HOSEA 8:14 - KITAB NU TUMPU ALLA LELE MA'IMAI'

¹⁴ Aha mian nu Israel nombaumo iwi-iwi' laigan nu tomundo' panyo aha madi'mo nonginau' anu nompotimbalimo aha. Aha mian nu Yehuda nomponjoo'mo kota' anu ko bentengnyo panyo Ku tau'akonmo mae na apu da mompapui iwi-iwi' na laigan nu tomundo' haha aijo' tiba iwi-iwi' na kota' nu aha sampe mingkot.”

HOSEA 8:14 ပူးပေါင်းရင်းမြစ်များ

1 TOMU-TOMUNDO' 12:31

Ka' mule' i Yerobeam nompaka baumo mule' tampar sangga'at lewa' ponsomban pilogot i bungkutnyo ka' nohangkatmo to ima-imam anu ingala hi bubu' aha anu misa' lee' mae nu aha tulunan nu bansa Lewi.

1 TOMU-TOMUNDO' 16:31

Ma'isa na'osa na ia i kantumuu'annyo lewa' mombau dosa' susumo i Tomundo' Yerobeam, pakalaus ia nongosoai mule' i Izebel anak i Tomundo' Etbaal mian nu Sidon, ka' mule' ia nonsombahmo Baal.

2 TOMU-TOMUNDO' 18:13

I taun ko sampulu'nyomo ka' opat na i Tomundo' Hizkia nompalentah Yehuda, kota-kota' nu Yehuda anu ko bentengnyo tinumbuhanmo ka' pinatundu'mo i Sanherib tomundo' nu Asyur.

2 TAWARIKH 26:10

Ia mule' nompotinjomo laigan toto tangka-tangkas anu binentengan i da'erah padang, ka' nongkekemo manjoo' hondo na bubung kalana manjoo' na potuu'onnyo mau anu aita' mae i bungkutnyo kabai i hatanyo sasu kinsoban. Kalana ia nompalahatikan hondo anu mombau ale' sahingga ia nompokalajamo mian manjoo' hondo anu mombau ale' nu anggur i da'erah bungkutnyo, ka' mombau ale' i da'erah anu toto ma'o-ma'omuk.

2 TAWARIKH 27:4

Ia na nompotinjo kota-kota' i bungkutnyo nu Yehuda ka' benteng-benteng, ka' laigan toto tangka-tangkas i uno nu kuhat.

MAZMUR 106:21

Aha nongkolilimimo Tumpu anu nomposalamatmo aha, anu nombaumo hahan anu daka' hondo tempo'nyo kiijo' mae i Mesir.

MAZMUR 95:6

Imbo' da kita tolodadupu monsombah Ia, tolodadupu i ahop nu Tumpu, anu nompotimbali kita.

YESAYA 17:10

O, Israel beleyum nongkolilimo Tumpu anu nomposalamatmo ka' nonjagaimo beleyum susumo bungkutnyo nu batu anu mahoson hondo. Panyo ola mule' ahi' beleyum nonsu'anino ale' anu osombahkon hi pilogot.

YESAYA 29:23

Kalana de belemiu montoamo to ana-anak nu belemiu anu Ku bee'mo hi belemiu, saba' o, akuije nu belemiu taalu' Akumo ahi' aiya na Tumpu nu Israel anu susi'. Oholomatije nu belemiu na Aku ka' mongkabuhukmo Aku.

YESAYA 42:13

Tumpu mambamo mahampate susumo samian na talenga' susumo samian na suludadu anu binanimo na mahampate. Ia nongaisakonmo ais nu pahampatean, ka' nompotoamo ka untungan-Nyo mahampate de mongewamo sampobali'.

YESAYA 42:25

Sahingga binau-Nyomo nakita da nonta'up tambuha'-Nyo anu taha-tahahumo, ka' nongoa'imo kasansala'an kalana talalomo ahi' na lewa' nahampate. Tambuha'-Nyo nontoyo'imo Israel susumo apu, panyo kita madi' ahi' sininsumbu', ka' madi' binalagulu' ihan anu ingoa'antomo.

YESAYA 43:21

Ahamo na bansa anu pinojading-Kumo da mombau anu Ku palentahkon, da timbali mombebakon anu bau pompuji' Aku.”

YESAYA 9:10

Tumpu noposinsumbu'mo sampobali' nu aha da mongewamo mae aha.

YESAYA 9:9

“Laigan to daka-daka' anu batu na binau nohobo'mo, panyo kami po ule'mo mombau laigan toto daka-daka' anu bu'ou anu batu na obau. Kau' ara singkapmo tina'an, panyo obolosimo mami nu kau' cemara i Libanon anu ma'ima' hondo”.

