HOSEA 4:2 - KITAB NU TUMPU ALLA LELE MA'IMAI'

² Aha binasumpa'mo, panyo aha madi' mongganapi; aha baleko', mompatei, montomang ka' masala'. Palabuatan ma'idek mompaka pintuangmo ka' mompatei saja'mo obau.

HOSEA 4:2 ပူးပေါင်းရင်းမြစ်များ

KAJADIAN 4:8

Lantas i Kain notataemo hi Habel, utus ise'nyo, “Imbo' da kita mamba i ale'.” Salatan aha tinokamo ikiijo' i Kain nompateimo i Habel utusnyo ise'.

YESAYA 24:5

Tano' mahumimi'mo kalana nu saduakon nu palabuatan nu mian anu monjojoongi nolanggaimo iwi-iwi na palentah nu Tumpu, nongabali'mo iwi-iwi na anu tinantukannyomo ka' madi'mo nontoongi palajanjian anu binau-Nyomo tiba aha sampe toka sidu-sidutu'.

YESAYA 48:1

Potombihing mae o, belemiu lee' i Yakub, lee' mae i Yehuda anu nompakemo sanggo Israel, beleyum notatae, tukooyum beleyum nongakuimo Tumpu nu Israel, ka binasumpa'mo i uno nu sanggo nu Tumpu. Panyo potatae nu beleyum aijo' madi' sahondo-hondonyo.

YEREMIA 51:5

Aku, Tumpu, Tumpu Allah Anu Balakuasa, Tumpu Allah nu Israel anu Susi', madi' mompala'i Israel tiba Yehuda maumo ahi' aha binaladosa'mo mae hi beleng-Ku.

YEREMIA 6:7

Susumo mata nu uee tataap monsabatakon mae uee anu molino, sumo aijo'mo na kota' aijo' tataap mompodaagi' palabuatan anu ma'idek. Ola lele kabuhingisan ka' palabuatan sola' montololangi na anu Ku hongo ikota' aiya; bela tiba panyakit na anu Ku toa iyaya mae.

MOHAANGI 4:13

Panyo han aijo' jinadimo, kalana dosa' nu to ima-imam ka' to nabi-nabi. Aha nombubusakonmo baso', nu mian anu madi' ko sala'nyo.

YEHEZKIEL 7:23

Iwi-iwi' na lipu' kalangkabutmo; iyaya mae daagi'mo ko anu opatei ka' singkapmo singgi.

HOSEA 10:13

Panyo beleyum nombaumo anu sabenannyo misa' aijo' na obau; beleyum ola nombau palabuatan anu ma'idek ka' nompadakmo palabuatan anu madi' adin. Beleyum nongkaanmo bua'nyo nu palabuatan hasin nu kabaleko'an nu beleyum.” Tumpu notatae mule', “O bansa Israel, kalana belemiu montakabunakonmo kareta haha aijo' anu opake mahampate ka' mule' konjoo'nyo nu suludadu nu belemiu,

HOSEA 10:4

Talalomo nolabi-labi na leko' nu aha ka' binalajanji'mo anu madi' totu'u ka' nombaumo mule' palajanjian anu madi' kogunanyo. Atulan gineo-geo'akonmo sahingga palabuatan anu madi' adin tinumuu'mo susumo sosu anon anu ko lasungnyo i uno nu ale' anu pinansunmo.

HOSEA 12:14

Tumpu nompokaumo samian na nabi da momboa mian nu Israel mosabat da bolimo obotuani kiijo' i Mesir ka' da ojagaimo na aha.

HOSEA 5:2

ka' susumo bolo' anu maleeng kiijo' i Sitim. Kalana aijo' Aku mohukumo belemiu iwi-iwi'!

HOSEA 6:8

Gileat, aijo'mo na kota' anu miannyo to ide-idek na kalakuannyo ka' anu saja' mompatei.

HOSEA 6:9

To ima-imam i kota' aijo' sumomo sa'angu' na tompukan nu mian anu buling ka' anu lewa' mohakop mian anu motulu. I jalan anu mompatui mokiijo' i tampat anu susi' kiijo' i Sikhem suele aha nompateimo mian! Iwi-iwi' na kalakuan anu ma'idek aijo' anu binaumo nu aha memang ototonggolakon.

HOSEA 7:1

Tumpu notatae, “De Aku kahanda'mo mompa alin mian-Ku Israel anu palesayamo ka' po ule'mo mompokopiani kalakuan nu aha, panyo anu Ku toa ola ka'idekan tiba dosa' nu aha. Aha mompaha bale-baleko'i, aha mompinsoopi laigan nu mian ka' mombulingi, ka'aha mongagoi anu nu mian i jalan-jalan.

