HOSEA 5:3 - KITAB NU TUMPU ALLA LELE MA'IMAI'

³ Kusumbu' iwi-iwi' na kalakuan nu belemiu Israel! Madi' bisa na belemiu molahasiakon apa-apaa hi beleng-Ku. Beleyum nonsombahmo pilogot, ka' madi'mo nontuluti Aku. Kalana aijo' belemiu anu jojoong ikiijo' madi'mo daagi nonsombah Aku.”

HOSEA 5:3 ပူးပေါင်းရင်းမြစ်များ

YESAYA 7:16

Kalana ma'isa pe'e tinoka itempo'nyo ohua' na lipu' anu nu palentah nu to tomu-tomundo' nunu kabuhuk nu beleyum aijo' opala'imo sahingga madi'mo ko miannyo anu monjojoongi.

YESAYA 7:17

Tumpu mompotokamo mae tomundo' nu aha Asur lantas beleyum ka' belemiu salaigan ka' mule' mian da'isan nu beleyum mongoa'imo sinaa anu talalo hondo manjoo' na kasusa'annyo ka' mule' sansala nulingkudui apaa na anu toho'mo ingoa'an salatanmo pe'e kalaja'an Israel ka' Yehuda nobagi-bagimo.

YESAYA 7:5

Siria nosa'angu'mo tiba Israel tiba tomundo'nyo.

HOSEA 1:2

Tempo'nyo Tumpu notatae, momonanyo hi bansa Israel, anu pinotokakonku, Tumpu notatae, “Hosea, osoaimo na samian anu mongka'oho' saja' masala' ka' to ana-anak nu beleyum suele timbali sumo ia. Mian-Ku anu palesayamo pokakanamo sumo bengkele' nu beleyum aijo'; aha atina' madi' tulu-tulutan hi beleng-Ku ka' ola ahi' mompala'i Aku.”

HOSEA 12:1

Tumpu notatae, “Bansa Israel montikubi mae Aku padahan baleko' ka' mongakali; bansa Yehuda tataap panggaga hi belengku Tumpu Anu Susi ka' manonong.

HOSEA 13:1

Naipuan mae tulunan nu bansa Efraim o'angga'i hondo sahingga de kopalentahmo lengkat mae hi tulunan nu bansa aijo' to tulu-tulunan nu bansa sangga'at i Israel mabuhukmo. Panyo tulunan nu bansa Efraim binaladosa'mo, kalana nonsombahmo Baal.

HOSEA 13:5

Itano' anu mateges ka' mule' i padang anu ewa, Akumo na anu nonjagai belemiu.

HOSEA 5:11

Israel osakisamo; ia madi'mo ko hak hi tano' nu aha, kalana ia talalomo ahi' nomoita tulung hi aha anu madi' moko ala montulungi ia.

HOSEA 5:13

Bansa Israel tiba bansa Yehuda sininsumbu'mo i kalakuan nu aha anu ma'i-ma'idek aijo' sahingga Israel nambamo i Asyur momoita bantuan hi tomundo' anu talasanggo. Panyo tomundo' aijo' madi' noko ala nontulungi kabai nompoko ima'i palabuatan nu aha.

HOSEA 5:9

Israel mahungku'mo kalana tinokamo na tempo'nyo pohukumanmo ia. Potombihing mae belemiu mian da'isan nu Israel, han aijo' memang jadimo.

HOSEA 6:10

I Israel tinoang-Ku daagi' ko anu okabuhuk; mian-Ku anu palesayamo nu posi humimi'imo na butongnyo, tiba jalan monsombahmo pilogot.

HOSEA 6:4

Panyo Tumpu notataemo, “O Israel tiba Yehuda! Apaa na anu tionyo Ku bau hi belemiu? Liibosum hi beleng-Ku malia' hondo saimpotulu susumo sehu' kabai dondu'ok daagi' subu-subu hondo.

HOSEA 8:11

Lebe manjoo' na mezbah anu nu bau nu mian Israel da pongalini dosa' panyo mompaka panjoo' mule' ahi' na tampat nu aha pombauan dosa'!

AMOS 3:2

“Pa' sangkuka na bansang i dunia, ola sa'a-sa'angu'mo na bansa na anu Ku sumbu' ka' Ku palahatikan. Aijo' na sababnyo dosa' nu belemiu talalo daka', ka' Aku totu-totu'u mohukumo belemiu.”

AMOS 5:12

Sinumbu'kumo, talalo ahi' manjoo' na palabuatan nu belemiu anu ma'idek ka' talalo ahi' manjoo' na dosa' nu belemiu. Belemiu mongkabisa'i mian anu Tobas; belemiu montalima ponsogok ka' mompojohok mian anu kasiasi da obau madi' adin i pomputusian palakala.

PO'ULE' INGULIT 33:17

I Yusuf daagi' ko sa'angu' na sapi' anu bau kahosonannyo, ka' tanduk nu sapi' lakinyo anu ma'ela' aijo'mo momada-madala na aha mian nu Manasye ka' pulu-pulu'annyo na madala na mian nu Efraim. Iwi-iwi' na bansa tinanduknyo ka' sinalakonnyomo tinoka-toka i puusnyo nu tano'.”

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

ANU PINOTO'I HI YOHANES 3:15

Ku sumbu' apaa na anu binaumo miu; Ku sumbu' belemiu madi' lop ka' mule' madi' mapanas. Tionyo ahi' komiu montoongi sala'sa'angu'!