HOSEA 8:1 - KITAB NU TUMPU ALLA LELE MA'IMAI'

¹ Tumpu notatae, “Po'onyi'mo na tanda kalana ko lobosmo mae montumbuhi. Sampobali' montumbuhimo mae lipu'-Ku susumo bonyia' monsabutmo kaanonnyo! Mian-Ku anu palesayamo nolanggaimo palajanjian-Ku tiba aha ka' madi'mo nontuluti pangajalan-Ku.

HOSEA 8:1 ပူးပေါင်းရင်းမြစ်များ

2 TOMU-TOMUNDO' 18:27

Tinamaan nu suludadu anu matangkas na pangkatnyo aijo', “Te ola hi belemiu ka' hi tomundo' nu belemiu na pinonsaian mae nu tomundo' Asyur da pompoto'iannyo iwi-iwi' aiya? Madi'! Aku suele motatae ahi' hi aha mian da'isan anu paha-paha suhang i pagan mesen aita' anu saidi' mae tiba belemiu mongkaanmo anu sala' nu belemiu ka' tatidi' nu belemiu o' inummo nu belemiu.”

YESAYA 18:3

O, belemiu iwi-iwi' anu monjojoongi dunia aiya! Soba palahatikan de bandela' opotinjo' ito bungku-bungkutnyo! Soba potombihing de tolompet opo'onyi'mo!

YESAYA 24:5

Tano' mahumimi'mo kalana nu saduakon nu palabuatan nu mian anu monjojoongi nolanggaimo iwi-iwi na palentah nu Tumpu, nongabali'mo iwi-iwi na anu tinantukannyomo ka' madi'mo nontoongi palajanjian anu binau-Nyomo tiba aha sampe toka sidu-sidutu'.

YESAYA 58:1

Tumpu notatae, “Poloboo'mo hoso-hoson! Poto'imo hi mian anu palesayamo hi beleng-Ku na ko dosa-dosa' nu aha.

YEREMIA 31:32

Panyo palajanjian aijo' misa' susumo palajanjian anu binaung-Kumo tiba mompolee' nu aha tempo'nyo aha ilaya'-Kumo namba nosabat lengkat mae i Mesir. Maunyomo ahi' Aku sumomo salaku langkai' nu aha, panyo aha madi' ahi' nontoongi palajanjian-Ku tiba aha.

YEREMIA 4:13

Soba toa sampobali tinokamo mae sumomo ahi' kundom. Kareta nu aha anu bau pahampate sumomo ahi' tombusisi', ajahan nu aha lebe malia' nulingkudui na bonyia nu mahap. Ado silakamo na kita! Kita mohopu'mo!

YEREMIA 4:5

Puuhimo na tolompet isongko-songko na lipu'! Poloboo'mo nasa-nasa. Palentah na mian anu jojoong i Yehuda tiba Yerusalem popalaimo lako' mamba ikota-kota' anu ko bentengnyo.

YEREMIA 48:40

Tumpu notatae, “Susumo bonyia' de monsabutmo polipiknyo nu bokaamo, sumo aijo'mo na bansa sa'angu' tokamo mae ka' monsabutmo Moab.

YEREMIA 49:22

Susumo bonyia' monsabut nu boka na polipiknyo, sumo aijo'mo na sampobali' toka mae ka' monsabut Bozra. Toka isinaa aijo' suludadu nu Edom mabuhukmo susumo boune anu kahanda'mo mompohampe anak.”

YEREMIA 51:27

“O, tomundo' anu lengkat mae isasu utara! Bee'imo mae tanda da otumbuhimo! Po onyi'mo na tolompet da nu hongomo nu to bansa-bansa! Tipaha'imo na to bansa-bansa da mahampatemo mongewa Babel! Palentahmo na kalaja'an Ararat, Mini tiba Askenas da montumbuhimo. Pohangkatmo samian na bau talenga' da mompimpin belemiu montumbuhi aijo'. Tipaha'imo na ajahan anu konjoo'nyo sumo gombuan nu kihi-kihi'.

YEREMIA 6:1

Lako palaimo, o tomia-mian nu Benyamin! Pala'imo na Yerusalem! Po onyi'mo na tolompet kiijo' i Tekoa ka' pomoakmo na apu salaku tanda i Bet-Kerem! Balaa' tiba kasilaka'an anu opalias hondo montumbuhimo mae lengkat isasu utara.

YEHEZKIEL 16:59

Tumpu Anu Matangkas na Kuasanyo notatae, “Beleyum Ku hukumo sitimbang tiba palabuatan nu beleyum, kalana beleyum madi'mo nontuluti anu sinumpa'akonmo nu beleka' mule' nolanggaimo palajanjian-Ku anu binaumo tiba beleyum.

YEHEZKIEL 17:3

anu Aku, Tumpu Anu Matangkas na Kuasanyo mompoto'imo hi aha: Daagi' ko sa'angu' na bonyia' anu daka' hondo bulunyo ma'ima' hondo ka' polipiknyo bola ka' mule' mahoson. Ia ilumahapmo nokiita' i bungkutnyo nu Libanon, nompato' londik nu sangkau na kau' lontio',

YEHEZKIEL 7:14

Tolompet ingumonyi'mo ka' iwi-iwi' na mian nosadiamo. Panyo mau pe'e samian madi' ahi' ko anu namba nahampate itampat pahampatean, kalana tambuha' nu Tumpu nongkonamo iwi-iwi' na mian.

