HOSEA 4:1 - KITAB NU TUMPU ALLA LELE MA'IMAI'

¹ Tumpu ko palakala tiba mian da'isan i lipu' aiya. O Israel, potombihing pe'e apaa na anu tinaloakon-Nyo, “I lipu' aiya madi'mo daagi' ko anu tulu-tulutan kabai mompaha kali-kalibosi, ka' mian da'isan madi'mo monsumbu' Aku salaku Tumpu Allah.

HOSEA 4:1 ပူးပေါင်းရင်းမြစ်များ

1 TOMU-TOMUNDO' 22:19

I Mikha po'ule' mule' notatae, “Uuka aiya potombihing mae apaa na anu pinoto'imo nu Tumpu! Tinoangku na Tumpu suha-suhang i kadela aita' i suluga' ka' iwi-iwi' na malaikat-Nyo sika-sika tinjo hi Ia.

MAZMUR 81:9

Potombihing mae na pokinde'ku o, belemiu mian anu palesayamo hi belengku, O, Israel, de belemiu mongka'oho' mohongo Aku!

YESAYA 1:10

Yerusalem tiba to pola-polaya' ka' bansa nu belemiu tinimbalimo nimbalu-balu'mo mian nu Sodom ka' Gomora. Apaa na anu pinalentahkon nu Tumpu hi belemiu hongo mae; apaa na anu ingajanakonmo nu Tumpu-nto opalahatikan.

YESAYA 1:18

Tumpu notatae, “Imbo' da oputusi na palakala aiya. Mau mule' belemiu imea'anmo tala-talalu nu dosa' nu belemiu, panyo belemiu Ku baso'imo sahingga timbalimo mopute' susumo kapas. Mau mule dosa' nu belemiu talalo manjoo' ka' maboat, belemiu totu-totu'u Ku ampunimo.

YESAYA 28:14

Potombihing mae apaa na anu pinoto'imo nu Tumpu o belemiu anu sola moletakon lelewa' mompalentah mian da'isan i Yerusalem!

YESAYA 34:1

Imbo' sihuk mae, o, to bansa-bansa, ka' potombihing mae. Bakas da songko-songko na dunia ka' mule' iwi-iwi' na anu tumuu' i unonyo tokamo mae ka' mompotombihing.

YESAYA 34:8

Aijo'mo na tempo'nyo nu tinjohimo nu Tumpu na Sion ka' mombalosakonmo idek nu kinyonyoa-Nyo hi aha anu monsampobali' mae.

YESAYA 5:3

Jadi uuka aiya sangalung-Ku notataemo, “Belemiu iwi-iwi' anu jojoong i Yerusalem tiba i Yehuda, putusi na ulusannyo pa' mosia na ale' nu anggur-Ku tiba Aku.

YESAYA 59:4

Belemiu mongkalak palakala madi' ko sababnyo apa-apaa ka' momputusi palakala madi' adin. Belemiu baleko' ka' montakabunakon anu madi' kogunanyo; belemiu ko tanga'an monsilakai mian sangga'at ka' mombau anu ma'idek.

YESAYA 59:8

Belemiu madi'mo nongusahakon da dame, ka' iwi-iwi' na palabuatan nu belemiu madi' adin. Jalan nu belemiu minggeo-geo' ka' mian anu mombatuki jalan aijo' madi' sanang.

YESAYA 66:5

Potombihing apaa na anu nutaloakon nu Tumpu, o, belemiu anu mabuhuk ka' montuluti Ia, “Kalana belemiu tulu-tulutan hi beleng-Ku, daagi' ko anu atina' hi bangsa nu belemiu na anu mongka'ideki belemiu, ka' madi' mongka'oho' mosangalu tiba belemiu. Aha ola mompopo'ambang belemiu ka' potatae, ‘Bakas da Tumpu mompotoa katalasanggoan-Nyo, da kami montoa belemiu lame'mo.’ Panyo posi ahamo ahi' na na'ambang.

