HOSEA 7:14 - KITAB NU TUMPU ALLA LELE MA'IMAI'

¹⁴ Aha madi totu tou na balado'a hi edeng-Ku. Kalu aha balado'a aha matimaleo, i tampat kahoyotan, ka tumando susumo anu binau nu mian anu madi palesaya hi beleng-Ku. Kalu aha balado'a mompoita gandum, ka anggur, aha momboyo boyoto butong susumo anu lewa nu bau nu mian anu lewa monsombah pilogot. Aha memang ahi totu touu molawan Aku!

HOSEA 7:14 ပူးပေါင်းရင်းမြစ်များ

NOSABATMO 32:6

Dodododopnyo subu-subu hondo, to mia-mian nu Israel nomboamo tino pia-piangkuka na potuu'on anu otunui bau koloban, ka' tino pia-piangkuka mule' na bau koloban mompodame. Aha sinumuhangmo ka' nongkaanmo ka' nonginumo lantas tinuminjomo ka' binasana-sanangmo.

YESAYA 29:13

Tumpu motataemo, “Mian haha aijo' ola monsombah Aku nu potatae nu aha panyo kinyonyoa nu aha na majo'on ahi' hi beleng-Ku. Agama nu aha ola atulan nu manusia anu opokihapan.

YESAYA 52:5

Uuka aiya apaa na ulusan-Ku i aiya? Mian nu Babel nohakopmo belemiu mau madi' kokasala'an. Aha anu nonsansalamo belemiu tinakabunmo ka' saja'mo nongalu Aku.

YESAYA 65:14

Sabenannyo aha montaligalaimo ka' lame'mo, padahan belemiu humang ka' susa'mo.

YEREMIA 12:2

Sinu'anmo nu belento na aha susumo sosu'anon, lantas aha nimbakatmo, tinumuu'mo, ka' nimbua'mo. Aha saja mombisalakon anu toto ima-ima' mongkona butong nu Belento, panyo i uno nu kinyonyoa nu aha, aha sabenannyo ahi' madi' mompajuli Belento.

YEREMIA 3:10

Salatan nombaumo iwi-iwi' aijo' Yehuda anu madi'mo tinulu-tulutan aijo' ninsusule'mo mae hi beleng-Ku, panyo ola ahi' nimpula-pula kalana kinyonyoanyo madi' ahi' sahondo-hondonyo. Aku, Tumpu notataemo.”

MOHAANGI 2:18

O to paga-pagan mesen nu Yerusalem, poloboo'mo hi Tumpu momoita tulung! Jujuhakonmo na lolu' susumo kaunyo moili sinaa pihi. Sabole-bolemo humaang bolimo belenti sampe butong nu beleyum lu'usmo!

HOSEA 13:6

Panyo salatan belemiu jinojoongmo i lipu' anu ma'ima ka' belemiu nobosumo ka' na osamo, belemiu tinakabunmo lantas nongkolilimimo mae Aku.

HOSEA 13:9

Ku hansunimo na belemiu bansa Israel! Ka' ihemo ahi' na moko ala montulungi belemiu?

HOSEA 3:1

Tumpu notatae hi belengku, “Lako'mo mule' ka' sindua'i na boune anu mongka'oho' saja' masala'. Sindua'imo na ia susumo Aku suele monsindua'i mian nu Israel maumo aha nompala'imo Aku ka' nonsombahmo to pilo-pilogot ka' mongka'ima'i monsombahkon kukis anu matami' hi pilogot.”

HOSEA 8:2

Maumo ahi' aha monsanggo, sanggong-Ku Tumpu Allah nu aha ka' montaloakon koonyo nu aha mian-Ku anu monsumbu' Aku,

AMOS 2:8

I tampat-tampat pogalejaan, mian haha aiyo' hoyot tiba baju' anu nu ala nu aha hi mian kasiasi pinombayan samaya'. I Laigan nu Tumpu, aha monginum anggur anu ingala hi mian anu ko samaya' hi aha.

AMOS 8:3

I sinaa aijo' iwi-iwi na nyanyian i laigan nu tomundo tinimbalimo haang. Iyaya mae nososalonganmo na to maya-mayat anu ingalinmo madi' kino hengge-hengge'.”

MIKHA 2:11

Belemiu mongkahanda'i nabi anu mongka'ima'i baleko' ka' mongakali ka' lewa' mongkila-kila tukoonyo belemiu mohumpakmo anggur tiba inumon manjoo' hondo anu molangui.”

ZAKHARIA 7:5

Pinoto'i-Nyo, “Poto'i hi mian anu jojoong i lipu' aiya ka' hi to mia-mian, te puasa' tiba mohangi anu nu bau nu aha i bitu'on ko olima'nyo ka' mule' i kopopitu'nyo anu pitumpu pulu'mo na taun na kopinnyo na lewa' binau, misa' bau poholomati Aku.

ROMA 16:18

Kalana to mia-mian anu mombau sumo aijo', misa' mokalaja bau kapentingan i Kristus Tumpunto, panyo ola da mompatika'osa apaa na anu nuka'ima'i i uno nu posi kinyonyoa nu aha. Pagala nusale'i nu potatae nu aha anu toto mata-matami', aha mongakali to mia-mian anu madi' ko anu nupisumbu-sumbu'.

FILIPI 3:19

Kantumuu'an nu to mia-mian anu sumo aijo' mingahenje nu kapatean, kalana pilogot nu aha aijo'mo apaa na anu nu nuka'ima'i nu butong nu aha. Hahan anu mongambangi, aijo'mo ahi' na anu nunu kabubuulakon nu aha; kalana aha mompopikilakon ola saja' anu mompahakona tiba dunia aiya.

YAKOBUS 4:3

Ka' mau mule' komiu nomoitamo, komiu madi' ahi' mohumpak, kalana anu okahanda'i miu opoita sala'; apaa na anu opoita miu atina' ola bau kasanangan nu posi butong.

YAKOBUS 5:1

To Utu-utus, mian anu toto kaya-kaya! Potombihing mae na pokinde'ku. Tionyo ahi' komiu humang ka' montando'i kalana kasansala'an o'oa'imo miu!

TO MIA-MIAN KOPIAN 9:27

Aha nambamo nontipu anggur i to ale-ale' nu anggur lantas binaunyomo anggur anu lewa' o inum ka' nombaumo bau-bauon. Aha nongkaanmo ka' nonginumo i tampat ponsomban nu aha pilogot. Ka' lewa'mo nontundai i Abimelekh.