HOSEA 7:7 - KITAB NU TUMPU ALLA LELE MA'IMAI'

⁷ I uno nu napisu nu pusa nu aha, aha nompateimo to pola-polaya' nu aha. Iwi-iwi' na tomundo' nu aha pinateanmo toto samian. Panyo maumo sumo aijo' na ka ada'an nu aha madi'mo tinalakana' madi' ahi' ko samian pe'e na balado'a mae hi beleng-Ku momoita tulung.”

HOSEA 7:7 ပူးပေါင်းရင်းမြစ်များ

1 TOMU-TOMUNDO' 15:28

Aijo' jinadi i taun anu ko totolu'nyomo na i Tomundo' Asa nompalentah Yehuda. Sumo aijo' na i Baesa tinimbali tomundo' nu Israel nombolosakon i Nadab.

1 TOMU-TOMUNDO' 16:18

Salatan tinoa i Zimri taalu' kota' aijo' pinotundu'mo, ia ninsoopmo i Laigan nu tomundo' ka' pinapuannyomo na laigan nu tomundo' aijo', hingga-hinggat tiba butongnyo sahingga ia sinilakamo.

1 TOMU-TOMUNDO' 16:22

Ahennyo tinongala hi aha anu mongka'ima'i i Omri. Salatan i Tibni sinilakamo i Omri tinimbalimo tomundo'.

2 TOMU-TOMUNDO' 10:14

“Hakop na aha boli pe'e opatei!” na pinalentah i Yehu hi aha suludadunyo. Sahingga mian haha aijo' i hakopmo, lantas pinateanmo koko sa'angu' na bubung anu madi' ko ueenyo, iwi-iwi' aha patumpulu' ka' ohua' na mian. Mau samian madi' ko anu pinotumuu'.

2 TOMU-TOMUNDO' 10:7

Salatan aha nohumpakmo sulat i Yehu, to tu'a-tu'anyo nu kota Samaria aijo' nompateimo makumpu i Ahab aha pitumpulu' lantas ubak nu aha haha aijo' pinolinsonmo i uno nu kalanjang ka' pinakatu i Yehu i Yizreel.

2 TOMU-TOMUNDO' 15:10

I Salum anak i Yabes nompotinjomo posa'angu'an da batanga' mongewa i Tomundo' Zakharia ka' nompateimo ia kiijo' i Yibleam, ka' i hangkatmo binau tomundo' nombolosakon ia.

2 TOMU-TOMUNDO' 15:14

kalana i Mahanom anak i Gadi lengkat mae i Tirza nambamo i Samaria lantas nompateimo i Salum, ka' tinimbalimo tomundo' nombolosakon ia.

2 TOMU-TOMUNDO' 15:25

Sala' samian na suludadu anu matangkas na pangkatnyo aijo' hi ia, aijo'mo i Pekah anak i Remalya, nombaumo kasangaja'an aha 50 na mian anu lengkat mae i Gilead. Lantas i sa'angu' na benteng kiijo' i laigan nu tomundo' i Samaria pinateanmo nu aha na i Pekahya ka' ua'aha na mian sangga'at sanggonyo i Argop tiba i Arye. Lapas aijo' i Pekah tinimbalimo tomundo' nombolosakon i Pekahya.

2 TOMU-TOMUNDO' 15:30

I taun ko uampulu'nyomo na i Tomundo' Yotam anak i Uzia nompalentah Yehuda, i Hosea anak i Ela nombaumo kasangaja'an da mongewa i Tomundo' Pekah ka' pinateanmo nu aha na ia.

2 TOMU-TOMUNDO' 9:24

I Yehu nompana'akonmo hoso-hoson pana'nyo hi Yoram kinona i tonga'nyo i lampasan nokiijo' i sulenyo. I Yoram notua'mo ka' sinilakamo i uno nu karetanyo.

2 TOMU-TOMUNDO' 9:33

I Yehu notataemo i aha, “Lumbu'akon na ia mokaiyong!” Sahingga i lumbu'akonmo nu aha nai i Izebel nokaiyong lantas ia iligismo nu kareta sahingga baso'nyo tinolopinjitmo no kiijo' i pagan mesen ka' nokiijo i ajahan haha aijo' anu mohela' kareta aijo'.

AYUB 36:13

Mian anu madi' palesaya Tumpu saja' motambuha' i uno nu kinyonyoanyo; mau nuhukumo nu Tumpu, madi' mongka'oho' na aha momoita tulung.

