HOSEA 7:10 - KITAB NU TUMPU ALLA LELE MA'IMAI'

¹⁰ Katabuulan nu aha mian Israel nanasamo hondo na otoa ka' tinimbalimo bukuti' nu kasala'an nu aha. Maumo iwi-iwi' aijo' jinadimo panyo aha madi' ahi' molio Aku kabai minsusule' mae hi beleng-Ku Tumpu Allah nu aha.

HOSEA 7:10 ပူးပေါင်းရင်းမြစ်များ

MAZMUR 10:4

Mian anu baladosa' madi'mo mompajuli Tumpu kalana ia talalo sombong sahingga koonyo madi' ko Tumpu.

MAZMUR 14:2

Lengkat kiita' mae i suluga' Tumpu montoa mokaiyong manusia molio mian anu pande na monsombah Ia.

MAZMUR 53:2

Mian anu ponga' hondo motatae i uno nu kinyonyoanyo, “Madi' ko Tumpu.” Palabuatan nu aha ma'idek ka' okahegati; madi'mo daagi' ko anu nombau palabuatan anu ma'ima'.

AMSAL 27:22

Mau pe'e odoke hoso-hoson na mian anu ponga'; madi' mingkot na kaponga'annyo.

YESAYA 9:12

Bansa Israel ma'isa ahi' nompele-pele' mau aha ihukumo nu Tumpu Anu Daka' na Kuasanyo: aha ma'isa ahi' binalatobat hi Ia.

YESAYA 9:13

Kalana aijo' i uno nu sansinaa Tumpu nohukumo to pola-polaya' nu aha Israel tiba aha mian da'isan. Kinolong-Nyomo ka' ingalin-Nyomo na ubaknyo tiba ikunyo.

YEREMIA 3:3

Aijo' na sababnyo uee anu lengkat mae i langit tinatahanmo ka' mule' ujan ilonu nu pimbuhakan nu kau' madi'mo daagi' ti nudun mae. Beleyum momoho'mo susumo mian anu saja' masala' ka' madi'mo nonsumbu' ambang.

HOSEA 13:14

Bansa aiya madi'mo Ku posalamat i kakuasa'an nu dunia nu mian anu sinilakamo. O kasilaka'an loloakonmo na panyakit anu molele! Baumo na pakalaja'an nu beleyum anu lewa-lewa' mohansuni aijo'! Aku madi'mo daagi' mongkalibosi bansa aiya.

HOSEA 5:5

Katabuulan nu mian Israel talalomo hondo inyata' ka' tinimbalimo bukuti' nu kasala'an nu aha. Dosa' nu aha nonsaduakonmo aha tinosumpun ka' notua', ka' bansa Yehuda suele notua'mo tiba aha.

HOSEA 6:1

To mia-mian nu Israel notataemo, “Imbo'mo da kita minsusule'mo hi Tumpu. Lamo ia na monsakiti kita, panyo Ia mule' ahi' na mompa'alin. Ia na mobelai kita, panyo Ia mule' ahi' na mombobodiakon iwi-iwi na Belento.

HOSEA 7:7

I uno nu napisu nu pusa nu aha, aha nompateimo to pola-polaya' nu aha. Iwi-iwi' na tomundo' nu aha pinateanmo toto samian. Panyo maumo sumo aijo' na ka ada'an nu aha madi'mo tinalakana' madi' ahi' ko samian pe'e na balado'a mae hi beleng-Ku momoita tulung.”

ZEFANYA 1:6

Ku pateimo na aha anu madi' toka hi beleng-Ku kabai madi' momoita pangajalan-Ku, ka' mule' anu mompala'imo Aku ka' madi'mo daagi mongka'oho' mombatuki Aku.”

ZAKHARIA 1:4

Boli montiho susumo mompolee' nu belemiu. Daagi' pe'e naipuan mae to nabi-nabi nompotokamo potuunon-Ku hi aha da aha bolimo mombau palabuatan anu ma'idek, ka' mombau dosa'. Panyo aha madi' nompajuli ka' madi' nongka oho' tinulu-tulutan hi beleng-Ku.

ROMA 3:11

madi' ko samian pe'e na anu monsumbu' ka' madi' ko samian pe'e na anu monsombah hi Tumpu.