HOSEA 2:20 - KITAB NU TUMPU ALLA LELE MA'IMAI'

²⁰ Susumo anu jinanji'-Kumo beleyum Ku nika'ije. Nu akuije nu beleyum na Aku salaku Tumpu nu beleyum.

HOSEA 2:20 ပူးပေါင်းရင်းမြစ်များ

KAJADIAN 9:10

ka' tiba iwi-iwi' anu ko nyawanyo, aijo'mo to tomo-tomonsi', ka' iwi-iwi' na binatang i katano'an, ka' iwi-iwi' anu sinabatakonmo i kapan aijo' hingga-hinggat tiba komiu.

YESAYA 2:4

Ia na momputusi aha to bansa-bansa, ka montantukan kaputusan nu palakala hi aha tulunan nu to bansa-bansa. Bajak otutukmo da timbalimo aja' ka' mule' talombo' otutukmo da timbali piso' bau pongkis. Aha to bansa-bansa madi'mo lewa' mompaha tubu-tumbuhi, ka' mule' madi'mo lewa' balasadia da mahampatemo.

YESAYA 62:4

Sanggo nu beleyum misa'mo daagi' ‘Anu Pinala'ianmo’, lipu' nu beleyum misa'mo daagi' ‘Anu ilingmo’. Beleyum osanggohimo, ‘Anu nu kalibosi nu Tumpu’, ka' mule' lipu' nu beleyum osanggohimo ‘Anu inaki'mo,’ kalana Tumpu sinitujumo hi beleyum, Ia sumomo ahi' langkai' nu beleyum ilipu' nu beleyum.

YEREMIA 24:7

Aku mosu'an, misa' monggautakon aha. Aku mombee'i hi aha da ko kahanda' mangalati', taalu' Akumo ahi' aijo' na Tumpu. Sahingga aha timbalimo mian anu palesayamo hi beleng-Ku, ka' Aku timbalimo Tumpu Allah nu aha, kalana po' ule'mo mae na aha montuluti Aku buke-buke' na kinyonyoa nu aha.

YEREMIA 30:10

Mian anu palesayamo hi beleng-Ku aha Israel, boli mabuhuk! Posaihon-Ku i Yakub boli langkakatan! Belemiu tiba lee' nu belemiu Ku posalamatmo lengkat mae ilipu' anu majo'on, tampat pinomboan belemiu. Belemiu minsusule'mo ka' jojoongmo ilipu' nu belemiu ka' madi'mo ko anu mompoposia. Belemiu tumuu'mo sanang; madi'mo daagi' ko anu okabuhuk nu belemiu.

YEREMIA 32:41

Aku sanangmo na mombau palabuatan anu ma'ima' hi aha, ka' mompotataapmo aha ilipu' aiya sampe toka sidu-sidutu'.

YEREMIA 9:24

Ihe na mongka'oho buulonmo kalana apa-apaa, anu ahi' obuulakon aijo'mo ia monsumbu' ka' mompangalati'i Aku; tukoonyo ia monsumbu' taalu' Aku mongkalibosi sampe toka sidu-sidutu' ka' Akumo ahi' na nompodaagi' atulan tiba ka adilan idunia aiya. Iwi-iwi' aijo' momposanang mae kinyonyoang-Ku. Aku, Tumpu, na nompoto'imo aijo'.”

YEHEZKIEL 16:62

Aku mombaumo palajanjian anu salaje' obau tiba beleyum. Sahingga nu sumbu'je nu beleyum taalu' Akumo ahi' na Tumpu.

YEHEZKIEL 34:25

Aku mombaumo palajanjian tiba aha anu timbali otaha'imani monjagai aha. Ku laa'mo na binatang iwi-iwi' anu mahangas isongko-songko na lipu', sahingga to domba-dombang-Ku jojoongmo sanang i iwi-iwi na padang ka' lumukutmo i iwi-iwi na alas.

YEHEZKIEL 34:27

Iwi-iwi' na kau' mimbua'mo, iwi-iwi' na ale' ko hasinnyomo ka' iwi-iwi' na mian jojoong madi'mo ko anu mompoposia itano'nyo. De lante' anu pinompungu mian anu palesayamo hi beleng-Ku, Ku botu'akonmo ka' aha Ku pobebasmo da madi'mo nu botuani nu tomia-mian anu nombotuanimo aha, nusumbu'je nu aha taalu' Akumo ahi' na Tumpu.

YEHEZKIEL 38:23

Tiba jalan anu sumo aijo' na Aku mompotoa hi sinin na bansa taalu' Akumo ahi' aiya na anu daka' na kakuasa'an tiba mule' susi'. Sahingga nu sumbu'je nu aha taalu' Akumo ahi' na Tumpu.”

HOSEA 13:4

Tumpu notatae, “Akumo na Tumpu nu belemiu anu nomboamo mae belemiu nosabat lengkat i Mesir. Belemiu madi' ko Tumpu ola ahi' samata-mata Aku. Samata-mata Aku na anu nomposalamat belemiu.

