HOSEA 4:8 - KITAB NU TUMPU ALLA LELE MA'IMAI'

⁸ Belemiu kinayamo kalana dosa' nu mian-Ku, anu palesayamo, kalana aijo' belemiu mongka'ima'i da aha saja' baladosa'.

HOSEA 4:8 ပူးပေါင်းရင်းမြစ်များ

2 TOMU-TOMUNDO' 12:16

Doi nu koloban anu bau pombolosi kalugi'an ka' koloban pongampuni dosa', madi' oposoop i peti' ise-ise' aijo'. Doi aijo' obee' hi to ima-imam.

MAZMUR 24:4

Mian anu madi' ko alunyo na pikilannyo ka' madi' mombau anu ma'idek, anu madi' mimpula-pula basumpa' ka' madi' monsombah pilogot.

MAZMUR 25:1

Mazmur i Daud. Hi Belento, o Tumpu, na pompotokanku do'angku,

YESAYA 56:11

Aha susumo ahi' dedeng anu majoko' anu madi' toho' mobosu. To pola-polaya' haha aijo' madi' mangalati'. Toto samian mombau apaa na anu nu kai' ma'i nu aha ka' molio posi ka'untungan nu aha.

YEHEZKIEL 14:3

“O, manusia anu madi' tumuu' batu, mian haha aiya nompopalesayamo butong nu aha hi pilogot sahingga aha nanabu'mo i dosa'. Te toho' mule' Aku pompokilawan mae nu aha?

YEHEZKIEL 14:7

Toto samian na aha Israel kabai mian anu isalipu'an mae anu jojoong itina' hi aha bansa Israel anu matijo'onmo madi'mo ohani mae hi belengku ka' mule' mompopalesayamo butong nu aha hi pilogot lantas momoita mule' pokinde' hi samian na nabi, akuje na montaami.

HOSEA 10:13

Panyo beleyum nombaumo anu sabenannyo misa' aijo' na obau; beleyum ola nombau palabuatan anu ma'idek ka' nompadakmo palabuatan anu madi' adin. Beleyum nongkaanmo bua'nyo nu palabuatan hasin nu kabaleko'an nu beleyum.” Tumpu notatae mule', “O bansa Israel, kalana belemiu montakabunakonmo kareta haha aijo' anu opake mahampate ka' mule' konjoo'nyo nu suludadu nu belemiu,

HOSEA 12:8

Tumpu notatae hi aha bansa Israel, “Belemiu tageo' na kinyonyoa sumomo mian nu Kana'an; to pada-padagang nu belemiu saja' mongakali mian anu lewa mongoli hi belemiu balang, mompake timbangan anu madi' totu'u.

HOSEA 14:1

Samaria tionyo ahi' ohukumo kalana notomuhukmo madi'mo nohongo-hongo Aku. Mian da'isan nu aha saidi' mae mohopu'mo i uno nu pahampatean; to ana-anak anu daagi bungamea osilakaimo ka' to bou-boune anu hau-haunyo poboa obiha'mo na kompong nu aha.”

IMAMAT 6:22

Sampe toka sidu-sidutu' batu-batu lee' i Harun anu obalakatimo timbali Imam Daka' tionyo ahi' monsombahkon koloban sumo aijo'. Iwi-iwi' tionyo ahi' opotunu ka' osombahkonmo hi Tumpu.

IMAMAT 6:26

Imam anu monsombahkon koloban aijo' tionyo ahi' mongkaan i tampat anu samata-mata bau pongkaanan, aijo'mo i natan nu Kemah nu Tumpu.

MIKHA 3:11

Anu balakuasa i kota' lewa'mo nompalentah da mohumpak doi ponsogo', to ima-imam lewa' mompogulu'atulan nu Tumpu da mohumpak gaji, ka' to nabi-nabi momoita pokinde' hi Tumpu da mohumpak doi – lantas aha iwi-iwi' monsangka Tumpu daagi' monsangaja'i mae aha. Aha notatae, “Tumpu saja' daagi' aiya hi kita; kita madi' nukona mae nu balaa'.”

MALEAKHI 1:10

Tumpu Anu Daka' na Kuasanyo notataemo, “Lebe ma'ima' tumban nu Laigan-Ku otumbanmo kalana palasuma ahi' na belemiu mompomoak apu i mezbah-Ku. Madi'mo Ku ka'ima'i na belemiu ka' mule' madi'mo mongka'oho' mongala palasombahan nu belemiu.

ROMA 16:18

Kalana to mia-mian anu mombau sumo aijo', misa' mokalaja bau kapentingan i Kristus Tumpunto, panyo ola da mompatika'osa apaa na anu nuka'ima'i i uno nu posi kinyonyoa nu aha. Pagala nusale'i nu potatae nu aha anu toto mata-matami', aha mongakali to mia-mian anu madi' ko anu nupisumbu-sumbu'.

TITUS 1:11

Mian anu susumo haha aijo' tionyo ogintumi na nganga'nyo, kalana aha mompotasibu manjoo' na auwan kalana to panga-pangajalan anu madi' ko gunanyo. Aha mombau sumo aijo' ola kalana mongka'oho' molio kauntungan anu madi' pantas!

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.

1 SAMUEL 2:29

Jadi kadaka' beleyum daagi milu ka' ka oho'mo mongkaan de montoamo koloban haha aijo; anu pinalentahkon-Kumo osombahkon nu bansang-Ku hi belengku? Kadaka' beleyum Eli lebemo mongadati to ana-anak nu beleyum ka' madi'mo mongadati Aku, ka' ola mule' mompojohok aha mompolompo' butong nu aha nu bagian antoknyo anu ma'ima' hondo, apaa na anu nu sombahkon nu bansang-Ku hi belengku?