HOSEA 7:13 - KITAB NU TUMPU ALLA LELE MA'IMAI'

¹³ Silakamo na aha kalana aha nompala'imo Aku. Aha hansunmo kalana aha madi'mo nontuluti Aku. Aku ko kahanda' momposalamat aha panyo aha toka mae monsombah Aku madi' buke-buke' na kinyonyoa.

HOSEA 7:13 ပူးပေါင်းရင်းမြစ်များ

NEHEMIA 1:10

O Tumpu, kami aiya to posa-posaihon nu Belento, mian anu pinalesayamo hi belento anu pinosalamatmo nu Belento nu kuasa ka' kahosonan nu Belento anu daka' hondo.

AYUB 22:17

Ahamo aijo' na anu baani hondo madi' palesaya hi Anu Daka' hondo na kuasanyo, ka' monsangka Ia madi' moko ala mombau apa-apaa hi aha.

MAZMUR 106:10

Tiba jalan anu susumo aijo', Ia nomposalamatmo aha da madi' pinatean nu mian anu mongewa aha, pinobebas-Nyomo na aha da madi'mo kinuasan nu mian anu monsampobali'.

YESAYA 30:1

Tumpu notatae, “Silakamo na to pola-polaya' nu aha Yehuda kalana aha notomuhukmo mae hi beleng-Ku. Aha nontulutimo tanga'an-tanga'an anu misa' tanga'an-Ku. Aha nontandatanganimo palajanjian anu madi' sosok tiba pongka'oho'-Ku. Sahingga tinumalatambunmo na dosa' nu aha.

YESAYA 30:2

Aha nambamo i Mesir madi' pe'e nomoita mae kaputusan-Ku. Aha nomoitamo da boli opoposia na aha hi aha Mesir ka' nontaha'imanimo da nutulungi i tomundo' Mesir.

YESAYA 31:1

Silakamo na aha mian anu nambamo i Mesir nomoita da nu bantui mae nu aha! Aha montakabunakonmo kahosonan nu suludadu nu aha Mesir tiba gombuan nu suludadu nu aha anu monsake'i ajahan ka' mule' kuda nu aha anu toto hoso-hoson ka' mule' kareta nu aha manjo-manjoo' aijo'. Panyo aha madi' palesaya hi Tumpu, Tumpu nu Israel anu susi' ka' madi' aha nomoita da nu bantui.

YESAYA 41:14

Tumpu notatae, “Boli mabuhuk, Israel, maumo ahi' beleyum ise' ka' madi' mahoson. Aku Tumpu na montulungimo beleyum, Anu Susi' hondo, Tumpu nu Israel aijo'mo na Momposalamat beleyum.

YESAYA 43:1

O, Israel sumo uuka na koonyo nu Tumpu, “Akumo na nompotimbali ka' nontali'mo beleyum, boli mabuhuk, beleyum memang Ku posalamatmo! Aku nolagamo beleyum sinanggo na sanggo nu beleyum, beleyum Akumo na tumpu-Nyo.

YESAYA 59:13

Kami madi'mo nohongo ka' pinusamo hi Tumpu, ka' madi'mo mongka'oho' mombatuki Tumpu mami. Kami lewa'mo nonsakisa mian sangga'at ka' madi'mo nombatuki atulan, pikilan mami sinala'mo ka' potatae mami binaleko'mo.

YESAYA 63:8

Tumpu notatae, “Memang aha aijo' mian anu palesayamo hi beleng-Ku to ana-anak anu madi' monsusa'i mae.” Sahingga Ia tinimbalimo anu Nomposalamatmo aha,

YEREMIA 14:10

Mongkona bansa aijo', Tumpu notataemo, “Aku madi'mo sinanang hi mian haha aijo' anu saja' mopalai mompala'i Aku, ka' madi' mongka'oho' mongkuasai butong nu aha.”

YEREMIA 42:20

aijo'mo belemiu nombaumo sa'angu' na kasala'an daka'. Pinoita nu belemiu da aku balado'a hi Tumpu Allah-nto guna belemiu, ka' belemiu binalajanji'mo montulutimo iwi-iwi' na anu pinoto'imo nu Tumpu.

YEREMIA 51:9

Mian anu lengkat mae isalipu'an anu jojoong ikiijo' mae nontaloakonmo hi samian ka' hi samian, ‘Kita binala usahamo montulungi Babel, panyo tinalambatmo! Sahanyo opala'intomo na lipu' aiya ka' minsusule'mo ahi' iposi lipu'to toto samian. Tumpu nohukumo Babel hondo-hondo ka' nohansunimo ahi' ingko-ingkot.’ ”

YEREMIA 7:15

Belemiu saidi' mae Ku laa'mo da bolimo ko anu aiya i ahop-Ku susumo Aku nolaa'mo to utu-utus nu mompolee' nu belemiu mian nu Israel.”

MOHAANGI 5:16

Katalasanggoan mami madi'mo daagi kami binalaa'mo kalana binaladosa'mo.

YEHEZKIEL 16:23

Tumpu Anu Matangkas na Kuasanyo notatae, “Silakamo na beleyum! Memang silakamo! Beleyum nombaumo iwi-iwi' na palabuatan anu ma'idek haha aijo'.

