HOSEA 6:7 - KITAB NU TUMPU ALLA LELE MA'IMAI'

⁷ Panyo susumo kiijo' i Adam, belemiu madi'mo nongganapi palajanjian nu belemiu hi beleng-Ku.

HOSEA 6:7 ပူးပေါင်းရင်းမြစ်များ

KAJADIAN 3:11

“Ihe na nompoto'i hi beleyum tukoonyo beleyum langgo'?” Pinokilawa nu Tumpu Allah. “Pa' kinaanmo nu beleyum na bua' nu kau' anu tine-tinewa'-Kumo, boli okaan na aijo'?”

KAJADIAN 3:6

Tinoa nu boune aijo' na pu'un nu kau' aijo' taalu' ma'ima' ka' bua'nyo tinoanyo ma'ima' na okaan. Ka' ia binapikinmo mosia na ko ima'nyo de ia timbalimo pande. Kalana aijo tinipunyomo na bua' nu kau' aijo' ka' kinaannyo, ka' suele binee'annyomo na langkai'nyo ka' suele nongkaanmo.

2 TOMU-TOMUNDO' 17:15

Israel ka' Yehuda madi' mongka'oho' montuluti iwi-iwi' na palentah nu Tumpu ka' madi' montuluti palajanjian anu binauNyomo tiba mompolee' nu aha. Aha madi' montapali to poki-pokinde'Nyo, panyo ola ahi' monsombah to pilo-pilogot anu madi' ko gunanyo, sahingga aha suele madi'mo ko gunanyo. Aha nombatukimo sonto' apaa na anu nu bau nu to bansa-bansa anu mompaha ohani aha, mau mule' Tumpu nontewa'mo.

AYUB 31:33

Mian sangga'at momposuluk dosa'nyo, panyo aku madi' toho' mombau susumo aha.

YESAYA 24:16

Lengkat mae i puusnyo nu dunia na onyi' nu nyanyian mompuji' Israel, bansa anu tulu-tulutan hi Tumpu. Panyo silakamo na aku! Aku mongoa'imo kasusa'an. Mian anu saja' mombau palabuatan anu ma'idek daagi' ahi' saja' mombau palabuatan ma'idek ka' aha ola mule' ahi' mompaka bau palabuatan anu ma'idek.

YESAYA 24:5

Tano' mahumimi'mo kalana nu saduakon nu palabuatan nu mian anu monjojoongi nolanggaimo iwi-iwi na palentah nu Tumpu, nongabali'mo iwi-iwi na anu tinantukannyomo ka' madi'mo nontoongi palajanjian anu binau-Nyomo tiba aha sampe toka sidu-sidutu'.

YESAYA 48:8

Ku sumbu' na beleyum madi' timbali opalesaya, naipuan pe'e mae na beleyum tinalasanggomo mian anu palaganta. Mokonyo aijo' madi' nu sumbu' nu beleyum, mau santaa' pe'e na potatae, madi' ko anu tinoka ibihing nu beleyum.

YEREMIA 3:7

Aku monsangka de ia moko baumo iwi-iwi' aijo' tantu ia po ule'mo mae minsusule' hi beleng-Ku. Panyo ia madi'mo ahi' ninsusule' mae ola mule' ahi' nompaka lambamo nasala'. Mokonyo aijo' gina'atakon-Kumo ka' nolaa'mo ia. Yehuda utus i Israel anu madi'mo tinulu-tulutan aijo' nontoamo iwi-iwi' aijo'. Panyo ia madi' ahi' nabuhuk. Ia ola mule' ahi' suele nasala'mo,

YEREMIA 31:32

Panyo palajanjian aijo' misa' susumo palajanjian anu binaung-Kumo tiba mompolee' nu aha tempo'nyo aha ilaya'-Kumo namba nosabat lengkat mae i Mesir. Maunyomo ahi' Aku sumomo salaku langkai' nu aha, panyo aha madi' ahi' nontoongi palajanjian-Ku tiba aha.

YEREMIA 5:11

Mian nu Israel tiba Yehuda totu-totu'u nombusikimo mae Aku. Aku, Tumpu notataemo.”

HOSEA 5:7

Aha madi'mo nontuluti Tumpu ka' mule' to ana-anak nu aha misa'mo to ana-anaknyo. Kalana aijo' madi'mo daagi pin na aha ohansunimo tiba iwi-iwi' na ale' nu aha.

HOSEA 8:1

Tumpu notatae, “Po'onyi'mo na tanda kalana ko lobosmo mae montumbuhi. Sampobali' montumbuhimo mae lipu'-Ku susumo bonyia' monsabutmo kaanonnyo! Mian-Ku anu palesayamo nolanggaimo palajanjian-Ku tiba aha ka' madi'mo nontuluti pangajalan-Ku.

ROMA 5:14

Mau mule' lengkat pe'e tempo'nyo hi Adam kino toka-toka tempo'nyo hi Musa, kapatean nongkuasaimo songko-songko na mian. Aitu pe'e to mia-mian anu madi' nolanggai susumo anu binau i Adam, mian haha aijo' suele kinuasanmo nu kapatean. I Adam te gambalan nu anu saidi' mae toka.

PO'ULE' INGULIT 31:20

Aha Ku boamo mamba i lipu' anu kaya ka' ma'omuk susumo anu jinanji'-Kumo hi mompolee' nu aha. Ikiijo' mae na aha tumuu'mo sanang ka' mohumpakmo ngangahan nu anu okaan apaa na anu nupalalui nu aha. Panyo lapas aijo' aha tolosule'mo ka' monsombahmo to pilo-pilogot sangga'at. Aha madi'mo mongala Aku ka' mompojalomo palajanjian-Ku,

IBRANI 8:9

Misa' sumo palajanjian anu binaung-Kumo tiba mompolee' nu aha tempo'nyo Aku nolaya' nosabat mae lengkat i lipu' Mesir. Aha madi' tinulu-tulutan anu binaung-Kumo tiba aha; aijo' na sababnyo Aku madi'mo mompajuli aha.