HOSEA 8:2 - KITAB NU TUMPU ALLA LELE MA'IMAI'

² Maumo ahi' aha monsanggo, sanggong-Ku Tumpu Allah nu aha ka' montaloakon koonyo nu aha mian-Ku anu monsumbu' Aku,

HOSEA 8:2 ပူးပေါင်းရင်းမြစ်များ

2 TOMU-TOMUNDO' 10:16

“Batuki mae na aku ka' oposi toaje pa' mosia na langkasku palesaya hi Tumpu.” Lantas aha hingga-hinggat sinumake'mo namba i Samaria.

2 TOMU-TOMUNDO' 10:29

Kalana aitu koonyo nu Tumpu hi Yehu sumo uuka, “Iwi-iwi' na anu pinalentahkon-Kumo hi beleyum mongkona lee' i Ahab binaumo nu beleyum. Kalana aijo' Aku balajanji' to maku-makumpu nu beleyum sampe toka-toka i lapisan anu ko opatnyomo na lee' nu beleyum aijo' na timbali bau tomundo' nu Israel.” Panyo i Yehu madi' talalo buke-buke na kinyonyoanyo montuluti atulan nu Tumpu, Tumpu Allah nu Israel. Ia nontulutimo apaa na anu binaumo i Yerobeam anu nonsaduakon mian nu Israel binaladosa'mo kalana nonsombahmo sapi' mosoni' anu pinotinjonyo i Betel tiba kiijo' i Dan.

YEREMIA 7:4

Boli palesaya hi aha anu saja' mongakali nonotataemo, ‘Kita madi'mo ko anu mompoposia, kalana aiya Laigan nu Tumpu. Totu-totu'u aiya Laigan nu Tumpu!’

HOSEA 5:15

Mian-Ku anu palesayamo Ku pala'imo sampe aha talalomo hondo sansala kalana iwi-iwi' na dosa'nu aha lantas aha molioje Aku. Ku gantang i unoje nu kasusa'an nu aha, aha pagalaje molio Aku.”

HOSEA 8:3

panyo aha madi' mongka'oho' montalima apaa na anu ma'ima'. Mokonyo aijo' aha nu loloi'mo nu sampobali' nu aha.

MIKHA 3:11

Anu balakuasa i kota' lewa'mo nompalentah da mohumpak doi ponsogo', to ima-imam lewa' mompogulu'atulan nu Tumpu da mohumpak gaji, ka' to nabi-nabi momoita pokinde' hi Tumpu da mohumpak doi – lantas aha iwi-iwi' monsangka Tumpu daagi' monsangaja'i mae aha. Aha notatae, “Tumpu saja' daagi' aiya hi kita; kita madi' nukona mae nu balaa'.”

MATIUS 25:11

Lapas aijo', to lalangkoyang anu sangga'at aijo' tinokamo. Aha notatae daka-daka', ‘Tuan, Tuan, tuhea'akon pe'e mae na tumban.’

MATIUS 7:21

“Madi' iwi-iwi' na mian anu molaga Aku, ‘Tumpu, Tumpu,’ anu moko ala timbali mian anu palesayamo hi Tumpu, panyo ola to mia-mian anu mombau kahanda' nu Tuumang-Ku anu i suluga'.

LUKAS 13:25

Tempo'nyo tumpu nu laigan nobula ka' nontumban, komiu tinjo-tinjo i sambiha'nyo ka' nongkutetekmo lantas notataemo, ‘Tuan, tuhea'akon mae na tumban da minsoop na kami!’ Tuan aijo' nontaami, ‘Aku madi' monsumbu' pa' komiu lengkat mae iya!’

TITUS 1:16

Aha notatae, tukoonyo aha monsumbu' nu Tumpu, padahan palabuatan nu aha madi' totu'u. Aha monsaduakon da mongkahumimi'i ka' madi' mongka'oho' tulu-tulutan; aha aijo'mo na to mia-mian anu madi' moko ala mombau apa-apaa na anu ma'ima'.

1 YOHANES 2:4

Mian anu motatae, “Aku monsumbu' Tumpu,” panyo madi' tulu-tulutan hi iwi-iwi' na palentah-Nyo, mian aijo' baleko', ka' Tumpu madi' ko anu i uno nu kinyonyoanyo.