YEHEZKIEL 18:2

“Kadaka' potatae aijo' me saja' osanggo ilipu' Israel? ‘To tu'a-tu'anyo mongkaan bua' nu anggur anu malosing, panyo to ana-anakmo ahi' na mangilu' na bese'nyo.’

YEHEZKIEL 18:25

Ugaat daagi' ko anu motatae sumo uuka, ‘Hukuman nu Tumpu aijo' madi' totu'u.’ Potombihing mae, o, mian nu Israel! Te madi' mule' totu'u na hukuman anu binee'-Kumo aijo'? Belemiu ahi' na anu madi' totu'u.

YEHEZKIEL 34:6

Sahingga dombang-Ku haha aijo' lewa'mo namba ito puge-puge'nyo anu matangkas ka' mule' ito bungku-bungkutnyo. Aha noga'a-ga'atmo namba isongko-songko na dunia, madi' kinosamian na anu mompalahatikan aha kabai molio aha.

HOSEA 11:2

Panyo lebe Ku laga na anak-Ku aijo' lebe mule' ahi' majo'on na ia hi beleng-Ku. Ia momboa koloban ka' mompapui kamangian osombahkon hi Baal tiba hi pilogot sangga'at.

HOSEA 5:7

Aha madi'mo nontuluti Tumpu ka' mule' to ana-anak nu aha misa'mo to ana-anaknyo. Kalana aijo' madi'mo daagi pin na aha ohansunimo tiba iwi-iwi' na ale' nu aha.

HOSEA 7:1

Tumpu notatae, “De Aku kahanda'mo mompa alin mian-Ku Israel anu palesayamo ka' po ule'mo mompokopiani kalakuan nu aha, panyo anu Ku toa ola ka'idekan tiba dosa' nu aha. Aha mompaha bale-baleko'i, aha mompinsoopi laigan nu mian ka' mombulingi, ka'aha mongagoi anu nu mian i jalan-jalan.

HOSEA 7:3

Tumpu notatae, “Tiba kalakuan nu aha anu talalo hondo baleko' ka' ma'idek aha mian da'isan mompagalamo momposanang kinyonyoa nu tomundo' tiba to paga-pagawe nu pamalentah.

HOSEA 9:12

Panyo maumo ahi' daagi ko to ana-anak anu ohampeakon ka' opodaka'mo, aha po ule' ahi' Ku ala; madi' ko samian pe'e na Ku pobee' tumuu'. Silakamo na belemiu o bansa Israel de Ku pala'imo na belemiu!”

HOSEA 9:17

Tumpu anu kuku bau na anu nu pokauhakon aijo', madi'mo daagi montalima mian-Nyo anu palesayamo hi Ia, kalana aha madi'mo mongka'oho' montuluti Ia. Aha solidi' mae memo saja' mamba momoya hi to bansa-bansa sangga'at.

YUNUS 1:10

Lapas aijo' ia nonsisikmo pa' mosia na ia nalai mae lengkat i Tumpu. Nohongo aijo' to mia-mian pangalaja nu kapan haha aijo' lebemo mule' nabuhuk ka' notataemo hi ia, “Baani hondo na beleyum nombaumo sumo aijo'?”

YUNUS 1:3

Panyo i Yunus ola mule' ahi' namba itampat sangga'at da majo'on hi Tumpu. Ia namba i Yope ka' tempo'nyo aijo' nompaha kabotmo kapan anu kahanda' mamba i Spanyol. Salatan binayannyomo na ongkos nu kapan ia sinumake'mo i kapan aijo', lantas tinalabutmo namba hingga-hinggat tiba pangalaja nu kapan nambamo i Spanyol da majo'on hi Tumpu.

MIKHA 6:12

To mia-mian anu kaya i kota nu belemiu mongkabisa'i mian anu kasiasi ka' mule' belemiu iwi-iwi' singkap ahi' baleko'.

MIKHA 6:4

Belemiu binoang-Kumo nosabat nompala'i Mesir ka' pinolapas-Kumo da madi'mo binotuanan; Aku nonsaimo i Musa, i Harun tiba Miryam da molaya' belemiu.

MATIUS 23:37

“Yerusalem, Yerusalem! To nabi-nabi pinateanmo. To posa-posaihon nu Tumpu pinahambunu'akonmo nu batu sampe i nate. Piangkukamo na Aku mongka'oho' molimu' iwi-iwi' mian nu kampungum, sumo tina nu manuk mongokobi sioknyo i aluk nu polipiknyo, panyo komiu madi' mongka'oho'!

PO'ULE' INGULIT 15:15

O inau' ahi' na belemiu naipuan mae binau botuan i Mesir lantas pinobebasmo nu Tumpu Allah nu belemiu; mokonyo aijo' Aku mombee'i palentah aiya hi belemiu.

1 YOHANES 1:10

Panyo de kita motatae tukoonto, kita madi' baladosa', kita monsangkamo au'aitu Tumpu baleko', ka' kita madi' mompo'una' potatae nu Tumpu i kinyonyoanto.

ANU PINOTO'I HI YOHANES 8:13

Lantas aku nontoa, ka' aku nohongo sa'angu' na bonyia' anu hau-haunyo laha-lahap matangkas aita' i langa, nontaloakon, “Silakamo! Silakamo! Silakamo iwi-iwi' na mian i dunia de mohongomo totolu' na malaikat sangga'at mompuuhimo tolompetnyo saidi' mae!”