HOSEA 5:15 - KITAB NU TUMPU ALLA LELE MA'IMAI'

¹⁵ Mian-Ku anu palesayamo Ku pala'imo sampe aha talalomo hondo sansala kalana iwi-iwi' na dosa'nu aha lantas aha molioje Aku. Ku gantang i unoje nu kasusa'an nu aha, aha pagalaje molio Aku.”

HOSEA 5:15 ပူးပေါင်းရင်းမြစ်များ

KAJADIAN 42:21

Lantas notataemo na aha samian ka' samian, “Jadi, kita uuka aiya i hukumo kalana kasala'anto hi utus ise'to u'utu mae; ia nomoitamo tulung panyo madi' pinajulinto, mau mule' tinoantomo na ia sinansalamo hondo. Mokonyo aijo' kita uuka aiya nongoa'imo kasala'an aiya.”

2 TAWARIKH 7:14

lantas mian anu pinalesayamo hi belengku anu saja' monsanggo sanggongku, mangakumo kasala'an, ka' balado'amo ka' mule' tokamo hi belengku, ka' madi'mo mombau kalakuan nu aha anu toto ide-idek, saba' kiita' mae i suluga' Ku hongo mae na do'a nu aha. Ku ampunimo na dosa' nu aha haha aijo' ka' mompotimbalimo mule' lipu' nu aha bilahi.

AYUB 33:27

Sahingga i ahop nu mian da'isan ia motataemo, ‘Anu ma'idek ku anggapmo ma'ima', dinaka'mo na dosa'ku, panyo Tumpu Allah madi' mohukum aku.’

MAZMUR 107:13

Aha i uno nu kasusa'an nomoitamo tulung hi Tumpu, ka' Ia nompobebasmo aha da madi'mo mongoa'i kasansala'an.

MAZMUR 107:19

I uno nu kasusa'an, aha nomoitamo tulung hi Tumpu, ka' Ia nompobebasmo aha da madi'mo mongoa'i sakisa.

MAZMUR 107:28

I uno nu kasusa'an aha nomoitamo tulung hi Tumpu, ka' Ia nompobebasmo aha da madi'mo mongoa'i sakisa.

MAZMUR 107:6

I uno nu kasusa'an aha nongkakasemo hi Tumpu, ka' Ia nompobebasmo aha da madi'mo mongoa'i kasansala'an.

MAZMUR 132:14

Ia notatae, “I aiyamo na kajojoongan-Ku sampe toka sidu-sidutu', Aku kahanda'mo mompalentah i tampat aiya.

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 78:34

De Tumpu nompateimo pa' aha sangkuka na aha, sangga'at mompele-pele'mo ka' po'ule'mo balatobat hi Ia.

MAZMUR 83:16

Loloi'mo na aha nu antong daka' nu Belento, potolokengkeng na aha nu baleba' anu makansang hondo nu Belento.

AMSAL 8:17

Ku kalibosi na aha anu mongka'ima'i aku, ihe na molio aku timbali mongkabot aku.

YESAYA 18:4

Tumpu notataemo hi belengku, “lengkat mae aita' ikajojoongan-Ku, Aku montudangmo mokaiyong madi' ko anu mokohenggo ka' talaang hondo sumomo ahi' kotalangnyo nu dondu'ok pihi kona itempo nu posinaa ka' mule kakona itempo nu pompadakan ka' mule' kotalangnyo sumomo ahi' singit sonsu'un na sinaa.

YESAYA 26:16

Belento nohukumo kami; i uno nu kasansala'an kami po ule'mo nompalesaya Belento, ka' binalado'amo hi belento, o, Tumpu.

YESAYA 26:21

Mintatau'je mae na Tumpu lengkat mae aita' isuluga' kajo-kajojoongan-Nyo da mohukumo mian anu jojoong i dunia kalana dosa' nu aha. Aha mompatei aijo' madi' osumbu-sumbu' panyo sidi' mae osumbu'je ahi'. Tano' madi'mo daagi' montabuhi aha to mia-mian anu sinilaka pipinateanmo aijo'.

YESAYA 26:9

Santuu'ku saja' monginau' Belento de pihimo kinyonyoangku montaha'imani Belento de subu-subumo. De Belento momputusimo palakala nu dunia aiya, nu sumbu'je nu mian anu jojoong idunia aiya apaa na anu sahondo-hondonyo.

YEREMIA 2:27

Belemiu saidi' me opopo ambangmo kalana sangkolong na kau' olaga nu belemiu na tuuma, ka' sa'angu' na batu olaga nu belemiu na tina. Belemiu madi' ahi' toka mae hi belengku, panyo ola mule' ahi' mompala'i Aku. Panyo de tokamo na tempo' nu kasusa'an, Akumo ahi' na olaga nu belemiu da tokamae momposalamat belemiu.

