HOSEA 2:5 - KITAB NU TUMPU ALLA LELE MA'IMAI'

⁵ Tina nu beleyum masala' ka' madi' monsumbu' ma'ambang. Ia notatae, ‘Aku mamba hi to sindu-sindu'anku anu nombee'imo aku anu okaan ka' anu o inum, hude wol ka', hude lenan, lanya' nu zaitun tiba anggur'.’

HOSEA 2:5 ပူးပေါင်းရင်းမြစ်များ

YESAYA 1:21

Imonanyo kota' aijo' tulu-tulutan, uuka aiya sumomo samian na anu lewa' masala'! Imonanyo iwi-iwi' na miannyo anu monjojoongi adin ka' mohongo-hongo, panyo uuka aiya jinojoonganmo nu anu topopatei mian.

YESAYA 50:1

Tumpu notataemo hi aha Israel, “O, mian anu palesayamo hi beleng-Ku, nu sangka nu beleyum Aku molaa'mo beleyum, susumo samian na langkai' nu mian molaa'mo bengkele'nyo? De sumo aijo' yo iya na sulat poga'atan? Nu sangka nu beleyum Aku mompobalukmo beleyum, susumo samian na tuuma mompobalukmo anaknyo hi mian anu nontagemo samaya? Misa' ahi' sumo aijo'! Beleyum ihakop ka' binoamo ilipu' nu mian, kalana dosa' ahi' tiba palabuatan ma'idek nu beleyum!

YEREMIA 11:13

Pilogot nu aha Yehuda manjoo' hondo, sumo konjoo'nyo nu kota' nu aha. Mian anu jojoong i Yerusalem nompotinjomo mezbah-mezbah sumo konjoo'nyo nu jalan ikota' Yerusalem da bau ponsombahkonan koloban hi Pilogot Baal.

YEREMIA 13:22

Ugat opokilawamo nu belemiu kadaka' iwi-iwi aijo' nongkonamo mae butong nu belemiu, kadaka' baju' nu belemiu bineakmo ka' belemiu pinakisamo na nompatiduhusi. Da osumbu' nu belemiu saba' aijo' jinadimo kalana dosa' nu belemiu dinaka'mo hondo.

YEREMIA 2:20

Tumpu notatae, “Pininmo na beleyum madi'mo nongka'oho' nohongo-hongo Aku; madi'mo mongka'oho' mo tuluti kabai monsombah Aku. Aita' mae itoto sa'angu' na puge'nyo anu matunjo, ka' akaong i patuunyo nu toto sangkau na kau' anu tambok na honnyo beleyum monsombahmo to pilo-pilogot anu mombee'i kalumba'an.

YEREMIA 6:8

O mian anu jojoong i Yerusalem, opai-pailio da iwi-iwi' na kasansala'an aijo' timbalimo ahi' sa'angu' na pokide' hi belemiu! Dumo ahi' ku pala'i na belemiu ka' Ku bali'imo na kota' nu belemiu timbalimo padang tampat anu mateges anu madi' nu jojoongi nu mian.”

YEHEZKIEL 16:35

O, Yerusalem, anu saja' masala', potombihing mae apaa na anu tinaloakonmo nu Tumpu Anu Matangkas na Kuasanyo, “Beleyum nongukatmo baju' nu beleyum, ka' salaku mian anu saja' masala' binee'mo nu beleyum na butong nu beleyum hi to sinta-sinta nu beleyum tiba hi to pilo-pilogot nu beleyum anu okahegati aijo'. To ana-anak nu beleyum pinateanmo nu beleyum ka' kinolobanakonmo nu beleyum hi pilogot haha aijo'.

YEHEZKIEL 16:39

Beleyum Ku bee'mo hi sinta nu beleyum haha atina' ka' nu hobo'akonmo nu aha na tampat-tampat anu sola' pinasala'an nu beleyum ka' nonsombah pilogot. Iwi-iwi' na baju ka' pakean mosoni' tiba salaka anu puso-pusok hi beleyum nu agoimo nu aha sahingga beleyum langgo'mo.

YEHEZKIEL 16:4

Tempo'nyo beleyum i hampe madi' ko anu nompusoi beleyum, kabai nompindi' beleyum kabai nonsauti beleyum nu timuson, kabai nonsabuti nu hude beleyum.

HOSEA 1:2

Tempo'nyo Tumpu notatae, momonanyo hi bansa Israel, anu pinotokakonku, Tumpu notatae, “Hosea, osoaimo na samian anu mongka'oho' saja' masala' ka' to ana-anak nu beleyum suele timbali sumo ia. Mian-Ku anu palesayamo pokakanamo sumo bengkele' nu beleyum aijo'; aha atina' madi' tulu-tulutan hi beleng-Ku ka' ola ahi' mompala'i Aku.”

HOSEA 2:2

Tumpu notatae, “O to ana-anak-Ku, tina nu beleyum misa'mo daagi' bengkele'-Ku, ka' Aku misa'mo langkai'nyo. Kalana aijo' ulusmo na ia, da ia bolimo daagi' masala', ka' bolimo mombau anu moko masala'.

HOSEA 2:8

Tina nu beleyum madi' toho' mompototu'u saba' Akumo na anu nombee'i ia gandum, anggur, lanya' nu zaitun ka' iwi-iwi na mosoni', salaka, anu pinakenyo nonsombah Baal aijo'.

HOSEA 3:1

Tumpu notatae hi belengku, “Lako'mo mule' ka' sindua'i na boune anu mongka'oho' saja' masala'. Sindua'imo na ia susumo Aku suele monsindua'i mian nu Israel maumo aha nompala'imo Aku ka' nonsombahmo to pilo-pilogot ka' mongka'ima'i monsombahkon kukis anu matami' hi pilogot.”

HOSEA 4:5

Sinaa ka' pihi belemiu saja' mombau kasala'an, sumo aijoi'mule' na to nabi-nabi. Kalana aijo' Aku mohansunimo Israel, tina nu beleyum.

HOSEA 8:9

Susumo keledai anu ma'ela' baahan hondo sumo aijo'mo na to mia-mian nu Israel ola mosi ala pongka'oho'nyo. Aha molio bantuan hi aha Asyur ka' binayanmo nu aha hi to bansa-bansa sangga'at da mobela'mo tiba aha.

HOSEA 9:10

Tumpu notatae, “Momonanyo Aku nongkabot aha mian nu Israel, Aku najama'mo hondo susumo mian anu nohumpakmo bua' nu anggur i padang anu mateges. Momonanyo aku nontoa mompolee' nu belemiu sinanangmo hondo na Aku susumo mian nontoamo bua'nu kau' ara anu ai-aijo'je na nimbua'. Panyo salatan aha nambamo ibungkutnyo nu Peor aha nontampu'unimo nonsombah Baal sahingga aha nahumimi'mo susumo pilogot anu nu nu kalibosi nu aha aijo'.

AMOS 8:13

I sinaa aijo' anu o oli-olitau ka' anu daagi langkoyang anu madi' ko panyakitnyo tolubukmo saba' i negotmo.

TO MIA-MIAN KOPIAN 16:23

Daagi' kinosansinaan anu mongkuasai Filistin sinihukmo mombau lamean daka' hondo ka' monsombahkon koloban hi Dagon, pilogot nu aha. Aha lewa'mo nanyanyi, “Pilogoto nompo'untungmo kita kalana nohungku'imo i Simson, aijo'mo sampobali'to!”