HOSEA 7:6 - KITAB NU TUMPU ALLA LELE MA'IMAI'

⁶ Susumo apu iuno nu tolukun sumo aijo'mo ahi' na niat anu ma'idek tiba kapusan nu aha ola nu una' i uno nu kinyonyoa sampahu-pahu, ka' de subu-subumo kinyonyoa nu aha ko suhu-suhutmo timbalimo moak susumo apu anu mapanas hondo.

HOSEA 7:6 ပူးပေါင်းရင်းမြစ်များ

MAZMUR 21:9

Nuboamo iwi-iwi' na anu monsampobali' ia ka' nu hakopmo iwi-iwi' na mian anu mongka'ideki Ia.

AMSAL 4:16

Mian anu ma'idek na kinyonyoanyo madi' to hoyot de ma'isa pe'e aha mombau anu ma'idek. Aha madi' matatundu' de ma'isa monsilakai mian sangga'at.

HOSEA 7:4

Aha iwi-iwi' to mia-mian anu ma'idek na palabuatannyo ka' madi' tulu-tulutan. Pongka'ideki nu aha sumomo apu i uno nu tolukun anu madi' opomoak nu aha anu montunu roti salatan ma'isa pe'e opotunu na adonannyo.

HOSEA 7:7

I uno nu napisu nu pusa nu aha, aha nompateimo to pola-polaya' nu aha. Iwi-iwi' na tomundo' nu aha pinateanmo toto samian. Panyo maumo sumo aijo' na ka ada'an nu aha madi'mo tinalakana' madi' ahi' ko samian pe'e na balado'a mae hi beleng-Ku momoita tulung.”

MIKHA 2:1

Silakamo na to mia-mian anu nontanga'imo mombau anu ma'idek hau-haunyo male'-male' ikamale'an de pihimo lantas nu baumo subu-subu, kalana aha daagi' ko kamampuan de hahan anu sumo aijo'.