HOSEA 5:1 - KITAB NU TUMPU ALLA LELE MA'IMAI'

¹ Tumpu notatae, “Potombihing mae o to ima-imam! Palahatikan o mian nu Israel. Potombihing mae o to mia-mian lee' nu tomundo'! Hukuman opokonamo hi belemiu. Kalana sabenanyo adin ahi' na belemiu momputusi palakala, panyo belemiu ola mule'ahi' susumo totumban kiijo' i Mizpa ka' susumo so'o i bungkutnyo nu Tabor,

HOSEA 5:1 ပူးပေါင်းရင်းမြစ်များ

YEREMIA 11:7

Tempo'nyo Aku nomboamo mompolee' nu aha nosabat lengkat i Mesir, pinokeman-Ku mo na nompokinde'i aha da montuluti Aku. Sampe sinaa uuka mule' Aku daagi' saja' mompokinde'i mian anu palesayamo hi beleng-Ku mongkona han aijo',

YEREMIA 13:18

Tumpu notataemo mae hi belengku, “Palentah na i tomundo' tiba bengkele'nyo da mintatau'mo mae ikadelanyo, kalana makota'nyo anu ma'ima' aijo' nanabu'mo mae madi'mo ko anu atina' i ubak nyo.

YEREMIA 46:18

Aku, Tumpu Allah anu tumuu', Aku tomundo', Tumpu Anu Mahakuasa. Susumo Bungkutnyo nu Tabor natunjomo nokiita' i olot nu to bungku-bungkutnyo, ka' mule' Bungkutnyo nu Karmel natunjomo nokiita' noliu-liumo ambai, sumo aijo'mo na kahosonannyo nu aha anu toka mae montumbuhi beleyum.

HOSEA 10:15

Aijo'mo na anu jadi hi belemiu o mian anu jojoong i Betel, kalana belemiu nombaumo palabuatan anu talalomo ma'idek. Salatan sinaa montampu'unimo mae bete' madi' pin de mahampatemo, saba tomundo' nu belemiu silakamo.”

HOSEA 13:8

Ku sa'umo na belemiu susumo beruang anu no lapusmo na anaknyo. Ku bea-beakmo na belemiu. Susumo singa Ku sa'umo na belemiu itampat nu belemiu, ka' susumo binatang anu bahangihi' mombea-beakmo butong nu belemiu.

HOSEA 4:1

Tumpu ko palakala tiba mian da'isan i lipu' aiya. O Israel, potombihing pe'e apaa na anu tinaloakon-Nyo, “I lipu' aiya madi'mo daagi' ko anu tulu-tulutan kabai mompaha kali-kalibosi, ka' mian da'isan madi'mo monsumbu' Aku salaku Tumpu Allah.

HOSEA 6:9

To ima-imam i kota' aijo' sumomo sa'angu' na tompukan nu mian anu buling ka' anu lewa' mohakop mian anu motulu. I jalan anu mompatui mokiijo' i tampat anu susi' kiijo' i Sikhem suele aha nompateimo mian! Iwi-iwi' na kalakuan anu ma'idek aijo' anu binaumo nu aha memang ototonggolakon.

HOSEA 9:8

Tumpu nonsai mae aku salaku nabi da mompokinde'i belemiu mian-Nyo, anu palesayamo, panyo maumo ahi' pa' moya paku mamba belemiu mompagala monso'o aku susumo tomonsi'. Ilipu' anu Tumpu na tumpunyo kami to nabi-nabi nu ka'ideki nu mian da'isan.

YOËL 1:2

Potombihing pe'e, o to tu'a-tu'anyo; palahatikan, iwi-iwi' mian nu Yehuda. Toho'mo na han anu sumo aijo' jinadi kabai tempo'nyo nai puan mae hi mompolee' nu belemiu?

AMOS 3:1

Potombihing mae na potuunon nu Tumpu aiya, 'O bansa Israel anu binoamo mae nu Tumpu nosabat lengkat i Mesir. Tumpu notatae,

AMOS 7:9

Iwi-iwi' na tampat anu pinake nu tulunan i Ishak binau pogalejaan ohansunimo. Iwi-iwi' na tampat anu susi' nu mian Israel oideimo. Kuhopu'imo na tulunan i Tomundo Yerobeam.”

MIKHA 3:1

Potombihing mae o belemiu anu singkap balakuasa i Israel! Sabenanyo tionyo ahi' osumbu' nu belemiu apaa na anu osanggohi adin,

MIKHA 3:9

Potombihing mae na potataengku aiya, o belemiu anu balakuasa i Israel anu nongka'idekimo ka'adilan ka' mule' nonggeo-geo'akonmo han anu totu'u.

MIKHA 7:2

Mian anu madi' tageo' na kinyonyoanyo imadi'mo ko anu jinojoong ilipu', mian anu tulu-tulutan hi Tumpu madi'mo daagi' kinabot. Batu-batu mian montanda'imo kasampatan kahanda'mo mompatei. Toto samian nompokonamo so'o da bau pohakop sangko mian.

MALEAKHI 1:6

Tumpu Anu Daka' na kuasanyo notataemo hi to ima-imam, “Samian na anak mongadati tuumanyo, ka' mule' samian na posaihon mongadati tuannyo. Aku aiya Tuuma nu beleyum; kadaka' belemiu madi' mongadati Aku? Aku aiya tuan nu beleyum; kadaka' belemiu madi' mabuhuk hi beleng-Ku? Belemiu mongalu Aku, panyo belemiu mompokilawa, ‘Tiba jalan nosia na kami nongalumo Belento?’

MALEAKHI 2:1

Tumpu Anu Daka Na Kuasanyo notataemo hi to ima-imam, “Sumo uuka na palentang-Ku toka hi belemiu:

TO MIA-MIAN KOPIAN 4:12

Salatan i Sisera nohongomo taalu' i Barak nambamo i Bungkutnyo nu Tabor,

TO MIA-MIAN KOPIAN 4:6

Daagi' kino sansinaan ia nompokaumo mian molaga i Barak, anak i Abinoam anu kiijo' mae i kota Kedes i da'erah Naftali. Lantas pinoto'inyomo hi Barak, “Sumo uuka na palentah nu Tumpu, Tumpu Allah nu Israel toka hi beleyum; 'Posihuk na to momo'ane 10.000 na mian anu hi aha tulunan i Naftali tiba hi Zebulon, ka' oboa na aha i Bungkutnyo nu Tabor.

1 SAMUEL 7:16

Sataun toka sataun ia mamba monsongkohi Betel, Gilgal, tiba Mizpa. Ka' itampat haha aijo' ia mongulus palakala po ualian sampe jadimo ma'ima'.

1 SAMUEL 7:5

Lapas aijo' notataemo na i Samuel, “Posihuk mae na bansa Israel iwi-iwi' i Mizpa, da ku do'akon na belemiu hi Tumpu.”

1 SAMUEL 7:6

Lantas aha sinihukmo iwi-iwi' kiijo' i Mizpa. Aha nontauk uee ka' mule' binubusakon salaku palasombahan hi Tumpu, ka' mule aha binapuasa'mo sinansinaa isinaamo aijo'. Aha notatae, “Kami binaladosa'mo hi Tumpu.” (Kiijo' i Mizpa i Samuel lewa'mo nongulus iwi-iwi' na palakala po ualian nu aha mian Israel.)