HOSEA 7:2 - KITAB NU TUMPU ALLA LELE MA'IMAI'

² Madi' toho' tonginau' i uno nu pikilan nu aha saba' Aku na saja' ahi' monginau' iwi-iwi' na palabuatan anu ma'idek haha aijo'. Panyo iwi-iwi' na dosa' nu aha nongkukubimo aha sahingga nanasamo hondo na Aku nontoa aha.”

HOSEA 7:2 ပူးပေါင်းရင်းမြစ်များ

AYUB 34:21

Kantumuu'an nu manusia ia na monjagai Nutoa iwi-iwi' na kolangka-langkas nu manusia.

MAZMUR 10:11

Tinutugannyo, “Tumpu nongkolilimimo ka' madi'mo sola' mompotomatakon mae; ka' mule' Ia tantu madi'mo daagi' saja' montoa mae aku!”

MAZMUR 25:7

Ampuniakon mae na dosa' ka' kasala'an tempo'nyo aku daagi' olitau, inau'akon mae na aku i uno nu kalibosan ka' kanonongan nu Belento.

MAZMUR 50:22

Soba palahatikan, belemiu anu mongkolilimi Tumpu; bala ingati mae dumo belemiu Ku silakai, ka' madi' ko anu momposalamat.

MAZMUR 9:16

To bansa-bansa anu madi' monsumbu' Belento nanabu'mo i bolo' anu pinosi kekemo nu aha; aha kinonamo nu so'o anu posi ahamo na nonta'an so'o.

MAZMUR 90:8

Belento nompo'una'mo kasala'an mami i ahop nu Belento, dosa' mami anu sulu-suluk kinantoaanmo hi Belento.

YESAYA 1:3

Sapi' monsumbu' tumpunyo, keledai nusumbu' na pongkaanannyo anu saja' nuposadia nu tumpunyo. Panyo mian-Ku Israel anu palesayamo madi'mo aha madi' monsumbu'.”

YESAYA 26:16

Belento nohukumo kami; i uno nu kasansala'an kami po ule'mo nompalesaya Belento, ka' binalado'amo hi belento, o, Tumpu.

YESAYA 44:19

Mian anu nombau patong aijo' madi'mo daagi' binapikin, “Kau' aijo' sambagian pinapuankumo, ka' obanyo pinakengkumo bau pinontunuan roti ka' mule' bau pontapa'i ponoha' da ku kaan. Lantas tuha' nu kau' aijo' ku baumo patong. Jadi uuka aiya aku monsombahmo sangkolong na kau'!”

YESAYA 5:12

I bau-bauon nu belemiu ko onyi' nu kasapi', gambus, gandang ka' mule' puloit ka' mule' inumon anggur. Panyo belemiu madi' mompajuli apaa na anu kinalajamo nu Tumpu tiba anu binau-Nyomo.

YEREMIA 14:10

Mongkona bansa aijo', Tumpu notataemo, “Aku madi'mo sinanang hi mian haha aijo' anu saja' mopalai mompala'i Aku, ka' madi' mongka'oho' mongkuasai butong nu aha.”

YEREMIA 16:17

Aku montoamo sinin na anu nu bau nu aha. Madi'mo daagi' ko anu naninsuluk da madi' Ku toa; dosa' nu aha mule' tinoang-Kumo.

YEREMIA 17:1

Tumpu notatae, “O bansa Yehuda, dosa' nu belemiu tinulismo ikinyonyoa nu belemiu ka' isongko-songko na pasu'nyo nu mezbah nu belemiu iwi-iwi', pena besak na pinontulis ka' matanyo nu pena aijo' intan.

YEREMIA 2:19

Posi palabuatanmo nu beleyum ma'i-ma'idek na nohukum butong nu beleyum, beleyum sinakisamo kalana madi'mo nongala Aku, Tumpu Allah nu beleyum. Aku, Tumpu Allah nu beleyum notataemo; Akumo na Tumpu Allah Anu Matangkas na Kuasanyo ka' Balakuasa hondo.”

YEREMIA 32:19

Sinin na tanga'an nu Belento opalias hondo ka' apa-apaa na anu nu bau nu Belento akabangangi hondo; Nu toa iwi-iwi'na anu nu bau nu manusia ka' mombalosakon aha sitimbang tiba palabuatan nu aha.