YEREMIA 11:7

Tempo'nyo Aku nomboamo mompolee' nu aha nosabat lengkat i Mesir, pinokeman-Ku mo na nompokinde'i aha da montuluti Aku. Sampe sinaa uuka mule' Aku daagi' saja' mompokinde'i mian anu palesayamo hi beleng-Ku mongkona han aijo',

YEREMIA 19:3

Aku tionyo ahi' motatae sumo uuka, “O to tomu-tomundo nu Yehuda tiba mian anu jojoong i Yerusalem! Potombihing mae apaa na anu, Aku, Tumpu Anu Mahakuasa, Tumpu Allah nu Israel kahanda' mompoto'i hi belemiu. Ku potokamo mae na balaa' anu daka' hondo itampat aiya sahingga mian anu nohongomo tinolokengkengmo.

YEREMIA 2:4

Potombihing na potuunon nu Tumpu, o belemiu lee' mae i Yakub, tulunan nu to bansa-bansa Israel!

YEREMIA 2:9

Tumpu notatae, “Uuka aiya mian anu palesayamo hi beleng-Ku Ku sampopalakala mule' ka' lee'nyo Ku ulusmo na palakalanyo.

YEREMIA 25:31

Toka-toka ipuus nu tano' na loung nu potatae-Nyo; Tumpu nahampalakalamo tiba to bansa-bansa. Iwi-iwi' na mian oputusimo na palakalanyo ka' anu ma'idek na palabuatannyo obee'imo hukuman mate.’ ”

YEREMIA 34:4

panyo potombihing mae na potataeng-Ku aiya mongkona beleyum, Zedekia! Beleyum madi' silaka i uno nu pahampatean,

YEREMIA 4:22

Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

YEREMIA 4:28

Tano' humangmo, langit pikatmo hondo. Tumpu notataemo, ka' madi'mo mongabali na anu tinanga'an-Nyomo. Ia nontantukanmo kaputusan ka' madi'mo daagi' tolosule' mau ola sumo pala nu tengke.

YEREMIA 5:4

Aku binapikinmo, “Ah aha olamo ahi' mian popololo anu madi' monsumbu' apa-apaa. Aha mombau apa-apa ponga' kalana madi' osumbu' pa' apaa na anu okahanda'i ka' pa' apaa na anu nu tuntut nu Tumpu Allah hi aha.

YEREMIA 51:5

Aku, Tumpu, Tumpu Allah Anu Balakuasa, Tumpu Allah nu Israel anu Susi', madi' mompala'i Israel tiba Yehuda maumo ahi' aha binaladosa'mo mae hi beleng-Ku.

YEREMIA 6:13

Aha iwi-iwi', anu tu'amo tiba anu daagi' anak, molio ka untungan tiba jalan anu madi' hodi'. Paka laus mule' nabi tiba imam suele nongakalimo miam.

YEREMIA 7:28

Jadi poto'i hi aha taalu' aha sa'angu' na bansa anu madi' mongka'oho' tulu-tulutan hi beleng-Ku, Aku, Tumpu Allah nu aha. Aha madi' mongka'oho' monginau' hukuman anu ingoa'anmo nu aha. Tulu-tulutan hi beleng-Ku imadi'anmo, pakalaus madi'mo daagi' binisalakon.”

YEREMIA 9:20

Aku notataemo, “Potombihing na potatae nu Tumpu, o, to bou-boune iwi-iwi'! Hi aha to lalangkoyang nu belemiu pogulu'akon na nyanyian mohangi, ka' hi to sanga-sangalu nu belemiu nyanyian anu onyanyi de ko anumo silaka.

YEREMIA 9:3

ka' saja' balaniat da baleko'. Isongko-songko na lipu' palabuatan anu totu'u madi'mo balakuasa, pakalaus kinyonyoa anu madi'mo hodi' jinadimo iyaya mae. Tumpu notatae, “Mian anu palesayamo hi beleng-Ku nombaumo palabuatan anu ma'idek madi'mo kinokabelentiannyo, aha madi'mo nongakui Aku salaku Tumpu Allah nu aha.”