YEREMIA 3:13

Akuimo taalu' beleyum sinala'mo ka' notomuhukmo hi Tumpu, Tumpu Allah nu belemiu. Akuimo taalu' ipatuu nu kau' toto sangkau anu honnyo tambok beleyum talalomo hondo nongka'ima'i to pilo-pilogot nu bansa sangga'at ka' madi'mo nontuluti sinin na palentahng-Ku. Aku, Tumpu notataemo.”

YEREMIA 3:14

Tumpu notatae, “O mian anu madi' tulu-tulutan pinsusule'mo mae hi beleng-Ku! Belemiu Akumo na tumpunyo. Aku mongalamo belemiu toto samian isa'angu' na kota' ka' mule' toto ua'aha isa'angu' na tulunan nu bansa ka' po ule'mo momboa belemiu i Puge'nyo nu Sion.

MOHAANGI 3:40

Sahanyo oselidikinto na kantumuu'anto, ka' pobalikmo hi Tumpu Allah i suluga'. Imbo'mo da kita momposadia kinyonyoa ka' balado'a

YEHEZKIEL 10:4

Jingka anu majingka hondo salaku tanda Tumpu tinokamo najingka lengkat mae aijo' i malaekat haha aijo' ka' nolalinmo i sabatan pinsoopan mokiijo' i Laigan nu Tumpu sahingga popasannyo najingkamo hondo.

YEHEZKIEL 11:23

Lapas aijo' jingka anu majingka hondo aijo' nompala'imo Yerusalem ka' nolalinmo aita' ibungkutnyo isasu kabete'an nu kota' aijo'.

YEHEZKIEL 20:43

Ikiijo' mae belemiu tonginau'je iwi-iwi' na palabuatan anu okahegati anu nohumimi'imo butong nu belemiu. Sahingga bubunje na belemiu de tonginau'mo ipalabuatan aijo' iwi-iwi'.

YEHEZKIEL 36:31

Belemiu tonginau'mo anu u'utu mae i kalakuan nu belemiu anu ma'i-ma'idek ka' palabuatan nu belemiu anu madi' pantas aijo', lantas oposi kahegatimo nu belemiu na butong nu belemiu kalana nu saduakon nu dosa-dosa' ka' palabuatan anu ma'idek nu belemiu aijo'.

YEHEZKIEL 6:9

ikiijo' mae aha tumuu'mo ipinomboan ka' pinompojoongan. Lantas aha tonginau'mo mae hi beleng-Ku ka' mangalati'mo taalu' Aku nohukumo ka' nompopo ambangmo aha kalana kinyonyoa nu aha madi'mo tinulu-tulutan hi beleng-Ku. Aha nohikumo Aku ka' nompile'imo pilogot salaku bau pombolosi nu aha Aku. Lantas aha monguahi mo na mongoa'i posi butong nu aha kalana palabuatan ma'idek ka' anu moko pahumimi' bibinaumo nu aha.

YEHEZKIEL 8:6

Tumpu notataemo hi belengku, “O, manusia anu madi' tumuu' batu, tinoamo nu beleyum apaa na anu jinadimo? Palahatikan na palabuatan-palabuatan anu okahegati bibinaumo nu aha Israel anu nompojo'onmo Aku i Laigan-Ku! Imbo'da Kupotoa hi beleyum hahan anu lebe mahumimi' mule'.”

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

HOSEA 5:6

Aha nambamo nolio Tumpu ka' nomboamo domba tiba sapi' da bau koloban panyo iwi-iwi' aijo' madi'mo kinogunanyo. Kalana Tumpu nompala'imo aha ka' mule' aha madi'mo daagi nompahakabot tiba Ia.

MIKHA 1:3

Ia mintatau'mo mae lengkat i kajojoongan-Nyo anu susi' ka' lumajangmo aita' i bawo nu to bungku-bungkutnyo i dunia aiya.

NOMBILANGMO 21:7

Lantas bansa aijo' tinokamo nangadap hi Musa ka' notatae, “Kami binaladosa'mo kalana nososonmo hi Tumpu ka' hi belento. Do'akon mae hi Tumpu da ulo haha aiya bolimo toka mae hi kami.” Sahingga i Musa nondo'akonmo bansa aijo'.

LUKAS 13:25

Tempo'nyo tumpu nu laigan nobula ka' nontumban, komiu tinjo-tinjo i sambiha'nyo ka' nongkutetekmo lantas notataemo, ‘Tuan, tuhea'akon mae na tumban da minsoop na kami!’ Tuan aijo' nontaami, ‘Aku madi' monsumbu' pa' komiu lengkat mae iya!’

TO MIA-MIAN KOPIAN 4:3

I Yabin daagi' ko kareta 900 anu opake mahampate besak na binau. Inguampulu' na taun na kinopinnyo ia nompalentah aha mian nu Israel ka' talalo hondo masigo. Lapas aijo' aha nomoitamo tulung hi Tumpu.