HOSEA 4:6

Belemiu to imam-imam, madi' mongadati Aku, sahingga mian-Ku anu palesayamo suele madi'mo mongadati Aku, sahingga aha nohumpakmo balaa'. Belemiu madi'mo montalima to aja-ajalan-Ku. Jadi Aku suele madi'mo montalima belemiu ka' to ana-anak nu belemiu madi'mo Ku talima salaa-Ku to imam-imam-Ku.

HOSEA 5:8

Puuhimo na tolompet kiijo' i Gibea! Po'onyi'mo na tanda polaga mahampatemo kiijo' mae i Rama! Poloaismo salaku tanda mahampatemo kiijo' mae i Betel! Soba mian nu Benyamin ahopimo ka' pahampatemo!

HOSEA 6:7

Panyo susumo kiijo' i Adam, belemiu madi'mo nongganapi palajanjian nu belemiu hi beleng-Ku.

HOSEA 9:15

Tumpu notatae, “Iwi-iwi' na palabuatan anu ma'idek nu aha aijo' lengkat pe'e mae i Gilgal. Kiijo' pe'e mae na Aku nontampu'unimo nongka'ideki aha. Kalana palabuatan nu aha anu ma'i-ma'idek aijo', Kulaa'mo na aha da bolimo jojoong ilipu'-Ku aiya. Madi'mo daagi Ku kalibosi na aha, iwi-iwi' na polaya' nu aha madi'mo nontuluti Aku.

YOËL 2:1

Puuhimo na tolompet, po'onyi'mo na tanda bahaya i bungkutnyo nu Sion anu susi' kajojoongan nu Tumpu. Langkakatanmo, o mian anu jojoong i Yehuda! Kalana Sinaa nu Tumpu ohanimo mae ka' malia-lia'mo mae toka.

YOËL 2:15

Puuhimo na tolompet kiita' i Sion i bungkutnyo nu Tumpu, bebakonmo na sinaa nu puasa' baumo na kasihukan nu mian iwi-iwi'.

AMOS 3:6

Te toho' mule' mian i kota', madi' nu lakat de mohongomo onyi' nu tolompet tandanyo mahampatemo? Ugaat mule' sa'angu' na kota' nukona nu balaa' de Tumpu madi' nombee' i balaa'?

AMOS 8:3

I sinaa aijo' iwi-iwi na nyanyian i laigan nu tomundo tinimbalimo haang. Iyaya mae nososalonganmo na to maya-mayat anu ingalinmo madi' kino hengge-hengge'.”

AMOS 9:1

Aku nontoa Tumpu tinuminjo koko mezbah. Ia nombee'i palentah aiya, “Santib hoso-hoson na puusnyo nu ohi' nu Laigan-Ku da gandalia iwi-iwi' tolohunjong. Tua'akon na to ohi haha aijo' i ubak nu mian haha aijo'. Aha anu madi' silaka Ku pateije i uno nu pahampatean. Madi' ko samian pe'e na noko palaiakon butong, madi' ko samian pe'e na moko ala mopalai.

HABAKUK 1:8

Ajahan nu aha lebe malia' molingkudui macan tutul ka' lebe singgi molingkudui serigala anu hau-haunyo no ohopmo. Tompukan nu suludadu nu aha lengkat mae i iwi-iwi na lipu' anu majo'on; aha toka mae sumomo tomonsi' bonyia' nonsabutmo kaanonnyo.

ZEFANYA 1:16

Sansinaa aijo' na mohongo onyi' nu tolompet tiba ais nu mian anu mahampate aijo'mo aha to sulu-suludadu anu nontumbuhimo iwi-iwi' na kota' anu bentengnyo ka' laigan toto tangka-tangkas bau pontanggalakonan mian.

ZAKHARIA 11:1

O, Libanon tuhea'akon mae iwi-iwi' na tumban nu belemiu, da apu montoyo'imo ingko-ingkot na kau' aras nu belemiu.

ZAKHARIA 9:14

Tumpu mompotoamo butong-Nyo, hi aha mian anu palesayamo hi Ia, sumomo ahi' kilat na hihis nu pana'-Nyo pineletakon-Nyo. Tumpu Anu Matangkas na Kuasanyo saidi' mae mompuhimo tolompet salaku tanda montumbuhimo, lantas mambamo montumbuhi i uno nu tombusisi' anu lengkat mae i sasu salatan.

MATIUS 24:28

Iya na daagi' ko bangke'nyo, i kiijo' daagi' ko tomonsi' montoluk bangke'nyo.”

1 KORINTUS 15:52

Han aijo' monti-montiik timbalimo i uno nu sangkinihap na mata, de opoko po'onyi'mo na tolompet anu imihi hondo aijo'. Kalana salatan ohongomo na onyi' nu tolompet aijo', to mia-mian anu sinilakamo po'ule'mo opotumuu' timbalimo butong anu sampe toka sidu-sidutu', ka' kita iwi-iwi' obali'imo.

PO'ULE' INGULIT 28:49

Sa'angu' na bansa anu madi' osumbu' nu belemiu na sisik nu aha nupotokamo mae nu Tumpu lengkat mae i puusnyo nu tano' da mongewa belemiu. Susumo bonyia' nusabutmo nu aha na belemiu.