MAZMUR 14:4

Tumpu notatae, “Pa' madi'mo ko kasinsumbu'annyo na mian toto ide-idek na kinyonyoanyo haha aijo'? Aha tumuu' ola saja' mompahuhui mian anu palesayamo hi Beleng-Ku ka' madi'mo toho' balado'a mae hi Beleng-Ku.”

YESAYA 43:22

Tumpu notatae, “Panyo beleyum Israel madi'mo nonsombah Aku, ka' madi'mo tulu-tulutan hi beleng-Ku.

YESAYA 64:4

Ma'isa toho' kinomian nohongo ka' ma'isa toho' kinomian anu nontoamo samian na tumpu anu nompalentahmo mian anu taha'iman hi ia, olamo ahi' samata-mata belento na nombaumo hi aha anu sumo aijo'.

YESAYA 64:6

Kami iwi-iwi' mian anu nahenyumo, ka' mule' palabuatan mami anu ma'ima' na'idekmo ka' kinotonmo. Kami mingkotmo kalana palabuatan mami anu na'idekmo susumo hon anu nagayoumo nu lahabakonmo nu mombun.

YESAYA 64:7

Madi'mo ko anu balado'a hi Belento, kabai mongkakase da otulungi nu Belento kalana pinosulukmo nu Belento na ohup nu Belento da madi' otoa mami, ka' mule' nompojohokmo kami da osilakaimo nu dosa' mami.

YESAYA 9:13

Kalana aijo' i uno nu sansinaa Tumpu nohukumo to pola-polaya' nu aha Israel tiba aha mian da'isan. Kinolong-Nyomo ka' ingalin-Nyomo na ubaknyo tiba ikunyo.

YEHEZKIEL 22:30

Aijo' hi aha mian nu Israel haha aijo' Ku lio na mian anu timbali mompotinjo pagan mesen kabai tuminjo itampat-tampat anu ko anumo nohobo' na pagan nyo mesen da timbali montinjohakon lipu' aijo' de aku mohansunimo kalana Aku talalomo notambuha'; panyo mau samian madi' ahi' ko anu kinabot-Ku.

DANIEL 9:13

Iwi-iwi' na balaa' anu tinulismo i uno nu atulan i Musa binee'mo mae nu belento hi kami. Panyo maumo ahi' sumo aijo' o, Tumpu mami daagi' ahi' saja' kami madi' mombau anu momposanang kinyonyoa nu Belento. Kami daagi' sabole-bole madi' mongka'oho' mompala'i iwi-iwi na dosa' mami ka' madi mule' mongka'oho' mompalahatikan to panga-pangajalan nu Belento.

HOSEA 13:10

Belemiu momoitamo tomundo' tiba anu bau polaya' nu belemiu, panyo iyamo na aha uuka iwi-iwi'? Pa' timbali na aha moko ala momposalamat belemiu mian da'isan?

HOSEA 5:15

Mian-Ku anu palesayamo Ku pala'imo sampe aha talalomo hondo sansala kalana iwi-iwi' na dosa'nu aha lantas aha molioje Aku. Ku gantang i unoje nu kasusa'an nu aha, aha pagalaje molio Aku.”

HOSEA 7:10

Katabuulan nu aha mian Israel nanasamo hondo na otoa ka' tinimbalimo bukuti' nu kasala'an nu aha. Maumo iwi-iwi' aijo' jinadimo panyo aha madi' ahi' molio Aku kabai minsusule' mae hi beleng-Ku Tumpu Allah nu aha.

HOSEA 7:14

Aha madi totu tou na balado'a hi edeng-Ku. Kalu aha balado'a aha matimaleo, i tampat kahoyotan, ka tumando susumo anu binau nu mian anu madi palesaya hi beleng-Ku. Kalu aha balado'a mompoita gandum, ka anggur, aha momboyo boyoto butong susumo anu lewa nu bau nu mian anu lewa monsombah pilogot. Aha memang ahi totu touu molawan Aku!

HOSEA 8:4

Mian-Ku anu palesayamo mompile'i tomundo' madi' nu pokilawa pe'e mae nu aha hi beleng-Ku pa' Ku situjui. Aha mohangkat bau polaya' madi' pinaisale' pe'e mae hi beleng-Ku. Aha mongala mosoni' tiba salaka nu aha lantas nu baumo nu aha patong nu pilogot anu nonsaduakonmo aha ihansun.

MIKHA 2:1

Silakamo na to mia-mian anu nontanga'imo mombau anu ma'idek hau-haunyo male'-male' ikamale'an de pihimo lantas nu baumo subu-subu, kalana aha daagi' ko kamampuan de hahan anu sumo aijo'.