HOSEA 5:13 - KITAB NU TUMPU ALLA LELE MA'IMAI'

¹³ Bansa Israel tiba bansa Yehuda sininsumbu'mo i kalakuan nu aha anu ma'i-ma'idek aijo' sahingga Israel nambamo i Asyur momoita bantuan hi tomundo' anu talasanggo. Panyo tomundo' aijo' madi' noko ala nontulungi kabai nompoko ima'i palabuatan nu aha.

HOSEA 5:13 ပူးပေါင်းရင်းမြစ်များ

2 TOMU-TOMUNDO' 15:19

Tempo'nyo i Pul tomundo' nu Asyur nontumbuhimo Israel, binee'anmo i Menahem na ia 34.000 kilogram na salaka da ia montulungi i Menahem da sabole-bole ia mompalentah Israel, ka' mongkuasai Israel.

2 TOMU-TOMUNDO' 15:29

Tempo'nyo i Pekah nompalentah, i Tiglat-Pileser tomundo' nu aha Asyur nongalamo kota' Iyon, Abel-Bet-Makha, Yanoah, Kedes-Hazor, da'erah Gilead, Galilea tiba Naftali. Miannyo anu jojoong i kota' haha aijo' suele binoanyomo salaku mian anu i hakop binoa i Asyur.

2 TOMU-TOMUNDO' 16:7

I Ahas nonsaimo mian namba hi Tiglat-Pileser tomundo' nu Asyur, pinotuunyo sumo uuka, “Aku posaihon nu belento anu tulu-tulutan; kalana aijo' ku poita sabole-bole hondo toka mae potuu'akon na aku da boli nupatei i tomundo' Siria ka' i tomundo' nu Israel anu nontumbuhimo mae aku aiya.”

YESAYA 3:7

Panyo ia montaami, “Aku misa' sando! Aku suele madi'mo ko anu okaan ka' pakean anu opusok. Boli mae opokau na aku timbali polaya' nu bansa!”

YEREMIA 30:12

Tumpu notataemo hi aha mian anu palesayamo hi Ia; “Panyakit nu beleyum tinadokmo hondo, bela nu beleyum atina' madi'mo daagi'ko pakuli'nyo.

YEHEZKIEL 23:5

Maumo ahi i Ohola tinimbalimo bengkele'-Ku panyo ia tataap ahi' saja' masala' ka' talalo ahi' saja' majota na labot molayani to sinta-sintanyo anu lengkat mae i Asyur.

HOSEA 10:6

Pilogot aijo' oboamo i Asyur da opalasenakonmo hi tomundo' anu talasanggo aijo'. Israel nontulutimo tanga'an anu nonsaduakonmo da nohumpak ambang ka' mule' kinokojoanmo.

HOSEA 12:1

Tumpu notatae, “Bansa Israel montikubi mae Aku padahan baleko' ka' mongakali; bansa Yehuda tataap panggaga hi belengku Tumpu Anu Susi ka' manonong.

HOSEA 14:3

Pinsusule'mo mae hi Tumpu ka' pongkakaase do'a salaku palasombahan nu belemiu hi Ia, otaloakon sumo uuka: “O Tumpu ampuniakon mae na dosa' mami ka' talimakon iwi-iwi' na do'a mami aiya, da kami mompuji'mo Belento susumo anu jinanji'mo mami.

HOSEA 2:7

Ia mololoi'mo to sindu-sindua'annyo, panyo madi' nusampa na aha. Ia molio aha, panyo ia madi' nompahakabot aha. Lantas ia notatae, ‘Aku minsusule'mo hi langkai'ku anu momona; u'utu mae lebe ma'ima' na ka'ada'anku tiba sinaa uuka.’

HOSEA 7:11

Israel naha lajanganmo mokiijo' ka' mo uuka mae sumomo tomonsi' malapati' anu ponga'. Momonanyo mian haha aijo' nomoitamo bantuan hi aha mian nu Mesir, lapas aijo' aha nalaimo namba i Asyur!

HOSEA 8:9

Susumo keledai anu ma'ela' baahan hondo sumo aijo'mo na to mia-mian nu Israel ola mosi ala pongka'oho'nyo. Aha molio bantuan hi aha Asyur ka' binayanmo nu aha hi to bansa-bansa sangga'at da mobela'mo tiba aha.

MIKHA 1:9

Kalana bela nu Samaria madi'mo opoko pakuli'i ka' Yehuda mule' nu konamo nu nasip anu pokakana. Balaa' tokamo i Yerusalem, anu jinadimo sabatan daka' nu tano' kinahampeanku.