HOSEA 7:16 - KITAB NU TUMPU ALLA LELE MA'IMAI'

¹⁶ Aha lasaja mombatuki topilo pilogot anu madi kokuasa apa-apaa. Aha madi bisa otahaimani sumo panah anu madi mayontok. To tana tanaas nu aha la saja motatae sombong. Mokanyo aitu aha tionyo opatei nu bajak ka nu kokojoi nu tomia mian nu Mesir.”

HOSEA 7:16 ပူးပေါင်းရင်းမြစ်များ

MAZMUR 12:3

Aha iwi-iwi' nompaha bale-baleko'imo, nompaha aka-akalimo nu potatae anu toto ima-ima'.

MAZMUR 12:4

Bolimo opobee' Tumpu na potatae anu lewa' pagala monsale'i aijo', poki pomohokotmo na to mia-mian anu motatae palangues,

MAZMUR 12:5

anu motatae, “Jila' mami na bau pongkuasai mami! Maumo pa' apaa timbali otaloakon mami, ka' madi' ko anu moko ala timbali montewa'!”

MAZMUR 17:10

aha madi'mo ko kalibosan ka' motatae ko bubuunmo.

MAZMUR 52:2

salatan i Doëg, mian nu Edom tinokamo mae nompoto'i hi Saul tukoonyo i Daud tinokamo ilaigan i Abimelekh.

MAZMUR 57:4

Kiita' mae i suluga' Ia nontaamimo mae ka' nomposalamatmo aku; Ia nompatundu'mo to mia-mian anu nonsakisamo mae aku. Tumpu je na mompotoa mae taalu' memang Ia monginau' aku, ka' saja' mongkalibosi aku.

MAZMUR 73:9

Aha mompisala'imo Tumpu kiita' i suluga' ka' lewa' monsisik anu madi' totu'u hi to mia-mian anu i dunia aiya,

MAZMUR 78:37

Aha madi' tulu-tulutan hi Ia, ka' madi' montoongi palajanjian-Nyo.

MAZMUR 78:57

Aha nombaumo kalakuan anu ma'idek susumo mompolee' mae nu aha, ka' madi'mo timbali opalesaya sumomo pompana' anu tinageo'mo.

YESAYA 3:8

Memang Yerusalem madi'mo kino angga'nyo! Yehuda madi'mo tinala sanggo! Kalana iwi-iwi' na potatae tiba palabuatan nu aha madi'mo nontuluti Tumpu ka' madi'mo nompajuli kakuasa'an-Nyo.

YEREMIA 18:18

Mian notatae, “Imbo' da kita basangaja'mo mongewa i Yeremia. Misa' ola ia na bisa motatae, mompotoka apa-apaa hi Tumpu. Saja' daagi' ko imam anu timbali mombee'i pangajalan, daagi' ko mian pande anu timbali mombee'i pokinde'; ka' daagi' ahi' ko nabi anu timbali mompotoka mae hi kita potuunon-potuunon lengkat mae hi Tumpu Allah. Imbo' da okalaktomo na ia hi mian kopian ka' madi'mo daagi' kita mompotombihing potataenyo.”

YEREMIA 3:10

Salatan nombaumo iwi-iwi' aijo' Yehuda anu madi'mo tinulu-tulutan aijo' ninsusule'mo mae hi beleng-Ku, panyo ola ahi' nimpula-pula kalana kinyonyoanyo madi' ahi' sahondo-hondonyo. Aku, Tumpu notataemo.”

YEREMIA 42:18

Susumo Aku, Tumpu Allah Israel nompobuntumo tambuha'-Ku ka' pusang-Ku hi aha mian anu jojoong i Yerusalem sumo aijo'mo na Aku mompobuntu tambuha'-Ku kona hi belemiu anu mambamo i Mesir. Mian saidi' mae mabuhukmo na montoa belemiu; belemiu sola'mo o'alu, ka' sanggo nu belemiu lewa'mo opake' salaku bau pontotobi'akon. Belemiu madi'mo daagi' po ule' montoa lipu' nu belemiu aiya.”

YEHEZKIEL 23:32

Tumpu Anu Matangkas na Kuasanyo notatae, “Isi nu sasangkin nu utus tu'a nu beleyum tionyo ahi' nu onyop nu beleyum. Sasangkin aijo' daka' ka' maleeng. Isinyo kaho' powedu tiba pongkokojoi nu mian anu tionyo ahi' nu tanggung nu bele nu apaa na nu taloakon nu mian.

YEHEZKIEL 36:20

Maumo ahi' pa' moya na aha mamba, aha saja' ahi' mohumimi'i sanggong-Ku anu susi'. Mokonyo aijo' nu taloakon nu to mia-mian sumo uuka, ‘Bansa aiya te mian anu palesayamo hi Tumpu, panyo aha tionyo ahi' mompala'imo tano' anu binee'mo nu Tumpu hi aha.’

