HOSEA 3:4 - KITAB NU TUMPU ALLA LELE MA'IMAI'

⁴ Sumo aijo'mo na bau-baunyo na aha bansa Israel; pini ahi' hondo na aha tumuu' madi' ko tomundonyo kabai polaya', madi' ko koloban kabai tugu anu pinotinjo i tempat ponsomban, madi'mo ko to pilo-pilogot, kabai to aji-ajimat anu mompoto'i lahasia anu jadi aiya mae i ahop.

HOSEA 3:4 ပူးပေါင်းရင်းမြစ်များ

KAJADIAN 31:19

Tempo'nyo aijo' i Laban kiijo' mae i padang bola hau-haunyo monggunting bulu nu to domba-dombanyo, ka' tempo'nyo aijo' na i Rahel nontomangmo patong ponjagai aha salaigan anu nu tuumanyo.

KAJADIAN 31:34

Hau-haunyo aijo' i Rahel nongalamo patong aijo' ka' nomposoopmo i uno nu popoje nu polapisi tonga' nu unta, ka' sinuhangannyomo na polapisi tonga' nu unta aijo'. I Laban nongungkelemo songko-songko na kemah i Rahel, panyo madi' ko anu i humpaknyo na patong aijo'.

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

2 SAMUEL 6:14

Lapas aijo' i Daud lebemo hondo nonsalelei salaku bau pongadatinyo Tumpu. Tempo'nyo aitu ia ola nompusok, lipa' lenan kodo-kodo' pinotapi'nyo.

2 TOMU-TOMUNDO' 23:24

Mompojalan atulan haha aijo' anu tinulismo i uno nu kitab anu i humpak i Imam Daka' Hilkia kiijo' i Laigan nu Tumpu, iwi-iwi' na anu lewa' montunde' tominuat ka' anu lewa' montahi'i i laa'mo i Tomundo' Yosia da boli jojoong i Yerusalem ka' i songko-songko na Yehuda, lantas ia nongalinmo iwi-iwi' na pilogot ka' to bala-balang anu opake monsombah to pilo-pilogot.

2 TAWARIKH 15:2

Sahingga ia nambamo hi Tomundo' Asa, ka' notatae, “Belento o Tomundo' Asa tiba iwi-iwi' mian anu jojoong i Yehuda tiba mule' Benyamin' potombihing mae! Tumpu ohani hi belento de belento ohani hi Ia. De belemiu momoita pokinde' hi Tumpu, tantu nu bee'imo. Panyo de belemiu madi' montapali Ia, Ia mule' ahi' madi' suele montapali belemiu.

NOSABATMO 28:4

Ka' pokau mule' na aha mombau anu opokona i saha'an, evod, juba', kameja anu osuji', suluban ka' pombutu'. Baju' nu imam aijo' tionyo ahi' nubau nu aha da nupusok i Harun utus tu'a nu beleyum ka' to ana-anaknyo da mombau anu Ku palentahkon salaku imam.

MOHAANGI 2:9

Sabatan anu toto daka-daka' singkapmo tinabuhan nu tano'; iwi-iwi' nasupatnyo nopato'mo; tomundo' tiba pagawe nu pamalentah kiijo'mo mae ipinomboan aha. Atulan nu Tumpu madi'mo daagi ingajanakon; nabi madi'mo daagi nontoa anu nu potoa nu Tumpu.

YEHEZKIEL 19:14

Batang nu anggur aijo' kinaanmo nu apu anu nolele, panga'nyo tiba bua'nyo nopapumo ingko-ingkot. Panga'nyo tempo uuka aiya madi'mo nahoson, madi'mo timbali obau tokon nu kalaja'an. Aijo'mo na haang anu saja' opo uli-ulit na onyanyiakon nu aha mian.

YEHEZKIEL 20:32

Belemiu kahanda' mongkakanai bansa-bansa sangga'at ka' mule' mian anu jojoong ilipu' sangga'at anu monsombah kau' tiba batu. Panyo apaan anu nu kahanda'i nu belemiu atina' madi' nu humpak nu belemiu'.’ ”

YEHEZKIEL 21:21

Tomundo' nu Babel tinuminjomo koko dopi' anu bau pompotiju jalan aijo'. Da osumbu' pa' iya na jalan anu nu tului ia nomoitamo hi to pilo-pilogotnyo da opotiju' mae na jalan, ia nolengku-lengkutmo pana'nyo ka' nompalesamo ate nu binatang anu salaje kinolobanakon.

