HOSEA 4:11 - KITAB NU TUMPU ALLA LELE MA'IMAI'

¹¹ Tumpu notataemo, “O mian-Ku anu palesayamo, mau anggur anu pininmo, mau anggur anu salaje nongalinimo kamampuan bapikin ihan anu ma'ima'.

HOSEA 4:11 ပူးပေါင်းရင်းမြစ်များ

AMSAL 20:1

Inumon anu moko palangu mombau mian madi'mo mingadat ka' lewa'mo hengge'. Ponga' ahi' na mian anu monginum sampemo malangu.

AMSAL 31:4

Inau' na i Lemuel! Monginum anggur ka' kinatageanmo monginum anu moko palangu, madi'mo pantas na timbali anu balakuasa.

AMSAL 6:32

Panyo mosia na mo'ane anu masala'? Ia mosi ideimo posi butongnyo! Talalo ponga' hondo na ia!

ANU MOMPOLELE POTATAE NU TUMPU 7:7

De mian anu pande mongakali, ponga' na palabuatannyo aijo'; de mian montalima doi anu pinonsogo' pikilannyo na'idekmo.

YESAYA 28:7

Suele to nabi-nabi ka' to ima-imam nalangumo kalana talalomo nanjoo' na nonginum anggur tiba siu. Aha lumajang mahasungonanmo ka' mahatosumpunanmo kalana pikilan nu aha pinusingmo. To nabi-nabi madi'mo daagi' mapaham i hahan anu nu toa nu aha mongkona apaa na anu nu bee' nu Tumpu hi aha. To ima-imam madi'mo daagi' moko ala momputusi palakala-palakala anu nu boa mae nu mian hi aha.

YESAYA 5:12

I bau-bauon nu belemiu ko onyi' nu kasapi', gambus, gandang ka' mule' puloit ka' mule' inumon anggur. Panyo belemiu madi' mompajuli apaa na anu kinalajamo nu Tumpu tiba anu binau-Nyomo.

YEREMIA 23:13

Dosa' nu to nabi-nabi nu aha Samaria tinoang-Kumo. Aha motatae mompake atas sanggo nu Baal ka' nompotageo'mo pikilan nu Israel, mian anu palesayamo hi beleng-Ku.

HOSEA 4:12

Belemiu nomoitamo da nu potingan nu sangkolong na kau'! Sangkau na tokon mompoto'i hi belemiu apaa na anu nu ka'ima'i nu belemiu da osumbu'! Belemiu sumomo samian na bengkele' anu tinimbalimo anu masala'; belemiu nohikumo Aku ka' nombee'mo butong nu belemiu hi to pilo-pilogot.

HOSEA 5:4

Palabuatan ma'idek anu binaumo nu mian Israel nonsaduakonmo aha madi'mo po ule' namba hi Tumpu Allah nu aha. Aha kinuasanmo hondo nu monsombah pilogot sahingga aha madi'mo daagi nompajuli Tumpu.

HOSEA 7:11

Israel naha lajanganmo mokiijo' ka' mo uuka mae sumomo tomonsi' malapati' anu ponga'. Momonanyo mian haha aijo' nomoitamo bantuan hi aha mian nu Mesir, lapas aijo' aha nalaimo namba i Asyur!

IMAMAT 10:9

“Moko inum anggur kabai inumon anu moko palangu beleyum ka' to ana-anak nu beleyum madi'mo timbali minsoop i Kemah-Ku. De belemiu molanggaimo atulan aijo' belemiu silakamo. Palentah aijo' tionyo ahi' otuluti totu-totu'u nu iwi-iwi' na lee' nu belemiu.

LUKAS 21:34

“Ojagai na butongum, boli komiu talalo mongka'ima'i mombau bau-bauon ka' lewa' monginum inumon anu moko langu, kabai talalo mompotutugakon kapalaluan nu kantumuu'anum, sahingga komiu madi' mosadia sampe toka sinaanyo aijo' anu nu potolokengkeng mae.

1 SAMUEL 25:36

Salatan i Abigail ninsusule'mo hi Nabal tinokannyo kinobau-bauonmo anu kada' hondo i laigan nu aha sumomo bau-bauon nu tomundo'. Jadi kalana i Nabal nalangumo ka' talalomo i lame' na ia, sahingga bengkele'nyo ma'isa nompoto'i apa-apaa sampe tinoka dodododopnyo.