HOSEA 2:19

Israel, beleyum Ku pojadimo bau bengkele'-Ku, bengkele' anu totu-totu'unyomo sampe toka sidu-sidutu'. Beleyum Ku kalibosimo ka' saja'mo Ku ka'ima'i; Aku saja' mombau anu ma'ima' ka' mohongo-hongo.

HOSEA 6:6

Lebe Ku ka'ima'i, hi belemiu da monsumbu' mae Aku, ka' saja' ahi' mongkalibosi mae Aku, nulingkudui na mompapui ka' monsombahkon koloban hi beleng-Ku.

IMAMAT 26:5

Hasin nu ale' nu belemiu saidi' mae molabi-labimo, sahingga mau tempo'nyomo pontipuan bua' nu anggur, belemiu daagi' mompadak gandum. Ka' de tokamo na tempo'nyo motuganmo gandum, belemiu daagi' montipu bua'nyo nu anggur. Belemiu ko kaanonmo anu sukup ka' kantumuu'an nu belemiu sanangmo i lipu' nu belemiu.

IMAMAT 26:6

Aku monjagaije kaamanan nu lipu'miu sahingga belemiu hoyotmo bobogon ka madi'mo ko anu o kabuhuk manmo pa'hihe. To binatang-binatang anu mahangas, Ku hopu'imo ilipu'aijo ka' madi'mo ko anu mahampahe ilipu' nu belemiu.

MIKHA 4:3

Tumpu momputusimo palakala hi aha to bansa-bansa hi aha to nega-negara anu mahoson anu majo'on kabai anu ohani. To baja-bajak nu aha otutukmo bau pajeko ka' mule' to talo-talombo' nu aha opotimbalimo piso' bau pongkiis. To bansa-bansa madi'mo daagi' paintumbu-tumbuhian ka' mule' madi'mo daagi' mosadia da mahampatemo.

ZAKHARIA 9:10

Tumpu notatae, “Kareta-kareta anu bau pahampate anu lengkat mae i Efraim, Ku alinje, iwi-iwi' na ajahan nu Yerusalem Ku hopu'ije, ka' iwi-iwi' na pana' Ku hansunije. Tomundo' nu belemiu mombebakonje paladamean hi aha to bansa-bansa. Lengkat mae i ambai mamba i ambai na ia balakuasa, lengkat mae i Kaunyo nu Efrat toka-toka i puusnyo nu dunia.”

MATIUS 11:27

Lantas i Yesus notatae, “Iwi-iwi na apaa pinotalimamo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' ko anu monsumbu' Tuuma de misa' Anak, ka' to mia-mian maumo ihe na Anak aijo' monsisikakon Tuuma.

LUKAS 10:22

Iwi-iwi' na apa-apaa binee'mo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' suele ko anu monsumbu' Tuuma, de misa' Anak; ka' to mia-mian pa' hi he na anu nukahanda'i nu Anak aijo' pomposumbu'annyo Kita Tuuma.”

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

YOHANES 8:55

padahan komiu madi' monsumbu' Ia. Panyo Aku monsumbu' Ia. De Aku motatae Aku madi' monsumbu' Ia, tantu Aku samian na anu baleko' pokakana sumo komiu. Aku monsumbu' Ia ka' mohongo-hongo potatae-Nyo.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

FILIPI 3:8

Misa' ola hahan anu sinanggomo aijo' panyo ahi' iwi-iwi na apaa kusangka sumo hahan anu ola mompolugi' aku. Anu daagi' hi belengku uuka aiya aijo'mo na lebe ko angga'nyo: aijo' mo monsumbu' i Kristus Yesus, Tumpungku. Kalana i Kristus, sahingga aku nolapasakonmo iwi-iwi na aijo'. Kusangka iwi-iwi' aijo' ola sumo duhehe da timbali ku humpak na i Kristus,

KOLOSE 1:10

Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.

2 TIMOTIUS 1:12

Mokonyo aijo' aku nongoa'imo kasansala'an iwi-iwi' aiya, panyo aku tataap palesaya totu-totu'u, kalana kusumbu' ihe na anu ku palesaya. Ku palesaya totu-totu'u saba' apaa na anu pinalesayakon-Nyomo hi belengku Ia sanggup ahi' na monjagai sampe toka i Sinaa Kakiamatanmo.

IBRANI 8:11

Aha madi'mo palalu mompogulu' hi sampo tulunannyo, kabai mompoto'i hi utusnyo, ‘Sabole-bole osumbu' na Tumpu.’ Kalana aha iwi-iwi', ise' daka' saidi' mae nusumbu'je nu aha na Aku.

1 YOHANES 4:6

Panyo kita to ana-anakmo nu Tumpu; ka' mian anu nonsumbu'mo Tumpu, nohongomo potataento. Mian anu misa' anu nu Tumpu, madi' nohongo potataento. Sumo aijo' na balu-balu'nyo kita monsumbu' pompahasala'an nu Roh anu mombee'i pangajalan anu totu'u, ka' roh anu madi' totu'u.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.