HOSEA 5:5 - KITAB NU TUMPU ALLA LELE MA'IMAI'

⁵ Katabuulan nu mian Israel talalomo hondo inyata' ka' tinimbalimo bukuti' nu kasala'an nu aha. Dosa' nu aha nonsaduakonmo aha tinosumpun ka' notua', ka' bansa Yehuda suele notua'mo tiba aha.

HOSEA 5:5 ပူးပေါင်းရင်းမြစ်များ

AMSAL 11:21

Mian anu ma'idek na kinyonyoanyo memang mohumpakmo hukuman; panyo mian anu manonong mohumpakmo kasalamatan.

AMSAL 11:5

Jalan nu kantumuu'an nu mian anu manonong nu pohata nu kinyonyoa anu madi' tageo' panyo mian anu ma'idek na kinyonyoanyo momboa butongnyo da hansun.

AMSAL 14:32

Mian anu ma'idek na kinyonyoanyo mohumpak kabinasa'an kalana palabuatannyo anu ma'idek; panyo mian anu manonong madi' opoposia kalana hodi' na kinyonyoanyo.

AMSAL 24:16

Kalana, maumo pe'e mian anu madi tageo' na kinyonyoanyo saja' manabu', panyo saja' ia po'ule' mobula. Panyo mule', mian anu ma'idek na kinyonyoanyo timbali hansun totu-totu'u nu balaa' anu montokai ia.

AMSAL 30:13

Daagi' ko mian anu mongoa'i butongnyo talalo hondo manonong memang talalo hondo manonong!

YESAYA 3:8

Memang Yerusalem madi'mo kino angga'nyo! Yehuda madi'mo tinala sanggo! Kalana iwi-iwi' na potatae tiba palabuatan nu aha madi'mo nontuluti Tumpu ka' madi'mo nompajuli kakuasa'an-Nyo.

YESAYA 3:9

Kalakuan nu aha bubuulon ponsumbu'anmo palabuatan nu aha ma'i-ma'idek. Nu totonggolakonmo nuaha na mombau dosa' susumo aha mian nu Sodom naipuan mae. Silakamo na aha! Aha mosi silakaimo posi butong nu aha.

YESAYA 44:9

Aha to mia-mian anu lewa' mombau patong bapilogotan aijo' madi' kokaliangannyo, ka' mule' to pilo-pilogot nunu sombah nu aha aijo' madi' ahi' ko gunanyo. Aha to mia-mian anu monsombah patong aijo' napisokmo ka' madi' monsumbu' apa-apaa kalana aijo' aha saidi' mae, aha ma'ambangmo.

YESAYA 59:12

Manjoo' hondo na palabuatan ma'idek mami hi Belento; dosa' mami haha aiya nomposala'mo kami. Kami totu-totu'unyo mongakuimo palabuatan mami anu ma'idek, ka' nonsumbu'mo dosa-dosa' mami.

YEREMIA 14:7

Mian anu palesayamo hi beleng-Ku nomoitamo mae tulung, ‘O Tumpu, maumo ahi' dosa' mami montuukmo mae kami panyo paya' tulungiakon mae na kami susumo anu jinanji'mo nu Belento.

YEREMIA 2:19

Posi palabuatanmo nu beleyum ma'i-ma'idek na nohukum butong nu beleyum, beleyum sinakisamo kalana madi'mo nongala Aku, Tumpu Allah nu beleyum. Aku, Tumpu Allah nu beleyum notataemo; Akumo na Tumpu Allah Anu Matangkas na Kuasanyo ka' Balakuasa hondo.”

HOSEA 14:1

Samaria tionyo ahi' ohukumo kalana notomuhukmo madi'mo nohongo-hongo Aku. Mian da'isan nu aha saidi' mae mohopu'mo i uno nu pahampatean; to ana-anak anu daagi bungamea osilakaimo ka' to bou-boune anu hau-haunyo poboa obiha'mo na kompong nu aha.”

HOSEA 14:2

Pinsusule'mo mae hi Tumpu na belemiu o bansa Israel! Dosa' nu belemiu nonsaduakonmo sahingga belemiu tinompaleda'mo ka' tinombahangkangmo.

HOSEA 4:5

Sinaa ka' pihi belemiu saja' mombau kasala'an, sumo aijoi'mule' na to nabi-nabi. Kalana aijo' Aku mohansunimo Israel, tina nu beleyum.

HOSEA 5:14

Susumo singa montumbuhi sumo aijo'mo na Aku montumbuhi mian nu Israel tiba Yehuda. Posi Akumo na mombea-beak aha lantas Ku pala'imo. De Ku hela'mo na aha mamba madi' ko samian pe'e na moko ala mompolapas aha.

HOSEA 7:10

Katabuulan nu aha mian Israel nanasamo hondo na otoa ka' tinimbalimo bukuti' nu kasala'an nu aha. Maumo iwi-iwi' aijo' jinadimo panyo aha madi' ahi' molio Aku kabai minsusule' mae hi beleng-Ku Tumpu Allah nu aha.

HOSEA 8:14

Aha mian nu Israel nombaumo iwi-iwi' laigan nu tomundo' panyo aha madi'mo nonginau' anu nompotimbalimo aha. Aha mian nu Yehuda nomponjoo'mo kota' anu ko bentengnyo panyo Ku tau'akonmo mae na apu da mompapui iwi-iwi' na laigan nu tomundo' haha aijo' tiba iwi-iwi' na kota' nu aha sampe mingkot.”

AMOS 5:2

Notua'mo na Israel anu sala'je lumangkoyang, ia madi'mo daagi' moko pobula! I posi tano'nyo ia pinojohokmo, madi' ko anu nontulungi ia da tuminjo.

MATIUS 23:31

Jadi, posi komiu mangaku saba' komiumo na lee' nu to mia-mian anu nompatei to nabi-nabi!

LUKAS 19:22

Tomundo aijo' notatae hi ia, ‘Beleyum pokauhon anu ma'idek! Sumo posi potataeum aku mohukum beleyum. Nusumbu' aku mian anu masigo; aku mongala anu misa' anungku, ka' mongala hasin anu misa' i tampat anu madi' tinugalanku.