HOSEA 2:3 - KITAB NU TUMPU ALLA LELE MA'IMAI'

³ De ia tataap masala', Ku ukatakonmo na baju'nyo da ia langgo' susumo ia salaje i hampeakon. Ku pojadije na ia susumo tano' anu kinuunmo, ka' nategesmo, ia natemo nu megot.

HOSEA 2:3 ပူးပေါင်းရင်းမြစ်များ

NOSABATMO 17:3

Panyo mian haha aijo' talalomo hondo negot sahingga aha saja'mo nososon hi Musa. Koonyo nu aha, “Kadaka' binoamo mae nu beleyum na kami nosabat lengkat mae i Mesir? Sahingga kami, to ana-anak mami ka' potuu'on mami i natemo nu megot?”

YESAYA 33:9

Lipu' opala'imo sahingga liingmo. Iwi-iwi' na alas nu Libanon mateekmo, ka' bangka'nyo nu Saron anu molumba' hondo sumomo padang tampat anu mateges. I Basan tiba i Bungkutnyo nu Karmel, iwi-iwi na hon nu kau' singkapmo mo hudu'.

YESAYA 47:3

Da nu toa nu mian na beleyum ilanggo'mo, o, alumo ka' opopo ambangmo. Ku balosakonmo na idek nu kinyonyoang-Ku hi beleyum, ka' madi'mo daagi' ko samian na Ku pobebas.”

YESAYA 64:10

Iwi-iwi na kota' susi' nu Belento sumomo ahi' padang tampat anu mateges Yerusalem tinimbalimo padang tampat anu kinunmo ka' ilingmo.

YEREMIA 12:10

Nanjoo'mo na anu balakuasa lengkat mae isalipu'an nongideimo ale' nu anggur-Ku ka' sola'mo nompahampeja'akon ale'-Ku. Lipu'-Ku anu ma'ima' hondo binali'anmo nu aha sahingga tinimbalimo padang tampat anu mateges ka' iliingmo.

YEREMIA 13:22

Ugat opokilawamo nu belemiu kadaka' iwi-iwi aijo' nongkonamo mae butong nu belemiu, kadaka' baju' nu belemiu bineakmo ka' belemiu pinakisamo na nompatiduhusi. Da osumbu' nu belemiu saba' aijo' jinadimo kalana dosa' nu belemiu dinaka'mo hondo.

YEREMIA 13:26

Akumo ahi' na mombeak baju' anu atina' i butong nu belemiu da belemiu langgo'mo ka' mule' ma'ambangmo.

YEREMIA 14:3

To posa-posaihon nu mian kaya sinaimo mamba molio uee iyaya mae; Iwi-iwi' na bubung ilambananmo nu aha panyo ueenyo iningkotmo iwi-iwi'. Madi' mae kino isinyo na kendi anu po ule' mae binoa nu aha. Binimbangmo na aha ka' sinusa'mo na kinyonyoa nu aha ka' na ambangmo sahingga kinukumbunganmo nu aha na ohup nu aha.

YEREMIA 17:6

Ia sumomo ahi' sosu'anon anu tumuu' ipadang tampat anu loas, itano' anu kuunmo, ka' iliingmo ka' nintimusonmo madi'mo toho' nongoa'i ka'ima'an.

YEREMIA 2:31

O mian nu Israel potombihing mae na potataeng-Ku aiya. Pa' toho'mo na Aku susumo padang tampat anu mateges na jinadi' atina hi belemiu kabai pa' sumo tano' anu pinikatmo hondo? Panyo kadaka' belemiu notataemo koonyo nu belemiu, belemiu mongkahanda'imo bebas, ka' madi'mo daagi' mongka'oho' minsusule' mae hi beleng-Ku?

YEREMIA 2:6

Aku madi'mo pinajulian; Aku na nontakamo aha ijalan, ka' nomboamo aha nosabat lengkat mae i Mesir nontulu padang tampat anu bone'on, daerah anu kinunmo ka' kaho lingkobaknyo, ka'mule' nanggasmo ka' okabuhukmo – padang tampat anu madi'mo ojojoongi ka' madi'mo daagi' otului!

YEREMIA 22:6

De ola pontoang-Ku laigan nu tomundo' Yehuda ma'ima' hondo, sumomo ahi' ko ima'nyo tano' nu Gilead ka' sinin na bungkutnyo nu Libanon; panyo tampat aijo' Ku potimbalimo susumo padang tampat anu mateges anu madi' nu jojoongi nu mian.

YEREMIA 4:26

Tano' anu molumba' nategesmo ka' nanggasmo to kota-kota' singkapmo ihansun, kalana Tumpu notambuha'mo hondo hi mian anu palesayamo hi Ia. (

YEREMIA 51:43

Iwi-iwi' na kota'nyo jinadimo tampat anu okabuhuk, sumomo ahi' padang tampat anu mateges ka' kinunmo. Madi'mo daagi' ko mian anu mongka'oho' jojoong kabai motulu ikiijo'.

YEREMIA 51:5

Aku, Tumpu, Tumpu Allah Anu Balakuasa, Tumpu Allah nu Israel anu Susi', madi' mompala'i Israel tiba Yehuda maumo ahi' aha binaladosa'mo mae hi beleng-Ku.

YEHEZKIEL 16:22

I uno nu kantumuu'an nu beleyum anu okahegatimo salaku mian anu saja'masala' susumo aijo', mau sangkiding pe'e madi' tonginau hi beleyum na beleyum daagi' ise' naipuan mae anu ihikuhakonmo, tempo'nyo beleyum langgo-langgo ka' lewa' mongkohenggo ka' kahomo baso' na butong nu beleyum.”

YEHEZKIEL 19:13

Tempo uuka aiya sinu'anmo i padang tampat anu kaho bone, i tano anu kinunmo ka' mule' madi' ko ueenyo.

HOSEA 13:15

Naumo Israel sinanangmo na kantumuu'an nu aha susumo hemput anu molumba' panyo Ku pokauje na mombun nu kabete'an anu mapanas hondo lengkat mae i padang anu mateges. Mombun aijo' na montiisi iwi-iwi na mata nu uee tiba to bubu-bubung. Sahingga manggasmo iwi-iwi' na anu mahan na olinyo.

HOSEA 2:10

Ku langgo'imo na ia i ahop nu iwi-iwi' na sindua'annyo. Madi' ko samian pe'e na aha anu moko ala molapasakon ia i kakuasa'an-Ku.

ANU PINOTO'I HI YOHANES 17:16

Sampulu' na tanduk anu tinoa nu beleyum ka' binatang aijo' mongka' idekije mian masala' aijo'. Iwi-iwi' na apaa nu agoimo nu aha na anu daagi' hi ia, ka' nu langgo'imo na ia. Antoknyo nu kaanmo nu aha ka' apuje na bau pompateinyo.

TO MIA-MIAN KOPIAN 15:18

Lapas aijo' i Simson i negotmo hondo, sahingga ia nomoitamo tulung hi Tumpu. Ia notatae, “O Tumpu, sala'je uuka na Belento nombee'i mae ka'untungan nahampate anu daka' aiya hi belengku. Uuka aiya pa'aku silakamo nu megot, sahingga nuhakopmo nu to mia-mian nu Filistin anu madi' monsumbu' belento?”