YEHEZKIEL 21:31

Ku potudunmo na tambuha'Ku anu inoakmo susumo apu hi belemiu. Ka' belemiu Ku bee'mo hi to mia-mian anu talalo buhingison anu memang ahi' ingajanmo na mompatei.

DANIEL 11:31

Lantas ia mompalentahmo tompukan-tompukan nu suludadu anu mohumimi'i Laigan nu Tumpu. Aha madi'mo mompobee' koloban anu sansina-sinaa osombahkon ka' mule' mongatunmo anu okaideki osa-osanggohi palabuatan anu Ma'idek ka' bisa monsaduakon kahansunan.

DANIEL 12:11

Lengkat pe'e tempo'nyo koloban anu osombahkon sansinaa-sinaa aijo' tinewa'mo ka' mule' hahan anu okabuhuk ka' mule' anu osanggohi palabuatan Ma'idek monsaduakon kahansunan aijo' lewa-lewa'mo binau, madi'mo timbali obau 1.290 na sinaa.

DANIEL 9:27

Tomundo' aijo' mombaumo palajanjian anu mahoson hondo hi aha mian da'isan, kopinnyo popitu' na taun. Toka ipohintonga'an nu taun aijo' nu tewa'mo na mian anu momboa mae koloban tiba palasombahan. Lapas aijo' hahan anu okabuhuk, anu osanggohi; Palabuatan anu ma'idek lewa-lewa' mohansuni opojoongmo i Laigan nu Tumpu ka' mule' ia tataapmo ikiijo' sampe ia anu nompojoong ikiijo' nu tokaimo mae nu kapatean anu titinantukanmo nu Tumpu hi ia.”

HOSEA 13:10

Belemiu momoitamo tomundo' tiba anu bau polaya' nu belemiu, panyo iyamo na aha uuka iwi-iwi'? Pa' timbali na aha moko ala momposalamat belemiu mian da'isan?

HOSEA 13:11

Notambuha' na Aku nombee'i tomundo' hi belemiu ka' notambuha' mule' na Aku po ule' nongalini tomundo' atina' hi belemiu.”

HOSEA 2:11

Iwi-iwi' na bau-bauonnyo nu aha Ku tewa'mo, mau bau-bauon anu sataun toka sataun obau, mau bau-bauon anu obau sambitu'on toka sambitu'on, ka' iwi-iwi na, sinaa nu Sabat; pende'nyo iwi-iwi' na bau-bauon nu ka' agama'an.

IMAMAT 8:7

Lapas aijo' ia nompopusokmo baju' nu imam hi Harun; kameja', pombutu' ka' juba'. Ka' suele efod anu oposegot i lampeokan nu ponsegotnyo hude ma'ima' na binau.

ZAKHARIA 10:2

To mia-mian momoitamo hi to pilo-pilogot pa' mosia na nasipnyo ka' mule' mambamo hi mian anu topo tahi'i panyo anu pinoto'i mae nu aha aijo' ola ahi' leko' ka' palasuma madi' ahi' totu'u. Daagi' ko anu montalangkan ipion, panyo katalangan nu aha ola ahi' mompobingong belemiu, ka' potatae anu toto ima-ima' nunu poto'i nu aha madi' ahi' kokaliangannyo. Kalana aijo' mian da'isan noga'aga'atmo susumo domba. Aha singkapmo nagesuk kalana madi'mo ko polaya'nyo.

ZAKHARIA 13:2

I sinaa aijo' Ku sapuimo na sanggo nu to pilo-pilogot i tano' aiya sahingga madi'mo daagi' ko samian na anu monginau'. Iwi-iwi' na mian anu mongakuimo butongnyo nabi Ku laa'mo tiba aha anu sinoku'anmo nu roh anu madi' totu'u.

LUKAS 21:24

Daagi' ko anu opatei nu bajak, daagi' mule' ko anu oboa salaku anu i hakop, oboa i lipu-lipu' nu mian; ka' to mia-mian anu madi' monsumbu' Tumpu, mompeja-peja'mo i Yerusalem sampe mingkot na tempo' anu tinantukanmo nu Tumpu hi aha.”

YOHANES 19:15

Aha nolo-noloboo'mo, “Pateimo na Ia! Pateimo na Ia! Salibmo na Ia!” I Pilatus nompokilawa, “Tionyo ku salibmo na tomundo miu?” To kapa-kapala nu imam nontaami, “Samata-mata i Kaisar na tomundo mami!”