YEREMIA 9:7

Kalana aijo' Tumpu Anu Mahakuasa notataemo, “Susumo logam, mian anu palesayamo hi beleng-Ku Ku uji'mo da aha madi'mo daagi' ko galo-galo'nyo. Apaa mule' na daagi' Ku bau hi aha mian anu palesayamo hi beleng-Ku nonombaumo palabuatan anu ma'idek?

YEHEZKIEL 16:35

O, Yerusalem, anu saja' masala', potombihing mae apaa na anu tinaloakonmo nu Tumpu Anu Matangkas na Kuasanyo, “Beleyum nongukatmo baju' nu beleyum, ka' salaku mian anu saja' masala' binee'mo nu beleyum na butong nu beleyum hi to sinta-sinta nu beleyum tiba hi to pilo-pilogot nu beleyum anu okahegati aijo'. To ana-anak nu beleyum pinateanmo nu beleyum ka' kinolobanakonmo nu beleyum hi pilogot haha aijo'.

HOSEA 12:2

Iwi-iwi' apaa na anu binaumo nu bansa Israel lengkat pe'e daagi' subu sampe malom madi' ko gunanyo ka' saja' ko kinyonyoa mompatei susumo mombun nu kabete'an. Katageo'an tiba kabuhingisan ko sida-sidanyomo aijo' hi aha. Aha sola'mo mombau palajanjian tiba Asyur ka' momboa lanya' i Mesir salaku tanda mompahabela'mo.”

HOSEA 12:3

Tumpu ko palakalamo hi aha bansa Yehuda; Ia suele mohukumo Israel kalana palabuatan nu aha. Ia mombalosakonmo palabuatan nu aha.

HOSEA 5:1

Tumpu notatae, “Potombihing mae o to ima-imam! Palahatikan o mian nu Israel. Potombihing mae o to mia-mian lee' nu tomundo'! Hukuman opokonamo hi belemiu. Kalana sabenanyo adin ahi' na belemiu momputusi palakala, panyo belemiu ola mule'ahi' susumo totumban kiijo' i Mizpa ka' susumo so'o i bungkutnyo nu Tabor,

HOSEA 5:4

Palabuatan ma'idek anu binaumo nu mian Israel nonsaduakonmo aha madi'mo po ule' namba hi Tumpu Allah nu aha. Aha kinuasanmo hondo nu monsombah pilogot sahingga aha madi'mo daagi nompajuli Tumpu.

YOËL 1:2

Potombihing pe'e, o to tu'a-tu'anyo; palahatikan, iwi-iwi' mian nu Yehuda. Toho'mo na han anu sumo aijo' jinadi kabai tempo'nyo nai puan mae hi mompolee' nu belemiu?

AMOS 3:1

Potombihing mae na potuunon nu Tumpu aiya, 'O bansa Israel anu binoamo mae nu Tumpu nosabat lengkat i Mesir. Tumpu notatae,

AMOS 7:16

Kalana aijo' potombihing pe'e apaa na anu tinaloakonmo nu Tumpu hi belemiu. Kalana beleyum montewa' aku balahotba mompisala'i bansa Israel.

MIKHA 6:2

O, to bungku-bungkutnyo, o, to lana-lananyo nu dunia, hongo na Tumpu mongkalakmo! Ia ko palakala hi aha Israel mian-Nyo anu palesayamo ka' montuntutmo aha.

YOHANES 8:55

padahan komiu madi' monsumbu' Ia. Panyo Aku monsumbu' Ia. De Aku motatae Aku madi' monsumbu' Ia, tantu Aku samian na anu baleko' pokakana sumo komiu. Aku monsumbu' Ia ka' mohongo-hongo potatae-Nyo.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

1 KORINTUS 15:34

Sinumbu'mo uuka aiya, ka' bolimo mombau dosa'. Sabenannyo pa'a-pa'ambangmo ahi' na komiu, kalana itina' hi komiu daagi' ko anu ma'isa nonsumbu' Tumpu.

ANU PINOTO'I HI YOHANES 2:11

Ihe na mohongo, tionyo ahi' mompalahatikan apaa na anu tinaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan madi'mo sahondo-hondonyo mongoa'i kasansala'an apa-apaa nu kapatean anu kopinduannyo.”

ANU PINOTO'I HI YOHANES 2:29

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”