HOSEA 3:2 - KITAB NU TUMPU ALLA LELE MA'IMAI'

² Sahingga aku nombayan sampulu' ka' olima' na doi salaka ka' 150 kilo gram na gandum da bau pongala boune aijo'.

HOSEA 3:2 ပူးပေါင်းရင်းမြစ်များ

KAJADIAN 31:41

Sumo aijo' na bau-baunyo aku tempo'nyo nokalaja hi belento babo', sinampe uwampulu' na taun na kopinnyo. Sampulu' ka' opat na taun na kinopinnyo aku nokalajamo da mongosoai anak nu kita Babo' ua-ua'aha aijo' – ka' daagi' inganom na taun da mohumpak pahasan nu mee' ka' domba aijo'. Ka' tempo'nyo aitu mule' kita Babo' nombabali'imo tambongku sampe pinimpitun.

KAJADIAN 34:12

Poto'imo mae pa' palasen apaa na anu okamilui nu belemiu, ka' poto'i mae na sompa'nyo. Tionyo ku bee' pa' apaa na anu opoita nu belemiu asan opobee'mo mae nu belemiu na aku mongosoai langkoyang aijo'.”

NOSABATMO 22:17

Panyo de tuumanyo nu boune aijo' madi' mompobee' mo'ane aijo' mo'osoa tiba anaknyo, mo'ane aijo' tionyo ahi' mombayan hi tuumanyo aijo' doi konjoo'nyo sumo sompa' nu samian na langkoyang anu ma'isa toho' no'osoa.

YESAYA 5:10

Isi nu ale' madi'mo ko anu ohumpak, ale' nu anggur anu ko ewanyo sampulu' na hektar hasinnyo me sampulu' na liter na ueenyo. Sa'atu na liter na bine' nu gandum hasinnyo mae ola sampulu' na liter na gandum.”

YEHEZKIEL 45:11

Sa'angu' na efa bau pontakan bahan anu manggas tionyo ahi' pokakana na isinyo tiba sa'angu' na bat na montakan bahan anu mingue. Anu bau sonto' pongukulan tionyo ahi' sa'angu' na homer. Jadi takalannyo haha aijo' tionyo sumo uuka: 1 homer=10 efa=10 bat.

HOSEA 3:3

Pinoto'ingku hi ia tionyo ahi' montanda'i aku to pia-piamanga na kopinnyo. Samantala aijo' ia madi' timbali mongka'ima'i mo'ane kabai masala', ka' aku suele madi' timbali mongohani ia.

IMAMAT 27:16

De ko mian monsombahkon sambahagian na tano'nyo hi Tumpu, olinyo tionyo ahi' otantukan sumo konjoo'nyo nu bibit anu opalalui bau ponsu'ani tano'nyo aijo'. Toto uampulu' na kilogram na gandum olinyo sampulu' na doi salaka.

I RUT 4:10

Ka' suele mule' akumo na mongosoai i Rut, boune nu aha Moab balu i Mahlon anu sini-sinilakamo, baumo bengkele'ku. Jadi tano' aijo' tataap anu nu sampoto'utusan nu mian anu sini-sinilakamo aijo'. Ka' lee'nyo suele tataap sabole-bole hi sampoto'utusannyo mae ka' jojoong kiijo' i kota nu aha. Sabole-bole o inau' to utu-utus, sinaa aiya, belemiu iwi-iwi' nonsakisimo.”

1 SAMUEL 18:25

Lantas sinaimo i Saul na aha da mompoto'i hi Daud sumo uuka, “Anu nu poita i tomundo' salaku sompa'nyo ola 100 na kilit nu kamo anean anu nu aha mian Filistin salaku bau pombalosi sampo bali' i tomundo.” (Sumo aijo' na i Saul nombau tanga'an da i Daud opateimo nu aha mian Filistin.)