HOSEA 5:12 - KITAB NU TUMPU ALLA LELE MA'IMAI'

¹² Aijo' na sababnyo sahingga Aku mohansunimo bansa nu aha Israel ka' mule' monsilakaimo aha bansa nu Yehuda.

HOSEA 5:12 ပူးပေါင်းရင်းမြစ်များ

AYUB 13:28

Sahingga aku napukmo susumo kau' anu nahutakmo; susumo hude kinaanmo nu ane', aku nahu'mo.

MAZMUR 39:11

Alinakonmo mae na hukuman anu binee'mo mae nu Belento aiya hi belengku, kalana aku me ise-ise sinilakamo kalana dinokemo mae nu Belento.

AMSAL 12:4

Bengkele' anu manonong momboa sanggo ma'ima' ka' bau kabilahian nu langkai'nyo; panyo bengkele' anu monsaduakon langkai'nyo ma'ambang sumomo panyakit lasa anu mongkekedi buku.

YESAYA 5:24

Belemiu madi'mo montalima pangajalan nu Tumpu Anu Daka' na Kuasanyo ka' mongalumo palentah nu Tumpu anu susi' nu aha Israel. Kalana aijo' susumo hat tiba hemput anu manggasmo mo'angot na nu kaan nu apu, sampe toka kaiyong ibaka-bakatnyo na belemiu mahutakmo ka' mule' bunga-bunga nu belemiu suele manggasmo ka' nu puhakonmo nu mombun ingko-ingkot.

YESAYA 50:9

Memang ahi', Tumpu Anu Matangkas na Kuasanyo montinjohimo mae aku, ihe na baani mompoto'i mae aku kokasala'an? Iwi-iwi' na mian anu mompisala'i mae aku saidi' mae mingkotmo, susumo hude anu iluso'mo kinaanmo nu ane'.

YESAYA 51:8

Aha silakamo ka' mule' madi'mo otoa-toa, pokakanamo susumo baju' anu nu kekedimo nu ane' ka' hude bulu nu domba anu nu kekedimo nu atak. Panyo kasalamatan anu Ku bee' nu tataap ahi' sampe toka sidu-sidutu', ka' kamanangan-Ku na satataapnyo ahi' sampe molundu-lundu na tulunan.”

YUNUS 4:7

Panyo dodododopnyo daagi subu Tumpu nompalentahmo ulo nu tano' da mongkekedi bakat nu sosu'anon aijo' sahingga ia nagayoumo.