HOSEA 4:6 - KITAB NU TUMPU ALLA LELE MA'IMAI'

⁶ Belemiu to imam-imam, madi' mongadati Aku, sahingga mian-Ku anu palesayamo suele madi'mo mongadati Aku, sahingga aha nohumpakmo balaa'. Belemiu madi'mo montalima to aja-ajalan-Ku. Jadi Aku suele madi'mo montalima belemiu ka' to ana-anak nu belemiu madi'mo Ku talima salaa-Ku to imam-imam-Ku.

HOSEA 4:6 ပူးပေါင်းရင်းမြစ်များ

2 TAWARIKH 15:3

Pininmo hondo na Israel madi' tinulu-tulutan hi Tumpu Allah anu totu'u, madi'mo ko atulan anu tionyo ahi' o tuluti ka' madi'mo ko to ima-imam anu mompotiju' aha.

AYUB 36:12

Panyo de aha madi' mompotombihing, aha silakamo i uno nu kaponga'an.

MAZMUR 119:139

Tambuha'ku ningobamo i uno nu butongku kalana anu monsampobali' mae aku, nongkolilimimo pangajalan nu Belento.

MAZMUR 119:153

Toakon mae na kasansala'anku ka' posalamatakon mae na aku, kalana aku madi' mongkolilimi atulan nu Belento.

MAZMUR 119:61

Mian anu ma'idek na kinyonyoanyo nompokonamo so'o da nukona na aku, panyo aku madi' mongkolilimi atulan nu Belento.

MAZMUR 18:27

Kona hi mian anu susi', butong nu Belento suele nu poto'i ahi' susi', panyo anu ma'idek na kinyonyoanyo suele ahi' nuka'ideki nu Belento.

AMSAL 10:21

Potatae nu mian anu manonong salakumo balakat kona hi mian da'isan. Panyo kaponga'an nu mian anu ponga' monsilakai posi butongnyo.

AMSAL 19:2

Anu makeke de madi' ko ilimu', madi' ma'ima'; mian anu ko sia-sia saidi mae monsaduakon kasala'an.

YESAYA 1:3

Sapi' monsumbu' tumpunyo, keledai nusumbu' na pongkaanannyo anu saja' nuposadia nu tumpunyo. Panyo mian-Ku Israel anu palesayamo madi'mo aha madi' monsumbu'.”

YESAYA 17:10

O, Israel beleyum nongkolilimo Tumpu anu nomposalamatmo ka' nonjagaimo beleyum susumo bungkutnyo nu batu anu mahoson hondo. Panyo ola mule' ahi' beleyum nonsu'anino ale' anu osombahkon hi pilogot.

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

YESAYA 28:7

Suele to nabi-nabi ka' to ima-imam nalangumo kalana talalomo nanjoo' na nonginum anggur tiba siu. Aha lumajang mahasungonanmo ka' mahatosumpunanmo kalana pikilan nu aha pinusingmo. To nabi-nabi madi'mo daagi' mapaham i hahan anu nu toa nu aha mongkona apaa na anu nu bee' nu Tumpu hi aha. To ima-imam madi'mo daagi' moko ala momputusi palakala-palakala anu nu boa mae nu mian hi aha.

YESAYA 29:12

De oboa hi mian anu madi' nonsikolai hulup, ia aijo' saidi' mae motataeje tukoonyo ia madi' monsumbu' mombasa'.

YESAYA 3:12

Mian anu palesayamo hi beleng-Ku osakisamo nu mian anu lewa molio kauntungan ka' nu akalimo nu mian anu osanggohi linta' nu katano'an. Mian anu palesayamo hi beleng-Ku nu pobingungmo nu to pola-polaya' sahingga madi'mo nu sumbu' nu aha na anu obau.”

YESAYA 45:20

Tumpu notatae, “Sihukmo ka' tokamo mae hingga-hinggat, belemiu iwi-iwi' anu madi' pinatean nu to bansa-bansa! Ponga' ahi' na to mia-mian anu molondakon patong kau' ka' balado'amo hi to pilo-pilogot anu madi' moko ala momposalamat.

YESAYA 5:13

Kalana aijo' mian anu palesayamo hi beleng-Ku anu pinonga'mo oboamo salaku mian anu ihakop. To pola-polaya' tiba aha mian da'isan saidi' mae mateje nu ohop ka' mule' mate nu megot.

YEREMIA 2:8

To ima-imam madi'mo ko anu mompokilawa iya mae na Aku, Tumpunyo. To mia-mian anu montinjohakon atulan madi'mo daagi' monsumbu' pa' ihe na Aku, to mia-mian anu balakuasa notomuhukmo mae hi beleng-Ku. Atas sanggo nu Baal na to nabi-nabi motatae, ka' monsombahmo pilogot anu madi' kokaliangannyo.”

YEREMIA 4:22

Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

YEREMIA 5:21

“Potombihing mae, o belemiu mian anu ponga' ahi taha-tahahumo! Belemiu ko mata panyo madi' montoa, ko bihing panyo madi' mohongo!

YEHEZKIEL 44:23

To ima-imam tionyo ahi' mongajanakon hi mian anu palesayamo hi belengku da osumbu' na bedanyo iya na anu samata-mata osombahkon hi beleng-Ku ka' iya na anu madi' timbali, iya na anu belesi' susumo koonyo nu agama ka' iya na anu mahumimi'.

