HOSEA 2:23 - KITAB NU TUMPU ALLA LELE MA'IMAI'

²³ Ku bauje na mian-Ku anu palesayamo da tumuu'mo sanang, ka' tataapmo ilipu' nu aha. Kona hi aha anu osanggohi ‘Anu Madi' Okalibosi’ ku potoaje saba aha Kukalibosi ahi', ka' hi aha anu osanggohi ‘Misa' mian-Ku anu palesayamo’ Ku taloakonje, ‘Belemiu mian-Ku anu palesayamo’. Aha montaamije sumo uuka, ‘Beleyumo na Tumpu mami!’ ”

HOSEA 2:23 ပူးပေါင်းရင်းမြစ်များ

MAZMUR 118:28

Belentomo na Tumpu Allah-ngku, aku montalima kaseh hi Belento, O, Tumpungku, ku popodaka'mo na Belento.

MAZMUR 22:27

Miana nu kasiasi mongkaan sampe mobosu; mian anu tokamo hi Tumpu mompuji'mo Ia. O'amalakon da komiu mohumpak ka'ima'an sampe toka sidu-sidutu'!

MAZMUR 68:31

O, segai na Mesir, binatang anu mahangas aijo' i uno nu biho'. Pokinde'i na to bansa-bansa, sapi' sanggombu haha aijo' tiba to ana-anaknyo, anu ola lewa' mompahampeja'akon sa'angu' ka' sa'angu' da mohumpak salaka. Tumpu nomposung kehetmo ka' nongga'at-ga'atmo iwi-iwi' na bansa anu mongka'ima'i mahampate.

MAZMUR 72:16

O'amalakon da gandum saja' sida hondo ka' madi' kokamingkotannyo i songko-songko na lipu', ka' iwi-iwi' na puge'nyo kahomo anu mingguna na hasinnyo. O'amalakon da tano'nyo ma'omuk susumo Bungkutnyo nu Libanon, ka' anu monjojoongi kota'nyo ko pintu-pintuangnyomo sumomo hemput i tampat padang anu ewa.

NYANYIAN ANU TALASANGGO 2:16

Sindua'anku akumo na tumpunyo ka' aku mule' iamo na tumpunyo. Ia molaya' dombanyo haha aijo', i olot nu bunga-bunga bakung.

YESAYA 44:5

Samian ka' samian mongakuimo butongnyo Aku na tumpunyo, ka' tokamo mae maninggalum tiba lee' i Yakub. Toto samian montulismo ilimanyo: Anumo nu Tumpu, ka' monsanggohim butongnyo ninsoopmo mian nu Tumpu.”

YEREMIA 16:19

O Tumpu, Belentomo na nonjagaimo mae aku ka' nombee'imo mae kahosonan hi belengku; Belento nontulungimo mae aku tempo'nyo i uno nu kasusa'an. To bansa-bansa lengkat mae ipuus nu tano' tokamo mae hi Belento ka' motatae, “Mompolee' mami daagi' ko pilogot anu madi' totu'u ka' madi' ahi' hondo-hondo kokaliangannyo.

YEREMIA 31:27

Aku, Tumpu notataemo, tukoong-Ku tokaje mae na tempo'nyo lipu' nu Israel tiba Yehuda Ku pobuke'imo nu manusia tiba binatang.

YEREMIA 32:38

Aha timbalimo mian anu palesayamo hi Belengku, ka' Aku timbalimo Tumpu Allah nu aha.

YEREMIA 33:26

sumo aijo'mo na Aku tataap ahi' na montoongi palajanjian-Ku tiba aha lee' mae i Yakub tiba posaihon-Ku i Daud. Samian na lee' mae i Daud Ku pile'imo da mompalentah lee' mae i Abraham, i Ishak, tiba i Yakub. Aku mongkalibosimo mian anu palesayamo hi Belengku, ka' po ule'mo mompojadi aha ko kamajuan i uno nu kantumuu'an nu aha.”

YEHEZKIEL 36:29

Belemiu Ku pobebasmo madi'mo daagi' mahumimi' na belemiu. Ku palentahmo na gandum da tumuu'mo molumba' sahingga belemiu madi'mo daagi monta'up kasusa'an i anu okaan.

HOSEA 1:6

Lapas aitu bengkele'ku aijo' nompohampemo anak anu ko ohua'nyo, anak boune. Tumpu notataemo hi belengku, “Hosea, sanggohi na anak nu beleyum aijo', ‘Anu Madi' Okalibosi’, saba' Aku madi'mo mongkalibosi mule' bansa Israel, ka' madi'mo hondo-hondo mongampuni aha.

HOSEA 8:2

Maumo ahi' aha monsanggo, sanggong-Ku Tumpu Allah nu aha ka' montaloakon koonyo nu aha mian-Ku anu monsumbu' Aku,

ZAKHARIA 10:9

Maumo ahi' gina'a-ga'at-Kumo na aha namba hi bansa-bansa, aha tataap ahi' monginau' mae Aku kiijo' mae. Aha oposalamatmo sumo aitu mule' na to ana-anak nu aha ka' minsusule'mo hingga-hinggat mamba ilipu'nyo.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

ZAKHARIA 14:16

Lapas aijo' iwi-iwi' na mian anu daagi' tutuu' aijo' hi aha bansa-bansa anu toho'mo nontumbuhi Yerusalem mambamo i kota' aijo' da monsombahmo Tomundo', aijo'mo Tumpu Anu Daka' na Kuasanyo ka' molame'akonmo Lamean Tahop o, o, atopinu nu Hon nu kau'.

ZAKHARIA 14:9

Sahingga Tumpu mompalentahmo salaku tomundo' i songko-songko na dunia; toto samian monsombahmo Ia salaku Tumpu ka' monsumbu'mo Ia i uno nu sanggo anu pokakana.

ZAKHARIA 2:11

Tempo'nyo aijo' manjoo'mo na bansa anu tokamo mae hi Tumpu da timbalimo mian anu palesayamo hi Ia. Ia jojoongmo atina' hi belemiu ka' mule' osumbu'je nu belemiu talu' Tumpu nompalentahmo mae aku da toka hi belemiu.

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

ROMA 3:29

Kabai o, Tumpu aijo' ola Tumpu nu mian Yahudi? Te misa' Ia suele Tumpu nu bansa sangga'at? O, memang Ia suele Tumpu nu bansa sangga'at!

YAKOBUS 1:1

To utu-utus mian anu palesayamo hi Tumpu iwi-iwi', anu nobagi-bagimo i songko-songko na dunia! Salam do'a lengkat hi belengku, i Yakobus, posaihon nu Tumpu ka' posaihon i Tumpu Yesus Kristus.