HOSEA 8:6 - KITAB NU TUMPU ALLA LELE MA'IMAI'

⁶ Sapi' mosoni' anu osombah kiijo' i Samaria aijo', anu bibinau nu to mia-mian anu pakawelan i Israel! Aijo' misa' Tumpu, kalana aijo' tionyo ahi' ohansuni!

HOSEA 8:6 ပူးပေါင်းရင်းမြစ်များ

2 TOMU-TOMUNDO' 23:15

Ia mule' nongideimo tampat ponsomban kiijo' i Betel anu binau i Tomundo' Yerobeam anak i Nebot – tomundo' anu nonsaduakonmo mian nu Israel nombaumo dosa'. Lantas i Yosia nombiha'mo mezbah, i tampat ponsombahkonan aijo' ka' pinapuannyomo tiba Patong boune Asyera anu daagi' kiijo'.

2 TOMU-TOMUNDO' 23:19

Iwi-iwi' na kota' anu kiijo' i Israel, pinaha ideanmo i Tomundo' Yosia na tampat ponsomban pilogot anu binau nu to tomu-tomundo' nu aha Israel, ka' nonsaduakonmo Tumpu pinusamo. Apaa na anu binau i Tomundo' Yosia kiijo' i Betel, aijo'mo na anu binaunyo mule' i mezbah-mezbah anu i songko-songko na Israel.

2 TAWARIKH 13:8

Jadi uuka aiya osangka nu belemiu, belemiu moko alamo mongewa kakuasa'an anu binee'mo nu Tumpu hi lee' i Daud, kalana suludadu nu beleyum manjoo' ka' belemiu ko to sapi-sapi' mosoni' anu pinotimbalimo i Yerobeam pilogot nu belemiu.

2 TAWARIKH 31:1

Salatan lamean ilapasmo, mian da'isan iwi-iwi' nambamo i batu-batu kota' nu Yehuda lantas nohobo'akonmo tugu nu pilogot, mompahahobo'akon, iwi-iwi' na patong anu pinotinjo ponsombaan Pilogot boune Asyera, ka' nongideimo iwi-iwi' na mezbah ka' tampat anu lewa' ponsomban pilogot. Sumo aijo' mule' na aha nombau tampat sangga'at i da'erah Yehuda, ka' suele i da'erah Benyamin, Efraim ka' Manasye. Lapas aijo' aha ninsusule'mo i tampat nu aha toto samian.

YEREMIA 10:14

Salatan nontoamo aijo' iwi-iwi' nangalati'je na manusia taalu' ia ponga' ahi' ka' madi' ahi' ko anu nu pisumbu-sumbu'. To tuka-tukang anu pande montutuk mosoni madi'mo pinalesaya, kalana patong pilogot anu binaunyo aijo' madi' ko kaliangannyo ka' mule' madi' ko santuu'nyo.

YEREMIA 48:13

Moab mososonmo hi Kamos te pilogot nu aha, sumomo mian nu Israel nososonmo hi Babel anu nutakabunakon nu aha aijo'.

YEREMIA 50:2

“Pokonai tanda ka' bebakonmo na lele hi to bansa-bansa taalu' Babel pinatundu'mo! Bolimo opohowini na han aijo'! I Merodakh pilogotnyo ihansunanmo ka' mule sinin na patongnyo anu toto henyu-henyu singkapmo nobiha-biha', ka' mule' bapilogotan nu aha madi'mo iholomatan.

HOSEA 10:2

To mia-mian anu kinyonyoanyo tageo' aijo' uuka aiya montanggung ahi' dosa'nyo. Tumpu Allah mohansunimo mezbah nu aha ka' montua' akonmo patong nu pilogot nu aha.

HOSEA 13:2

Sampe uuka aiya to mia-mian nu Efraim haha aijo' daagi saja mobau dosa' kalana aha nombaumo iwi-iwi' na patong salaka da osombah – patong anu tinanga'an nu akan nu mian ka' binau nu lima nu manusia. Aha notatae, “Sombahkonmo na koloban hi patong haha aiya!” Madi' minsoop i akan na mian mongooki patong anak nu sapi'!

HOSEA 14:3

Pinsusule'mo mae hi Tumpu ka' pongkakaase do'a salaku palasombahan nu belemiu hi Ia, otaloakon sumo uuka: “O Tumpu ampuniakon mae na dosa' mami ka' talimakon iwi-iwi' na do'a mami aiya, da kami mompuji'mo Belento susumo anu jinanji'mo mami.

MIKHA 1:7

Iwi-iwi' na patong anu mahan na olinyo ohansunimo ka' balang anu binee'mo hi to bou-boune anu mokalaja' i kuil opapuimo, ka' mule' iwi-iwi' na pilogotnyo ohansunimo. Balang haha aijo' anu ohumpak de aha monsombahmo pilogot momombee'i kalumba'an nu tano'. Uuka aiya iwi-iwi' aijo' oboamo nu sampobali' da bau palasombahan salaku pontalimakase hi to pilo-pilogot nu aha.”

HABAKUK 2:18

Kinutukan nabeleyum! Beleyum notataemo hi sangkolong na kau', “Pobulamo!” kabai hi batu anu daka' hondo, “Tinjomo!” Te moko ala na patong sa'angu' montaeakon apa-apaa hi beleyum? Maumo patong aijo' ilapisan nu mosoni' tiba salaka, panyo madi' ahi' ko nyawanyo. Apaa na gunanyo patong nu pilogot? Aijo' ola manusia na nombau. Anu nu humpak hi ia ola ahi' anu madi' totu'u. Ola palasuma na kapalesaya'an nu mian anu mombau bapilogotan anu pinosi bau nu limanyo anu madi' moko ala motatae aijo'.

SISIKON NU TO RASUL-RASUL 17:29

Jadi, kalana kita to ana-anak-Nyo, kita madi' timbali monsangka Tumpu pokakana sumo patong mosoni' na binau kabai salaka kabai batu anu binau pokakana sumo kapandean nu mian.

SISIKON NU TO RASUL-RASUL 19:26

Uuka kita Utus nontoamo ka' pinosi hongomo apaa na anu binau i Paulus aijo'. Ia notatae tukoonyo, to pilo-pilogot anu binau nu mian, misa' hondo-hondo pilogot. Ka' ia kino hasinnyomo, nompotimbali da'isan na mian palesaya i ajalannyo, misa' ola aiya i Efesus, panyo ohani songko-songkomo na tano' nu Asia suele.