DANIEL 7:25

Ia saidi' mae motatae, tukoonyo mongewamo Tumpu Anu Matangkas na Kuasanyo ka' mule' monsakisamo mian anu palesayamo hi hi Tumpu. Ia bala usaha da iwi-iwi na atulan obali'imo ka' mule' bau-bauon nu agama nu aha mian anu palesayamo hi Tumpu ka' mule' aha iamo na mongkuasai kopinnyo totolu' ka' mintonga na taun.

HOSEA 11:5

Mian nu Israel haha aijo' madi'mo mongka oho' minsusule' mae hi beleng-Ku, kalana aijo' aha tionyo ahi' minsusule'mo mamba i Mesir ka' bansa Asyur na mompalentahje aha.

HOSEA 11:7

ka' madi'mo hondo mohongo Aku. Sahingga aha lewa'mo opalentah, madi' ko anu moko ala mompobebas aha mau ahi' aha moloboo' momoita tulung.”

HOSEA 6:4

Panyo Tumpu notataemo, “O Israel tiba Yehuda! Apaa na anu tionyo Ku bau hi belemiu? Liibosum hi beleng-Ku malia' hondo saimpotulu susumo sehu' kabai dondu'ok daagi' subu-subu hondo.

HOSEA 7:13

Silakamo na aha kalana aha nompala'imo Aku. Aha hansunmo kalana aha madi'mo nontuluti Aku. Aku ko kahanda' momposalamat aha panyo aha toka mae monsombah Aku madi' buke-buke' na kinyonyoa.

HOSEA 9:3

Belemiu o bansa Israel madi'mo daagi tataap jojoong i tano' anu binee'mo nu Tumpu hi belemiu. Belemiu tionyo ahi' minsusule'mo i Mesir, ka' tionyo ahi' mongkaanmo kaanon anu madi' toho' okaan kiijo' mae i Asyur.

HOSEA 9:4

Ilipu' haha aijo' belemiu madi'mo moko ala monsombahkon anggur tiba koloban binatang salaku bau pomposanang kinyonyoa nu Tumpu. Anu okaan nu belemiu monsaduakonmo belemiu anu nongkaanmo aijo' mahumimi'mo sususmo anu okaan de mombaumo adatnyo kona hi mian anu sinilakamo ka' olamunmo. Anu okaan aijo' ola ahi' da mobosumo padahan mau ola sangkiding madi' ko anu oboa mamba I Laigan nu Tumpu da osombahkon kiijo' mae.

HOSEA 9:6

De balaa' tokamo mae hi belemiu ka' mule' oboamo ilipu' sangga'at saba' anu daagi jinojoong nu posihukmo nu aha mian Mesir da opateimo ka' olamunmo kiijo' i Memfis! Hemput tiba hii' tumuu'mo mae ka' mongkukubimo iwi-iwi' na tampat anu pinombauan nu belemiu laigan tiba bala-balang salaka anu mahan na olinyo.

MALEAKHI 3:13

Tumpu notatae, “Potatae nu belemiu totu-totu'u nongalumo Aku.” “Panyo pinokilawamo mae nu belemiu, ‘Apaa na anu sinisikmo mami lewa' nongalu belento?’

MALEAKHI 3:14

Belemiu notatae, ‘Palasuma na aku monsombah Tumpu. Apaa na gunanyo mombau anu halus obaunto salaku bau pongadati Tumpu Anu Daka' na Kuasanyo kabai opotoanto hi Ia nakalakuanto salaku bau pomponyata saba' kita aiya nompele-pele'mo na nombau kasala'anto?

MATIUS 12:36

Jadi, o inau': I Sinaa nu Kiamat, toto samian tionyo nu akui apaa na anu tinaloakonnyomo anu madi' ko gunanyo.

LUKAS 8:13

Bine' anu nanabu' i tampat anu ko batunyo sumomo mian anu mohongo lele aijo', kinyonyoanyo sanang na montalima. Panyo lele aijo' madi' nimbakat i kinyonyoa nu aha. Aha palesaya ola sasaingoni', ka' de soba'an toka, aha madi'mo mule' palesaya.

YAKOBUS 3:5

Sumo aitu mule' na jila'to; mau mule' jila' aijo' ise', panyo ia timbali mombau butong buulon mongkona hahan anu toto daka-daka'. Sobatutugi na alas palias na kodaka'nyo timbali mopapu nu apu anu ise' hondo!

2 PETRUS 2:8

Jojoong maninggalum tiba to mia-mian susumo aijo', i Lot anu ma'ima' na kinyonyoanyo aijo' tumuu' madi' hondo sanang na butongnyo, kalana sansina-sinaa ia montoa ka' mohongo palabuatan nu aha haha aijo' anu ma'idek.

ANU PINOTO'I HI YOHANES 13:5

Binatang aijo' pinobee'mo na montaeakon to hahan anu talalo molabi ka' mompopo'ise' Tumpu. Ia timbali mompalentah patompulu' ka' ohua' na bitu'on na kopinnyo.