HOSEA 7:11 - KITAB NU TUMPU ALLA LELE MA'IMAI'

¹¹ Israel naha lajanganmo mokiijo' ka' mo uuka mae sumomo tomonsi' malapati' anu ponga'. Momonanyo mian haha aijo' nomoitamo bantuan hi aha mian nu Mesir, lapas aijo' aha nalaimo namba i Asyur!

HOSEA 7:11 ပူးပေါင်းရင်းမြစ်များ

2 TOMU-TOMUNDO' 15:19

Tempo'nyo i Pul tomundo' nu Asyur nontumbuhimo Israel, binee'anmo i Menahem na ia 34.000 kilogram na salaka da ia montulungi i Menahem da sabole-bole ia mompalentah Israel, ka' mongkuasai Israel.

2 TOMU-TOMUNDO' 16:7

I Ahas nonsaimo mian namba hi Tiglat-Pileser tomundo' nu Asyur, pinotuunyo sumo uuka, “Aku posaihon nu belento anu tulu-tulutan; kalana aijo' ku poita sabole-bole hondo toka mae potuu'akon na aku da boli nupatei i tomundo' Siria ka' i tomundo' nu Israel anu nontumbuhimo mae aku aiya.”

AMSAL 15:32

Mian anu madi' mongka'oho' opokinde'i madi' mohalagai posi butongnyo; panyo mian anu mongka'oho' montalima pokinde' timbalimo mian anu manonong.

AMSAL 17:16

Palasuma na mian anu ponga' mompomingkot doi da molio kapandean bapikin; kalana ia madi' ko pikilan anu ma'ima'.

AMSAL 6:32

Panyo mosia na mo'ane anu masala'? Ia mosi ideimo posi butongnyo! Talalo ponga' hondo na ia!

YEREMIA 2:18

Apaa na untungnyo beleyum namba i Mesir? Pa' kahanda' da monginum uee nu Kaunyo Nil? Apaa na untungnyo beleyum namba i Asyur? Pa' kahanda' da monginum uee nu Kaunyo Efrat?

YEREMIA 2:36

Malia' hondo na belemiu mamba hi to pilo-pilogot nu bansa sangga'at momoita tulung! Belemiu saidi' mae mompele-pele'je hi Mesir, susumo belemiu nompele-pelemo hi Asyur.

HOSEA 11:11

Lengkat mae i Mesir aha tokamo mae ko lia'nyo sumomo ahi' tomonsi', ka' lengkat mae i Asyur sumomo ahi' sampahas na malapati'. Lantas aha Ku boamo minsusule' i laigan nu aha. Akumo na Tumpu anu notataemo.”

HOSEA 12:1

Tumpu notatae, “Bansa Israel montikubi mae Aku padahan baleko' ka' mongakali; bansa Yehuda tataap panggaga hi belengku Tumpu Anu Susi ka' manonong.

HOSEA 12:2

Iwi-iwi' apaa na anu binaumo nu bansa Israel lengkat pe'e daagi' subu sampe malom madi' ko gunanyo ka' saja' ko kinyonyoa mompatei susumo mombun nu kabete'an. Katageo'an tiba kabuhingisan ko sida-sidanyomo aijo' hi aha. Aha sola'mo mombau palajanjian tiba Asyur ka' momboa lanya' i Mesir salaku tanda mompahabela'mo.”

HOSEA 14:3

Pinsusule'mo mae hi Tumpu ka' pongkakaase do'a salaku palasombahan nu belemiu hi Ia, otaloakon sumo uuka: “O Tumpu ampuniakon mae na dosa' mami ka' talimakon iwi-iwi' na do'a mami aiya, da kami mompuji'mo Belento susumo anu jinanji'mo mami.

HOSEA 4:11

Tumpu notataemo, “O mian-Ku anu palesayamo, mau anggur anu pininmo, mau anggur anu salaje nongalinimo kamampuan bapikin ihan anu ma'ima'.

HOSEA 4:6

Belemiu to imam-imam, madi' mongadati Aku, sahingga mian-Ku anu palesayamo suele madi'mo mongadati Aku, sahingga aha nohumpakmo balaa'. Belemiu madi'mo montalima to aja-ajalan-Ku. Jadi Aku suele madi'mo montalima belemiu ka' to ana-anak nu belemiu madi'mo Ku talima salaa-Ku to imam-imam-Ku.

HOSEA 5:13

Bansa Israel tiba bansa Yehuda sininsumbu'mo i kalakuan nu aha anu ma'i-ma'idek aijo' sahingga Israel nambamo i Asyur momoita bantuan hi tomundo' anu talasanggo. Panyo tomundo' aijo' madi' noko ala nontulungi kabai nompoko ima'i palabuatan nu aha.

HOSEA 5:4

Palabuatan ma'idek anu binaumo nu mian Israel nonsaduakonmo aha madi'mo po ule' namba hi Tumpu Allah nu aha. Aha kinuasanmo hondo nu monsombah pilogot sahingga aha madi'mo daagi nompajuli Tumpu.

HOSEA 8:13

Aha mongka'ima'i monsombahkon koloban hi beleng-Ku ka' mongkaan ponoha' anu kinolobanakonmo aijo', panyo Aku Tumpu madi' montalima koloban haha aijo'. Uuka aiya Ku inau'mo na dosa' nu aha ka' mohukumo aha kalana dosa' nu aha haha aijo'; Po ule'mo Ku boa na aha i Mesir!

HOSEA 9:3

Belemiu o bansa Israel madi'mo daagi tataap jojoong i tano' anu binee'mo nu Tumpu hi belemiu. Belemiu tionyo ahi' minsusule'mo i Mesir, ka' tionyo ahi' mongkaanmo kaanon anu madi' toho' okaan kiijo' mae i Asyur.

HOSEA 9:6

De balaa' tokamo mae hi belemiu ka' mule' oboamo ilipu' sangga'at saba' anu daagi jinojoong nu posihukmo nu aha mian Mesir da opateimo ka' olamunmo kiijo' i Memfis! Hemput tiba hii' tumuu'mo mae ka' mongkukubimo iwi-iwi' na tampat anu pinombauan nu belemiu laigan tiba bala-balang salaka anu mahan na olinyo.

OBAJA 1:7

Beleyum o akalimo nu mian anu nosa'angu'mo nontulungi belemiu ka' ilaa'mo mae lengkat i kampung nu belemiu. Belemiu pinatundu'mo nu to sanga-sangalu nu belemiu, tinuamo nu mian anu nongkaan hingga-hinggat tiba belemiu. Aha lewa'mo noleleki mongkona butong nu beleyum. ‘Iyamo uuka aiya na kapandeannyo aijo' iwi-iwi'?’

MATIUS 10:16

“Palahatikan na aiya: Aku monsai komiu sumo domba anu madi' moko ala mokiijo' i totonga' nu pojek anu buhingison. Komiu tionyo balajaga-jaga sumo ulo ka' hodi' na kinyonyoa sumo tomonsi' malapati'.