HOSEA 13:6

Panyo salatan belemiu jinojoongmo i lipu' anu ma'ima ka' belemiu nobosumo ka' na osamo, belemiu tinakabunmo lantas nongkolilimimo mae Aku.

HOSEA 2:13

Aku na mohukumo ia kalana iwi-iwi na sinaa anu pinakenyomo nompapu kamangian osombahkon hi Baal, ka' binalahiasmo nu palahiasan da mololoi'mo to sindu-sindua'annyo, lantas madi'mo daagi' monginau' Aku totu-totu'u. Akumo, na Tumpu anu notataemo.”

HOSEA 4:1

Tumpu ko palakala tiba mian da'isan i lipu' aiya. O Israel, potombihing pe'e apaa na anu tinaloakon-Nyo, “I lipu' aiya madi'mo daagi' ko anu tulu-tulutan kabai mompaha kali-kalibosi, ka' mian da'isan madi'mo monsumbu' Aku salaku Tumpu Allah.

HOSEA 4:12

Belemiu nomoitamo da nu potingan nu sangkolong na kau'! Sangkau na tokon mompoto'i hi belemiu apaa na anu nu ka'ima'i nu belemiu da osumbu'! Belemiu sumomo samian na bengkele' anu tinimbalimo anu masala'; belemiu nohikumo Aku ka' nombee'mo butong nu belemiu hi to pilo-pilogot.

HOSEA 4:14

Panyo Aku madi' mohukum kalakuan nu aha aijo', kalana belemiu suele nambamo hi aha anu masala', anu mokalaja i laigan bau ponsomban tominuat, ka' tiba aha mule' belemiu nonsombahkonmo koloban hi tominuat. Totu'umo na potatae aiya: Bansa anu madi' mangalati' mongkona Tumpu, madi' moko ala tatahan.

HOSEA 5:4

Palabuatan ma'idek anu binaumo nu mian Israel nonsaduakonmo aha madi'mo po ule' namba hi Tumpu Allah nu aha. Aha kinuasanmo hondo nu monsombah pilogot sahingga aha madi'mo daagi nompajuli Tumpu.

HOSEA 6:6

Lebe Ku ka'ima'i, hi belemiu da monsumbu' mae Aku, ka' saja' ahi' mongkalibosi mae Aku, nulingkudui na mompapui ka' monsombahkon koloban hi beleng-Ku.

HOSEA 7:11

Israel naha lajanganmo mokiijo' ka' mo uuka mae sumomo tomonsi' malapati' anu ponga'. Momonanyo mian haha aijo' nomoitamo bantuan hi aha mian nu Mesir, lapas aijo' aha nalaimo namba i Asyur!

HOSEA 7:9

Madi' sinumbu' nu aha saba' kalana nosa'angu'mo tiba bansa sangga'at haha aijo' sahingga kahosonan nu aha imadi'anmo. Pupusnyo nu aha kinosisikonnyo ohanimo mingkot panyo madi' nu sumbu' nu aha.

HOSEA 8:1

Tumpu notatae, “Po'onyi'mo na tanda kalana ko lobosmo mae montumbuhi. Sampobali' montumbuhimo mae lipu'-Ku susumo bonyia' monsabutmo kaanonnyo! Mian-Ku anu palesayamo nolanggaimo palajanjian-Ku tiba aha ka' madi'mo nontuluti pangajalan-Ku.

HOSEA 8:12

Manjoo'mo hondo na pangajalan anu tinulis-Kumo kona hi aha panyo iwi-iwi' aijo' madi' tinalima nu aha kalana nu sangka nu aha; aha na isambiha'nyo ahi'.

HOSEA 8:14

Aha mian nu Israel nombaumo iwi-iwi' laigan nu tomundo' panyo aha madi'mo nonginau' anu nompotimbalimo aha. Aha mian nu Yehuda nomponjoo'mo kota' anu ko bentengnyo panyo Ku tau'akonmo mae na apu da mompapui iwi-iwi' na laigan nu tomundo' haha aijo' tiba iwi-iwi' na kota' nu aha sampe mingkot.”

HOSEA 9:17

Tumpu anu kuku bau na anu nu pokauhakon aijo', madi'mo daagi montalima mian-Nyo anu palesayamo hi Ia, kalana aha madi'mo mongka'oho' montuluti Ia. Aha solidi' mae memo saja' mamba momoya hi to bansa-bansa sangga'at.

MATIUS 15:14

Madi' timbali opalahatikan na to mia-mian Farisi aijo'. Aha aijo' mapisok montaka' anu mapisok; jadi, de mian mapisok montaka' mian mapisok ua-ua'aha timbali manabu' i uno nu bolo'.”

MATIUS 15:8

‘Sumo uuka na koonyo nu Tumpu: To mia-mian haha aijo' ola ahi' monsombah Aku nu potatae, panyo kinyonyoa nu aha majo'on lengkat hi beleng-Ku.

1 SAMUEL 2:12

To ana-anak i Eli ma'idek hondo na kinyonyoa nu aha. Aha madi' mompajuli Tumpu.