HOSEA 5:14 - KITAB NU TUMPU ALLA LELE MA'IMAI'

¹⁴ Susumo singa montumbuhi sumo aijo'mo na Aku montumbuhi mian nu Israel tiba Yehuda. Posi Akumo na mombea-beak aha lantas Ku pala'imo. De Ku hela'mo na aha mamba madi' ko samian pe'e na moko ala mompolapas aha.

HOSEA 5:14 ပူးပေါင်းရင်းမြစ်များ

AYUB 10:16

De ku humpak na anu ku usahakon maumo madi' sangkuka na konjoo'nyo, Belento sumomo ahi' singa na mololoi' mae aku. Ka' po'ule' mule' nu potoa mae na kakuasa'an nu belento, ola da mompopobuhuk aku.

AYUB 10:7

Sabenannyo nusumbu' nu Belento na aku aiya madi' ahi kosala'nyo memang totu-totu'u ahi' madi' sala'. Nusumbu' nu Belento saba' mau pe'e samian madi' moko ala momposalamat aku anu atina' i kakuasa'an nu lima nu Belento.

MAZMUR 50:22

Soba palahatikan, belemiu anu mongkolilimi Tumpu; bala ingati mae dumo belemiu Ku silakai, ka' madi' ko anu momposalamat.

MAZMUR 7:2

O Tumpu-ngku, aku mihohung hi Belento; posalamat mae ka' polapas mae na aku hi iwi-iwi' na mian anu mololoi' mae aku.

YESAYA 5:29

To sulu-suludadunyo molohuu' susumo singa anu sala'je nonsa'u kaanonnyo lantas pinopadeka'akonnyomo ka' madi' ko anu moko ala mongagoi aijo' hi ia.

YEREMIA 25:38

Susumo singa nosabatmo mae lengkat i liangnyo, sumo aijo'mo na Tumpu nosabatmo mae da mohukumo mian anu palesayamo hi Ia. Kasinggian nu pahampatean tiba tambuha' nu Tumpu nongabali'mo lipu' aiya sahingga tinimbalimo padang tampat anu mateges.

MOHAANGI 3:10

Susumo beruang Ia nontanda'imo susumo singa ia nolabotimo aku.

HOSEA 13:6

Panyo salatan belemiu jinojoongmo i lipu' anu ma'ima ka' belemiu nobosumo ka' na osamo, belemiu tinakabunmo lantas nongkolilimimo mae Aku.

HOSEA 2:12

Ku hansunimo na to kau-kau' anggur ka' to kau-kau' nu ara, maumo koonyo aijo' binaumo tambo pongkalibosinyo aha sindua'annyo. Ku abali'imo na to ale-ale' nu anggur ka' to ale-ale' nu ara da tinimbalimo kuhat; to bina-binatang anu mahangas na mongidei.

HOSEA 6:1

To mia-mian nu Israel notataemo, “Imbo'mo da kita minsusule'mo hi Tumpu. Lamo ia na monsakiti kita, panyo Ia mule' ahi' na mompa'alin. Ia na mobelai kita, panyo Ia mule' ahi' na mombobodiakon iwi-iwi na Belento.

AMOS 2:14

Anu talalo hondo malia' na mopadeka', madi'mo ko ala mopalai; anu mahoson madi'mo mahoson. Ka' mian anu baani madi'mo noko posi posalamat butongnyo.

MIKHA 5:8

Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

PO'ULE' INGULIT 28:31

Sapi' nu belemiu o kolotmo i ahop nu mata miu, panyo madi' okaan nu belemiu na antoknyo. Keledai nu belemiu singkaapmo o hela' ka' oboa hau-haunyo belemiu montonto'i ia ka' madi'mo osule'akon mae. Domba miu singkaapmo obee' hi sampobali' nu belemiu iwi-iwi' ka' madi'mo ko anu montulungi.

PO'ULE' INGULIT 32:39

Soba toa, olamo Aku sa'a-sa'angu'nyo na Tumpu Allah, madi' ko Tumpu Allah sangga'at, olamo ahi' Aku. Aku mompatei ka' mompotumuu', mombelai ka' mompa'alin. De aku mombaumo apaa na anu ku kahanda'i, madi' ko samian pe'e na anu moko ala mongewa.