HOSEA 7:3

Tumpu notatae, “Tiba kalakuan nu aha anu talalo hondo baleko' ka' ma'idek aha mian da'isan mompagalamo momposanang kinyonyoa nu tomundo' tiba to paga-pagawe nu pamalentah.

HOSEA 7:4

Aha iwi-iwi' to mia-mian anu ma'idek na palabuatannyo ka' madi' tulu-tulutan. Pongka'ideki nu aha sumomo apu i uno nu tolukun anu madi' opomoak nu aha anu montunu roti salatan ma'isa pe'e opotunu na adonannyo.

MIKHA 3:2

panyo belemiu ola mule' ahi' mongka'ideki palabuatan anu ma'ima' ka' mongka'ima'i palabuatan anu ma'idek. Kinilitanmo nu belemiu titu-tituu' na bansangku, ka' mule' belemiu nombentekimo antok nu aha anu aijo' i buku nu aha.

MIKHA 3:9

Potombihing mae na potataengku aiya, o belemiu anu balakuasa i Israel anu nongka'idekimo ka'adilan ka' mule' nonggeo-geo'akonmo han anu totu'u.

MIKHA 6:10

I laigan nu to mia-mian anu ma'idek na palabuatannyo daagi' ko halata' anu i humpak kalana lewa' nongakali. Aha mompake takalan anu madi' totu'u, aijo' sa'angu' na palabuatan anu Ku ka'ideki. Mian anu mombau sumo aijo' Ku hukum.

MIKHA 7:2

Mian anu madi' tageo' na kinyonyoanyo imadi'mo ko anu jinojoong ilipu', mian anu tulu-tulutan hi Tumpu madi'mo daagi' kinabot. Batu-batu mian montanda'imo kasampatan kahanda'mo mompatei. Toto samian nompokonamo so'o da bau pohakop sangko mian.

ZEFANYA 3:1

Kinutukanmo na Yerusalem kota' anu palaganta anu saja' motomuhuk hi Tumpu ka' anu saja' nomposansala mian anu jojoong ikiijo'!

ZAKHARIA 5:3

Lantas ia notataemo mae hi belengku, “I kitab anu ilulunmo aijo' tinulis pingkutuki iwi-iwi' na lipu' aiya. I sa'angu' na takeannyo tinulisan tukoonyo toto samian na anu mombuling osabatakonmo da bolimo jojoong i lipu' aiya. Ka' i takeannyo mule' sangga'at tinulis tukoonyo samian na anu basumpa' ihan anu madi' totu'u suele osabatakon.

ZAKHARIA 7:9

“Pa' sangkuka na taun anu ihikuhakonmo binee'-Kumo na palentah haha aiya hi mian anu palesayamo hi belengku, ‘Belemiu tionyo ahi' saja' adin, ka' mongkalibosi mian, ka' mule' manonong hi sangko manusia.

MATIUS 23:35

Kalana aijo' komiu o hukum, kalana nompateimo mian iwi-iwi' anu madi' ko sala'nyo – lengkat pe'e nompatei i Habel anu madi' ko sala'nyo, tinoka i pinompateian i Zakharia anak i Berikia, anu pinatean miu i olot nu Laigan nu Tumpu, ka' i tampat ponsombahkonan.

SISIKON NU TO RASUL-RASUL 7:52

Apaa daagi' ko nabi anu madi' sinakisa nu mompolee' miu? Aha nompateimo to posa-posaihon nu Tumpu anu u'utu pe'e mae nombebakonmo tukoonyo. Posaihon nu Tumpu anu totu'u, tokaje mae. Ka' uuka aiya komiu nongkabisa'imo ka' nompateimo Posaihon nu Tumpu aijo'.

PO'ULE' INGULIT 5:11

Boli ola bau kasanggoan na monsanggo, sanggong-Ku kalana Aku Tumpu Allah nu belemiu mohukum maumo pa' ihe na anu monsanggo-sanggong-Ku anu madi' mingkona hi pongka'oho'-Ku.

PO'ULE' INGULIT 5:18

Boli masala'.

PO'ULE' INGULIT 5:19

Boli montomang.

1 TESALONIKA 2:15

To mia-mian haha aijo'mo na anu nompateimo i Tumpu Yesus, ka' to nabi-nabi, ka' nongkabisa'imo kami. Aha nompo'uwaliakonmo iwi-iwi' na mian, ka' Tumpu madi'mo hondo sinanang hi aha.

ANU PINOTO'I HI YOHANES 17:6

Lantas tinoangkumo taalu' boune aijo' nalangumo nu baso' nu mian anu pinalesayamo hi Tumpu ka' baso' nu to mia-mian anu pinateanmo kalana tulu-tulutan hi Yesus. Salatan aku nontoamo boune aijo', aku kino banga-bangangmo.