HOSEA 4:16 - KITAB NU TUMPU ALLA LELE MA'IMAI'

¹⁶ Belemiu o mian nu Israel, talalo hondo panggaga! Mosia na Aku molaya' belemiu susumo domba i hemput padang?”

HOSEA 4:16 ပူးပေါင်းရင်းမြစ်များ

MAZMUR 78:8

da aha madi'mo susumo mompolee' nu aha anu mongka'ima'i saja' motomuhuk ka' mingkalakuan palagenta; tulunan anu madi' totu-totu'u palesaya ka' madi' tulu-tulutan hi Tumpu.

YESAYA 30:23

De belemiu motuganmo bine', Tumpu montudunakonmo mae ujan da bine' aijo' tumuu' da kohasinnyo ahi' anu opadak ka' molabi-labi. Ka' mule' potuu'on nu belemiu sadiamo na hemput padang anu ewa na tampatnyo.

YESAYA 5:17

Ikota' anu ihansunmo saidi' mae mee' tiba domba mongototmo hemputnyo ka' mule' madi'mo kakulangan i anu okaan.

YEREMIA 14:7

Mian anu palesayamo hi beleng-Ku nomoitamo mae tulung, ‘O Tumpu, maumo ahi' dosa' mami montuukmo mae kami panyo paya' tulungiakon mae na kami susumo anu jinanji'mo nu Belento.

YEREMIA 3:11

Lapas aijo' pinoto'imo mae nu Tumpu hi belengku, koo-Nyo maunyo ahi' Israel nohikumo Ia, panyo taalu' Israel ahi' na lebe ma'ima' nu lingkudui na Yehuda anu madi tulu-tulutan aijo'.

YEREMIA 3:6

Tempo'nyo i Tomundo' Yosia nompalentah, Tumpu notataemo mae hi belengku sumo uuka; “Pa' tinoamo nu beleyum apaa na anu binaumo nu aha Israel, boune anu madi' tulu-tulutan aijo'? Ia nompala'imo Aku ka' nombaumo palabuatan masala' aita' mae itoto sa'angu' na puge'nyo anu matunjo ka' mule' ipatuu nu kau toto sangkau anu tambok na honnyo.

YEREMIA 31:18

Ihongong-Kumo na mian nu Israel notatae kahomo i uno nu kasusa'an na kinyonyoa, ‘O Tumpu, kami sumomo ahi' binatang anu ma'isa pininyaman panyo ingajan mo nu Belento na kami da tulu-tulutan, ka' uuka aiya kami kahanda'mo minsusule' mae hi Belento. Jadi, boamo mae na kami da minsusule'mo o Tumpu, Tumpu Allah mami.

YEREMIA 5:6

Mokonyo aijo' aha nu pateimo ahi' nu singa nu alas ka' nu bea-beakmo nu serigala anu lengkat mae ipadang tampat anu mateges. Macan tutul sumolinsapmo molio kaanonnyo koko kota-kota' nu aha, ka' ihehe na anu mosabat mae nu sa'umo. Iwi-iwi' aijo' saidi' mae jadimo kalana aha nanjoo'mo na binaladosa' ka' saja'mo nohiku mae Tumpu Allah.

YEREMIA 7:24

Panyo aha madi' mongka'oho' mohongo ka' mule' madi' mongka'oho' mompalahatikan. Aha ola mule' ahi' montuluti pongka'oho' nu kinyonyoa nu aha anu bangilan hondo ka' ma'idek hondo aijo'. Aha misa' da tinimbalimo na ima' panyo ola mule' ahi'da lebe na idek.

YEREMIA 8:5

Panyo kadaka' na belemiu mian anu palesayamo hi beleng-Ku na sabau-baunyo ahi' palabuatan anu ma'idek ka' mohikumo mae Aku? Belemiu nontoongimo hondo-hondo ipilogot nu belemiu ka' madi'mo mae minsusule' hi beleng-Ku.

HOSEA 10:11

Naipuan mae Israel sumomo sapi' anu daagi' bata'nyo anu ingajanmo ima-ima' ka' nongka'ima'imo mongutut gandum. Aku madi'mo palalu mompokona pasangan itundunnyo anu ma'ima' aijo'. Panyo uuka aiya Aku mongalamo kaputusan da opakisamo na aha mokalaja anu toto maha-mahan. Yehuda Ku pokaumo mompajeko, ka' Israel mule' Ku pokaumo mompolata tano' anu pinajekomo.

HOSEA 11:6

Pahampatean mompaka sidamo sampe toka-toka i uno nu kota' nu aha iwi-iwi', Tumban nu sabatan daka' o ideimo ka' mian-Ku anu palesayamo ohopu'imo. Aijo' jadimo saidi' mae kalana aha nosi baumo posi pongka oho' nu aha,

HOSEA 11:7

ka' madi'mo hondo mohongo Aku. Sahingga aha lewa'mo opalentah, madi' ko anu moko ala mompobebas aha mau ahi' aha moloboo' momoita tulung.”

IMAMAT 26:33

Ku podaagi'mo na pahampatean i lipu' nu belemiu ka' mongga'aga'atakonmo mamba i lipu' nu mian anu i salipu'an. Ale' nu belemiu madi'mo okalaja, ka' kota-kota' nu belemiu opojohokmo me susumo tambulan nu apa-apaa.

ZAKHARIA 7:11

Panyo mian anu palesayamo hi beleng-Ku, talalo hondo panggaga ka' madi' hondo kahanda' mompotombihing, aha ola ahi' mompiiti bihing nu aha da madi' mohongo-hongo.

1 SAMUEL 15:11

“Aku nompele-pele'mo na nohangkat i Saul binau tomundo' kalana ia nohukumo aku ka' madi'mo nombau apaa na anu Ku palentahkon.” I Samuel nolibosmo hondo ka' sinusa'mo sinampahu na ia lewa' nompele-pele' hi Tumpu.