HOSEA 7:5 - KITAB NU TUMPU ALLA LELE MA'IMAI'

⁵ Sinaa pombauanmo bau-bauon i tomundo' tiba to paga-pagawenyo pino inumanmo nu aha anggur sampe aha nalangumo, ka' nombaumo hahan anu ponga'. Ahennyo i tomundo' aijo' binalasanangmo tiba to mia-mian anu palalente.

HOSEA 7:5 ပူးပေါင်းရင်းမြစ်များ

KAJADIAN 40:20

Tinoka tolun sinaa, kakona sinaa kinahampean i tomundo, ia nombaumo bau-bauon anu daka' hondo ka' nolagamo iwi-iwi' na anu ko pangkatnyo. Ia nompalentahkon da anu mongkalesang inumon ka' anu mongkalesang roti, osabatakon mae i talungku' ka' oboa mae hi ahop nu aha iwi-iwi' anu ko pangkatnyo i laigan nu tomundo.

1 TOMU-TOMUNDO' 13:4

Salatan i Yerobeam nohongomo potatae haha aijo', tiniju'nyomo na nabi aijo' ka' notatae daka-daka', “Hakop na mian aitu!” Panyo' balo i hojok na lima i Yerobeam sahingga madi'mo pinoko ala po'ule pinaku'nyo.

MAZMUR 1:1

Mohumpak kabilahian na mian anu madi' mombatuki pokinde' nu mia anu ma'idek na kinyonyoanyo, madi' montiho mian anu baladosa' ka' madi' lewa' gandi-gandian tiba mian anu mompisala'i ka' mongalu Tumpu,

MAZMUR 69:12

Aku nompusokmo kalung salaku tanda ko anumo sinilaka, panyo aha moletakon aku.

AMSAL 13:20

Mian anu mosangalu tiba mian anu pande saidi mae timbali pande; panyo mian anu mosangalu tiba mian anu ponga' saidi mae mohumpak kasilaka'an.

AMSAL 20:1

Inumon anu moko palangu mombau mian madi'mo mingadat ka' lewa'mo hengge'. Ponga' ahi' na mian anu monginum sampemo malangu.

YESAYA 28:1

Silakamo na kota' anu nunu takabunakon nu to mia-mian anu saja' malangu aijo' hi aha Israel! Kaimaannyo luso'mo sumomo bunga anu mangkalualemo aita' i ubak nu aha. Silakamo na kota' anu matangkas hondo itotonga' nu bangka'nyo anu ma omuk, nunu takabunakon nu to mia-mian anu taha-tahahumo na malangu.

YESAYA 28:14

Potombihing mae apaa na anu pinoto'imo nu Tumpu o belemiu anu sola moletakon lelewa' mompalentah mian da'isan i Yerusalem!

DANIEL 5:23

Belento Tuanku takabun hi Tumpu anu kiita' i suluga' ka' baani na mompalentah da oboa oposoop na to mangko-mangko' anu ingagoan i Laigan nu Tumpu. Lantas belento Tuanku tiba anu to tangka-tangkas na pangkatnyo, to bengke-bengkele' nu belento tiba to amba-ambahue' nu belento Tuanku nompuji'mo patong haha aijo' anu mosoni' na binau, salaka, tambaga, besak, kau' ka' batu, ka' mule' to pilo-pilogot anu madi' montoa kabai mohongo kabai mangalati' apa-apaa. Belento Tuanku madi' moholomati Tumpu anu montantukan tumuu' kabai silaka na belento Tuanku ka' anu montantukan jalan nu kantumuu'an nu belento Tuanku.

HOSEA 7:3

Tumpu notatae, “Tiba kalakuan nu aha anu talalo hondo baleko' ka' ma'idek aha mian da'isan mompagalamo momposanang kinyonyoa nu tomundo' tiba to paga-pagawe nu pamalentah.

MATIUS 14:6

Tempo'nyo i Herodes molame'akon sinaa ka' taun kinahampeannyo, anak boune i Herodias nanari i ahop nu mian da'isan. Ia nanari talalo nomposanang kinyonyoa i Herodes,

MARKUS 6:21

Ahennyo i Herodias nohumpak tempo' inompolabot sinaa nu kinahampean i Herodes. Tempo'nyo aijo' i Herodes nombau lamean ka' nolaga iwi-iwi' na anu ko pangkat matangkas i kalaja'an, to sulu-suludadu ka' mule' to tu'a-tu'anyo nu mian Galilea.

EFESUS 5:18

Boli komiu malangu nu anggur, kalana aijo' mongidei komiu. Ola ahi' maunyo komiu nukuasai nu Roh nu Tumpu.