyo ka' to nabi-nabi. Sumo aijo'mo na mian nu Israel anu binoa nokiijo' i pinongalinan i Asyur ka' i kiijo'mo na aha jinojoong sampe sina uuka aiya.

AYUB 27:14

De anaknyo da'isan, aha silakamo i uno nu pahampatean ka' to maku-makumpunyo tumuu'mo i uno nu kasusa'an.

YEREMIA 15:7

Toto sa'angu' na kota ilipu' aiya, na pongalapan-Ku anu o alin susumo haat. Maumo ahi' belemiu mian anu palesayamo hi beleng-Ku panyo Ku silakaimo na belemiu tiba to ana-anak nu belemiu kalana belemiu madi'mo mongka'oho' mongabali jalan nu kantumuu'an nu belemiu.

YEREMIA 6:8

O mian anu jojoong i Yerusalem, opai-pailio da iwi-iwi' na kasansala'an aijo' timbalimo ahi' sa'angu' na pokide' hi belemiu! Dumo ahi' ku pala'i na belemiu ka' Ku bali'imo na kota' nu belemiu timbalimo padang tampat anu mateges anu madi' nu jojoongi nu mian.”

MOHAANGI 2:20

O Tumpu toamo ahi' ka' palahatikan na aha anu sinsalamo nu belento aijo'! Pa' daagi ko anu toho'mo binau nu belento susumo aijo'? Tinanyo nongkaanmo posi anaknyo anu talalo hondo nu kalibosi, imam tiba nabi pinateanmo i uno nu Laigan nu belento anu susi'.

MOHAANGI 2:22

Belento nolagamo to sampo-sampobali' anu okabuhuk mami da mombau bau-bauon anu monsilakaimo mae kami titikup. Aha nompateimo iwi-iwi' anu kinalesang mami ka' anu okalibosi. Isinaa belento pinusamo madi' kinosamian pe'e na noko ala nopalai.

HOSEA 7:13

Silakamo na aha kalana aha nompala'imo Aku. Aha hansunmo kalana aha madi'mo nontuluti Aku. Aku ko kahanda' momposalamat aha panyo aha toka mae monsombah Aku madi' buke-buke' na kinyonyoa.

HOSEA 9:13

O Tumpu tinoangkumo na to ana-anak nu aha pinototumputan ka' pinateanmo.

HOSEA 9:16

Mian nu Israel Ku hukumo. Aha tinimbalimo susumo sosuanon anu madi'mo mimbua' ka' to baka-bakatnyo nanggasmo. Aha madi'mo mohumpak anak; panyo maumo ahi' aha mohumpak anak Ku pateimo na to ana-anak anu nunu kalibosi nu aha aijo'.”

MALEAKHI 2:12

O'amalakon da to mia-mian anu nombaumo susumo aijo' nu alinimo nu Tumpu da madi'mo maninggalo hi mian nu Israel. O'amalakon da aha madi'mo daagi' mombatuki bansato monsombahkon koloban-koloban hi Tumpu Anu Daka na Kuasanyo.

NOMBILANGMO 14:34

Belemiu saidi' mae montanggungmo hukuman nu dosa' nu belemiu kopinnyo patompulu' na taun; sataun toto patompulu' na sinaa na olotnyo, sansinaa na opake monselidiki tano' aijo'. Osumbu'je nu belemiu mosia de Aku mongka'idekimo belemiu!

NOMBILANGMO 26:65

Pinoto'imo nu Tumpu tukoonyo aha iwi-iwi' tionyo ahi' silakamo i padang bola. Ka' memang aha sinilakamo iwi-iwi' me i Kaleb anak i Yefune tiba i Yosua anak i Nun, na anu daagi' tutuu'.

PO'ULE' INGULIT 28:18

Okutukimo na belemiu, sahingga ola sangkiding na anak nu belemiu, isi nu ale' miu, tiba sapi' ka' mee' ka' domba nu belemiu.

PO'ULE' INGULIT 28:32

I ahop nu mata miu to ana-anak nu belemiu obee'mo salaku posaihon hi mian anu lengkat mae i salipu'an. Sansina-sinaa mata nu belemiu malanitmo na molio to ana-anak nu belemiu, panyo usaha nu belemiu madi' mingkaliangan, kalana aha madi'mo mae minsusule'.

PO'ULE' INGULIT 31:17

De aijo' obaumo, Ku tambuha'imo hondo-hondo na aha. Aha Ku pala'imo ka' Ku pateimo. Manjoo' na balaa' anu okabuhuk, montokaimo aha, lantas aha sinsumbu'je, ka' motatae taalu' anu jinadimo aijo' kalana Aku, Tumpu Allah nu aha madi'mo daagi' monsangaja'i aha.

PO'ULE' INGULIT 32:25

Pahampatean monsaduakonmo kapatean i iwi-iwi' na jalan; hahan anu okabuhuk mongkonamo to mia-mian anu i laigan. To oli-olitau ka' to lalangkoyang anu tumimpasje opateimo, ka' suele bungamea' ka' mian anu langkai'mo ka' bengkele'mo.

TO MIA-MIAN KOPIAN 4:16

I Barak nololoi'mo to kare-kareta anu bau pahampate tiba suludadu nu sampobali'nyo haha aijo' tinoka-toka i Haroset-Hogayim lantas iwi-iwi' na suludadu i Sisera aijo' pinateannyomo; maupe'e ola samian madi' ko anu pinotumuu'.

1 SAMUEL 16:14

I Saul pinala'ianmo nu Roh nu Tumpu, ka' uuka aiya ia saja'mo nu soku'i nu roh anu ma'idek anu nu sai mae nu Tumpu.