HOSEA 6:6 - KITAB NU TUMPU ALLA LELE MA'IMAI'

⁶ Lebe Ku ka'ima'i, hi belemiu da monsumbu' mae Aku, ka' saja' ahi' mongkalibosi mae Aku, nulingkudui na mompapui ka' monsombahkon koloban hi beleng-Ku.

HOSEA 6:6 ပူးပေါင်းရင်းမြစ်များ

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

MAZMUR 50:8

Misa' kalana koloban nu belemiu sahingga Ku tudu'mo na belemiu; koloban anu opotunu nu belemiu na saja' ahi' daagi' aiya i ahop-Ku.

AMSAL 21:3

Palabuatan anu adin ka' totu'u lebe momposanang Tumpu molingkudui iwi-iwi' na anu opalasombahkon.

ANU MOMPOLELE POTATAE NU TUMPU 5:1

Bapikin pe'e atina'je ka' otaeakon ka' boli sampa malia-lia' balajanji' hi Tumpu. Ia kiita i suluga ka' mule' beleyum aiya i dunia jadi o unggali ahi' na potatae nu beleyum.

YESAYA 1:11

Tumpu notatae, “O sangka nu belemiu Aku mongka'ima'i koloban anu saja' osombahkon nu belemiu hi beleng-Ku? Aku na'osamo nu koloban nu to domba-domba anu otunui nu belemiu, ka' lompo' nu anak nu sapi' nu belemiu. Baso' nu sapi' lakinyo domba ka' mee' madi' Ku ka'ima'i.

YESAYA 58:6

Uuka na puasa' anu Ku kahanda'i; Alinakonmo na pompungu nu kasansala'an ka' hukuman anu madi' adin, ka' opobebas na mian haha aijo' anu sinansalamo.

YEREMIA 7:22

Tempo'nyo Aku nomboamo mompolee' nu belemiu nosabat mae lengkat i Mesir, Aku madi' nombee'i aha atulan mongkona koloban anu opotunu kabai koloban-koloban sangga'at.

DANIEL 4:27

Kalana aijo' tionyo ahi' belento Tuanku montuluti pokinde'ku. Bolimo belento Tuanku po ule' mombau dosa', panyo anu ma'ima' ka' anu adin na saja' obau ka' mongkalibosi ahi' anu kasiasi. Tiba jalan anu sumo aijo' belento Tuanku tataap tumuu' bilahi.”

HOSEA 14:2

Pinsusule'mo mae hi Tumpu na belemiu o bansa Israel! Dosa' nu belemiu nonsaduakonmo sahingga belemiu tinompaleda'mo ka' tinombahangkangmo.

HOSEA 2:20

Susumo anu jinanji'-Kumo beleyum Ku nika'ije. Nu akuije nu beleyum na Aku salaku Tumpu nu beleyum.

HOSEA 4:1

Tumpu ko palakala tiba mian da'isan i lipu' aiya. O Israel, potombihing pe'e apaa na anu tinaloakon-Nyo, “I lipu' aiya madi'mo daagi' ko anu tulu-tulutan kabai mompaha kali-kalibosi, ka' mian da'isan madi'mo monsumbu' Aku salaku Tumpu Allah.

HOSEA 8:13

Aha mongka'ima'i monsombahkon koloban hi beleng-Ku ka' mongkaan ponoha' anu kinolobanakonmo aijo', panyo Aku Tumpu madi' montalima koloban haha aijo'. Uuka aiya Ku inau'mo na dosa' nu aha ka' mohukumo aha kalana dosa' nu aha haha aijo'; Po ule'mo Ku boa na aha i Mesir!

AMOS 5:21

Tumpu notatae, “Ku ka'ideki ka' to'uamo na montoa belemiu molame-lame'akon agama nu belemiu!

MIKHA 6:6

Apaa na anu tionyo ahi' osombahkonto hi Tumpu, Tumpu kiita i suluga' de kita tokamo mae monsombah Ia? Pa' tionyo ahi' kita momboa sapi' bata'nyo anu ma'ima' hondo na osombahkon salaku koloban anu opotunu na obee' hi Ia?

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

MATIUS 12:7

I uno nu Kitab nu Tumpu tinulis: Pongkalibosi ahi' na anu Kukahanda'i, misa' koloban nu binatang. De maluannyo komiu totu-totu'u mangalati' i potatae aijo', tantu komiu madi' momposala' to mia-mian anu madi' ko sala'nyo.

MATIUS 5:7

Bila-bilahi na mian anu mongkalibosi mian sangga'at; Tumpu mongkalibosije aha suele!

MATIUS 9:13

Soba selidiki' apaa na alati'nyo ayat nu Kitab nu Tumpu Allah: ‘Aku mongkahanda'i pongkalibosi ka' misa' koloban binatang’. Kalana Aku toka misa' da molaga mian anu monsanggo butongnyo ma'ima'mo, panyo mian anu o sangka madi' talakana'.”

MARKUS 12:33

Ka' mian tionyo mongkalibosi Tumpu tiba iwi-iwi' na kinyonyoa, ka' tiba iwi-iwi' na kapandeannyo, tiba iwi-iwi' na kahosonannyo. Ka' ia mule' tionyo mongkalibosi sangalunyo sumomo posi butongnyo. Aijo' lebe ma'ima' de me mule' mompalasombahkon palasombahan anu opapui ka' palasombahan-palasombahan sangga'atannyo hi Tumpu.”

1 YOHANES 2:3

De kita tulu-tulutan hi iwi-iwi' na palentah nu Tumpu, aijo'mo na tandanyo taalu' kita nonsumbu'mo Tumpu.

1 YOHANES 3:6

Iwi-iwi' na mian anu tumuu' nosa'angu'mo tiba i Kristus, madi'mo sabau-baunyo dosa'. Mian anu sabau-baunyo dosa', madi' toho' nontoa i Kristus kabai nonsumbu' Ia.

1 SAMUEL 15:22

Panyo notatae na i Samuel, “Iya na anu talalo nu ka'ima'i nu Tumpu, tulu-tulutan hi Tumpu kabai koloban anu osombahkon? Montuluti Tumpu na lebe ma'ima' nu lingkudui na monsombahkon koloban. Tulu-tulutan hi Tumpu na lebe ma'ima nu lingkudui na lompo'nyo nu domba.