YEREMIA 4:18

O Yehuda posi beleyumo na nompotoka mae balaa' aijo' hi posi butong nu beleyum. Bau-baunyo nu kantumuu'an nu beleyum tiba palabuatan-palabuatan nu beleyum nonsaduakonmo iwi-iwi' na kansalasala'an aijo' anu nonsusukmo kinyonyoa nu beleyum.

YEREMIA 44:21

“Te osangka nu belemiu na Tumpu madi' monsumbu' kabai nongkolilimimo sinin na koloban anu sinombahkonmo ikota-kota' Yehuda tiba ijalan-jalan kiijo' i Yerusalem nonsombahkonmo na mompolee' nu belemiu, ka' mule' to tomu-tomundo' tiba to mia-mian anu ko pangkatnyo atina' hi belemiu, ka' mule' mian da'isan ilipu' aiya ka' mule' belemiu suele?

YEHEZKIEL 21:29

Apaa na anu tinoamo nu belemiu madi' totu'u ka' mule' apaa na anu kinila-kilamo nu belemiu atina' pipinoto'imo nu belemiu suele ahi' baleko'. Kinyonyoa nu belemiu ma'idek ka' mule' palaganta, ka' sinaa anu pohukumanmo belemiu atina' anu pupusnyomo malia'mo mae toka. Bajak aijo' mongkolongmo gogohong nu belemiu.

HOSEA 12:2

Iwi-iwi' apaa na anu binaumo nu bansa Israel lengkat pe'e daagi' subu sampe malom madi' ko gunanyo ka' saja' ko kinyonyoa mompatei susumo mombun nu kabete'an. Katageo'an tiba kabuhingisan ko sida-sidanyomo aijo' hi aha. Aha sola'mo mombau palajanjian tiba Asyur ka' momboa lanya' i Mesir salaku tanda mompahabela'mo.”

HOSEA 4:9

Sahingga belemiu saja'mo sansala pokakanamo mian da'isan! Ku hukumo na belemiu sitimbang tiba palabuatan nu belemiu.

HOSEA 6:2

I uno nu uansinaa kabai tolunsinaa aiya, Ia mompa'alinmo kita, ka' kita tumuu'mo i uno nu ponjaga'an-Nyo.

HOSEA 8:13

Aha mongka'ima'i monsombahkon koloban hi beleng-Ku ka' mongkaan ponoha' anu kinolobanakonmo aijo', panyo Aku Tumpu madi' montalima koloban haha aijo'. Uuka aiya Ku inau'mo na dosa' nu aha ka' mohukumo aha kalana dosa' nu aha haha aijo'; Po ule'mo Ku boa na aha i Mesir!

HOSEA 9:15

Tumpu notatae, “Iwi-iwi' na palabuatan anu ma'idek nu aha aijo' lengkat pe'e mae i Gilgal. Kiijo' pe'e mae na Aku nontampu'unimo nongka'ideki aha. Kalana palabuatan nu aha anu ma'i-ma'idek aijo', Kulaa'mo na aha da bolimo jojoong ilipu'-Ku aiya. Madi'mo daagi Ku kalibosi na aha, iwi-iwi' na polaya' nu aha madi'mo nontuluti Aku.

HOSEA 9:9

Talalo hondo ma'idek na palabuatan nu belemiu sumo anu toho'mo binau nu aha mian Gibea, Tumpu monginau'mo kasala'an nu belemiu ka' mohukumo belemiu kalana dosa' nu belemiu.

AMOS 8:7

Tumpu, bansa nu Israel, binasumpa'mo “Aku totu-totu'u madi' mongkolilimi kalakuan nu aha anu ma'idek.

YUNUS 1:2

Koonyo nu Tumpu, “Lako mamba i Ninewe kota' anu daka aijo', ka' otambuha'i kalana Kusumbu' mian anu jojoong ikiijo' talalomo hondo na'idek.”

NOMBILANGMO 32:23

Panyo ingat, de belemiu madi' mombau anu jinanji'mo nu belemiu, belemiu baladosa'mo hi Tumpu ka' o hukumo, kalana dosa' nu belemiu atina'.

LUKAS 12:2

Madi' ko anu sulu-suluk na anu madi' kantoan, ka' madi' ko anu opohowini na anu madi' oponyata.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

PO'ULE' INGULIT 32:29

De aha pande, aha mangalati'mo, ka' mompopikilakonmo apaa na anu saidi' mae jadi i mihinyo hi aha.

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.