IBRANI 10:26

Kalana de lele anu totu'u lengkat mae hi Tumpu pinotokamo hi kita, panyo saja' kita mombau dosa' ototonggolakon, saba' madi'mo daagi' ko koloban anu bau pongalini dosa'to.

TO MIA-MIAN KOPIAN 17:5

I Mikha daagimo ko posi tampat sa'angu' bau ponsomban. Ia nombau tinopia-piangkuka na patong nu pilogot ka' sa'angu' na baju' nu imam lantas ihangkatnyomo na anaknyo mo'ane samian binau imam.

TO MIA-MIAN KOPIAN 18:14

Aha olima' na mian anu sinai momona namba mondoyoni notataemo hi to sanga-sangalunyo, “Pa' osumbu' nu belemiu na sala'sa'angu' na laigan aiya ko patongnyo anu i lapisan nu salaka? Ka' mule' to pato-patong sangga'at ka' baju' nu imam. Soba tutugi apaa na tionyo ahi' obaunto.”

TO MIA-MIAN KOPIAN 8:27

Mosoni' haha aijo', binau i Gideon sa'angu' na patong bapilogotan lantas pino'una'nyomo i kampungnyo, aijo'mo i Ofra. Aha mian nu Israel iwi-iwi' mamba mokiijo' monsombah patong bapilogotan sahingga aha madi'mo daagi' nontapali Tumpu Allah. Ka' aijo' tinimbalimo salaku sumo so'o hi Gideon tiba hi aha sa'anakan.

1 SAMUEL 14:3

Imam anu nomboa baju' nu imam aijo'mo i Ahiya anak i Ahitub, utus ise' i Ikabod anak i Pinehas, ka' i Pinehas anak i Eli, imam nu Tumpu kiijo' i Silo.) Mian da'isan suele madi' monsumbu' i Yonatan taalu' nambamo nompala'i tampat i kiijo'.

1 SAMUEL 15:23

Kalau panggaga hi Tumpu madi' mohongo-hongo palentahnyo pokakanamo na ko ideknyo sumomo mompake ajimat, ka' mule' kinyonyoa anu buulon pokakanamo na ko ideknyo sumomo montunde' pilogot. Kalana belento Tomundo' madi'mo nontuluti palentah nu Tumpu, jadi Tumpu madi'mo mongakui belento Tomundo' timbali Tomundo'.”

1 SAMUEL 2:18

Hau-haunyo aijo' i Samuel anu daagi anak aijo' saja'mo nokalaja apaa na anu nu palentahkon nu Tumpu. Ia nompusokmo baju' anu opake mokalaja, lenan na kina'ut susumo baju anu nu pusok nu to ima-imam de aha monsombahmo Tumpu.

1 SAMUEL 21:9

Lantas tinaamanmo i Ahimelekh, “Aku uutu nompo'una' bajak i Goliat, mian nu aha Filistin anu pipinatean nu belento kiijo' i Bangka'nyo nu Ela; bajak uutu kiijo' isambiha' nu baju' nu imam, binalunan nu hude. De nuka'ima'i nu beleyum yo alamo kalana ola uutu na toongon anu bau pahampate.” I Daud notatae, “Bajak itina'atina'mo na bajak anu ma'ima' hondo i songko-songko na lipu', bee'mo mae hi belengku!”

1 SAMUEL 22:18

Kalana aijo' notataemo na i Saul hi Do'eg, “Donganmo lia-lia'! Beleyumo na mompatei aha!” Sahingga nokiijo'mo na i Do'eg ka' pinateannyo na imam haha aijo'. Sinaa aijo' pinateannyo aha ualumpulu' ka' olima' na imam anu kohaknyo mompusok baju' nu imam.

1 SAMUEL 23:6

Salatan i Abyatar anak i Ahimelekh nopalaimo namba hi Daud ka' nombatukimo i Daud namba i Kehila, ia suele nomboa baju' nu imam.

1 SAMUEL 23:9

Panyo sinumbu'mo i Daud na i Saul ko kahanda'mo ma'idek hi ia. Kalana aijo' pinoto'inyomo hi Imam Abyatar, “Boa mae na baju' nu imam itina' mo uuka mae.”

1 SAMUEL 30:7

Lantas pinoto'imo i Daud hi Imam Abyatar anak i Ahimelekh, “Boa mae na baju' nu Imam itina'!” Sahingga binoamo i Abyatar na baju' nu Imam aijo' hi ia.