HOSEA 4:7 - KITAB NU TUMPU ALLA LELE MA'IMAI'

⁷ Belemiu mompaka manjoo'mo, mompaka baladosa'mo mule' na belemiu hi beleng-Ku, o to imam-imam! Kalana aijo' kalakuan nu belemiu. Ku babali'imo: Belemiu madi'mo daagi' o holomati, panyo lewa'mo o alu.

HOSEA 4:7 ပူးပေါင်းရင်းမြစ်များ

EZRA 9:7

Daagi' pe'e tempo'nyo mae nu mompolee' mami sampe tempo' uuka aiya, kami mian anu pinalesayamo hi belento binaladosa'mo hi belento. Mokonyo aijo' kami, to tomu-tomundo, ka' to ima-imam mami, pinatundu'mo nu to tomu-tomundo anu i salipu'an. Kami pinateanmo pinahuhuanmo, ka' binoamo salaku mian anu i hakop. Kami talalomo hondo ingambangan, sumomo balu-balu'nyo nu sinaa aiya.

HOSEA 10:1

Israel sumomo kau' anggur anu mahampe na bua'nyo. Mompaka panjoo' na kakaya'annyo, mompaka panjoo'mule na mezbah anu nu bau nu aha. Mompaka sanangmo na kantumuu'an nu aha ka' mompaka pa'ima' mule' na aha mombau to pato-patong nu pilogot anu nu sombah nu aha.

HOSEA 10:6

Pilogot aijo' oboamo i Asyur da opalasenakonmo hi tomundo' anu talasanggo aijo'. Israel nontulutimo tanga'an anu nonsaduakonmo da nohumpak ambang ka' mule' kinokojoanmo.

HOSEA 13:14

Bansa aiya madi'mo Ku posalamat i kakuasa'an nu dunia nu mian anu sinilakamo. O kasilaka'an loloakonmo na panyakit anu molele! Baumo na pakalaja'an nu beleyum anu lewa-lewa' mohansuni aijo'! Aku madi'mo daagi' mongkalibosi bansa aiya.

HOSEA 13:6

Panyo salatan belemiu jinojoongmo i lipu' anu ma'ima ka' belemiu nobosumo ka' na osamo, belemiu tinakabunmo lantas nongkolilimimo mae Aku.

HOSEA 4:10

Belemiu mongkaan to kolo-loloban anu osombahkon, panyo belemiu tataap mo'ohop. Belemiu monsombahmo to pilo-pilogot anu moko polumba', panyo belemiu mian da'isan tataap madi' mintuang, kalana belemiu nohikumo Aku ka monsombahmo, to pilo-pilogot sangga'atan.”

HOSEA 5:1

Tumpu notatae, “Potombihing mae o to ima-imam! Palahatikan o mian nu Israel. Potombihing mae o to mia-mian lee' nu tomundo'! Hukuman opokonamo hi belemiu. Kalana sabenanyo adin ahi' na belemiu momputusi palakala, panyo belemiu ola mule'ahi' susumo totumban kiijo' i Mizpa ka' susumo so'o i bungkutnyo nu Tabor,

HOSEA 6:9

To ima-imam i kota' aijo' sumomo sa'angu' na tompukan nu mian anu buling ka' anu lewa' mohakop mian anu motulu. I jalan anu mompatui mokiijo' i tampat anu susi' kiijo' i Sikhem suele aha nompateimo mian! Iwi-iwi' na kalakuan anu ma'idek aijo' anu binaumo nu aha memang ototonggolakon.

HOSEA 9:11

Katalasanggoan nu Israel tontilapmo susumo tomonsi'; madi'mo daagi ko anu poboa ka' madi'mo daagi ko to ana-anak anu ohampeakon.

HABAKUK 2:16

Uuka aiya tinokamo na tempo'nyo hi beleyum da o'ambangimo, misa' da oholomati. Kaholomatan nu beleyum timbalimo anu madi' oholomati. Nu pakisamo nu Tumpu na beleyum monginum aijo' igalas anu ingisianmo hukuman da obee' hi beleyum. Nuinumo nu beleyum ka' mahasungonanmo.

MALEAKHI 2:9

Sahingga Aku suele mompotimbalimo belemiu madi' nu pajuli nu mian Israel kalana belemiu madi'mo nontuluti pongka'oho'-Ku ka' mule' kalana belemiu mombeda-bedakon mian tempo'nyo nompogulu' mian anu palesayamo hi belengku.”

PO'ULE' INGULIT 32:15

Mian anu pinalesayamo hi Tumpu kayamo, panyo saja' moto'idek, aha to lompo-lompo', nobosumo nu kaanon. Lantas aha nompala'imo Tumpu Allah, anu Nompotimbalimo aha ka' madi'mo nongala anu nomposalamatmo aha anu daka' hondo na kuasanyo.

FILIPI 3:19

Kantumuu'an nu to mia-mian anu sumo aijo' mingahenje nu kapatean, kalana pilogot nu aha aijo'mo apaa na anu nu nuka'ima'i nu butong nu aha. Hahan anu mongambangi, aijo'mo ahi' na anu nunu kabubuulakon nu aha; kalana aha mompopikilakon ola saja' anu mompahakona tiba dunia aiya.

1 SAMUEL 2:30

Aku Tumpu Allah nu Israel, naipuan mae binalajanji'mo da belemiu salaigan ka' belemiu sa'angu' na tulunan mombau anu Ku palentahkon timbali imam sampe toka sidu-sidutu'. Panyo uuka aiya madi'mo Ku ka'ima'i na anu sumo aijo'! Kalana anu mongadati Aku suele Ku adati, panyo anu mongambangi Aku suele Ku ambangi.