YEREMIA 17:27

Iwi-iwi' aijo' bisa timbali de belemiu montuluti Aku ka' montungka'akonmo samata-mata sinaa nu Sabat baumo bahagian-Ku. Boli mongato balang maumo pa' apaa montulu sabatan daka' haha aijo' i Yerusalem isinaa aijo'. De olanggaimo nu belemiu na palentah-ngKu haha aijo', saba' sabatan toto daka-daka' i Yerusalem tibamo laigan iwi-iwi' nu tomundo' Ku papuimo ingko-ingkot ka' mule' apunyo aijo' madi'mo daagi' opoko ala opatei'.’ ”

YEREMIA 2:32

Pa' daagi' kolangkoyang anu bisa mongkolilimi palahiasannyo, kabai pa' daagi' ko boting boune anu bisa mongkolilimi baju'nyo nu boting? Panyo belemiu pininmo hondo na nongkolilimi mae Aku – salatanmo pe'e naipuan mae anu madi'mo opoko bilang na kopinnyo.

YEREMIA 23:27

Tantu nu tutugi nu aha tiba ipion haha aijo' anu nu sisikakon nu aha mian anu palesayamo hi beleng-Ku timbalimo mongkolilimi mae Aku susumo mompolee' nu aha nongkolilimimo mae Aku ka' nonsombahmo Baal.

YEREMIA 3:21

Aita' mae ibawo nu to bungku-bungkutnyo ihongomo na potatae anu ihengge'mo; aijo' potatae nu aha mian Israel anu ihumangmo ka' lewa' mongkakase, kalana aha binaladosa'mo ka' nongkolilimimo Tumpu Allah nu aha.

YEREMIA 5:17

Nu ingkotimo nu aha na isi nu ale' tiba anu okaan nu belemiu ka' mompateimo to ana-anak nu belemiu. Potuu'on sapi' tiba domba nu belemiu nu pahangkolotakonmo nu aha ka' mule' ale' nu anggur nu belemiu tiba kau' ara nu belemiu nu galisimo nu aha. Iwi-iwi' na kota' anu ko bentengnyo ota-otaha'imani nu belemiu nuhansunimo nu aha.

YEHEZKIEL 23:35

Tumpu Anu Matangkas na Kuasanyo notatae, “Kalana beleyum nongkolilimimo Aku, ka' nohikumo mae Aku, beleyum mongoa'imo kasansala'an kalana taha-tahahumo na napisu majota hi mo'ane na beleyum ka' sola-sola' masala' na beleyum.”

HOSEA 13:6

Panyo salatan belemiu jinojoongmo i lipu' anu ma'ima ka' belemiu nobosumo ka' na osamo, belemiu tinakabunmo lantas nongkolilimimo mae Aku.

HOSEA 2:13

Aku na mohukumo ia kalana iwi-iwi na sinaa anu pinakenyomo nompapu kamangian osombahkon hi Baal, ka' binalahiasmo nu palahiasan da mololoi'mo to sindu-sindua'annyo, lantas madi'mo daagi' monginau' Aku totu-totu'u. Akumo, na Tumpu anu notataemo.”

HOSEA 4:6

Belemiu to imam-imam, madi' mongadati Aku, sahingga mian-Ku anu palesayamo suele madi'mo mongadati Aku, sahingga aha nohumpakmo balaa'. Belemiu madi'mo montalima to aja-ajalan-Ku. Jadi Aku suele madi'mo montalima belemiu ka' to ana-anak nu belemiu madi'mo Ku talima salaa-Ku to imam-imam-Ku.

AMOS 1:10

Kalana aijo' Aku mombee'imo apu mokiijo' i to paga-pagan mesen nu Tirus ka' nompapuimo to bente-bentengnyo.”

AMOS 1:12

Kalana aijo', Aku mombee'imo apu mokiijo' i kota' Teman, ka' nompapui to bente-bentengnyo nu Bozra.”

AMOS 1:14

Kalana aijo', Aku nombee'imo apu i to paga-pagan mesen i kota' Raba ka' nompapui to bente-bentengnyo. Tempo'nyo aijo' ahamo na hengge nu pahampatean, ka' pahampatean aijo' sumomo antong.

AMOS 1:4

kalana aijo' Aku mombee'imo apu mokiijo' i laigan nu Tomundo Hazael ka' mompapuimo to bente-benteng nu Tomundo Benhadad.

AMOS 2:5

Kalana aijo', Aku mombee'imo apu mokiijo' i Yehuda ka' mompapuimo to bente-benteng nu Yerusalem.”

EFESUS 2:10

Kita, Tumpu na nompotimbali, ka' kalana palesaya hi Kristus Yesus, Tumpu nompotimbalimo kita, da kita mombau hahan anu ma'ima', anu tinoukan-Nyomo da o baunto.

PO'ULE' INGULIT 32:18

Aha madi'mo nontapali anu Nomposalamat aha anu daka' hondo na kuasanyo, nongkolilimimo Tumpu Allah nu aha anu nombee'imo kantumuu'an.