HOSEA 2:2 - KITAB NU TUMPU ALLA LELE MA'IMAI'

² Tumpu notatae, “O to ana-anak-Ku, tina nu beleyum misa'mo daagi' bengkele'-Ku, ka' Aku misa'mo langkai'nyo. Kalana aijo' ulusmo na ia, da ia bolimo daagi' masala', ka' bolimo mombau anu moko masala'.

HOSEA 2:2 ပူးပေါင်းရင်းမြစ်များ

YESAYA 11:12

Tumpu mompotinjomo sa'angu' na bandela' bau pontoan nu to bansa-bansa. Aijo'mo na tandanyo taalu' Ia po ule'mo nomposihuk bansa Israel, tiba bansa Yehuda anu noga'a-ga'atmo iyaya mae i dunia aiya ka' monsule'akonmo mae aha.

YESAYA 50:1

Tumpu notataemo hi aha Israel, “O, mian anu palesayamo hi beleng-Ku, nu sangka nu beleyum Aku molaa'mo beleyum, susumo samian na langkai' nu mian molaa'mo bengkele'nyo? De sumo aijo' yo iya na sulat poga'atan? Nu sangka nu beleyum Aku mompobalukmo beleyum, susumo samian na tuuma mompobalukmo anaknyo hi mian anu nontagemo samaya? Misa' ahi' sumo aijo'! Beleyum ihakop ka' binoamo ilipu' nu mian, kalana dosa' ahi' tiba palabuatan ma'idek nu beleyum!

YESAYA 58:1

Tumpu notatae, “Poloboo'mo hoso-hoson! Poto'imo hi mian anu palesayamo hi beleng-Ku na ko dosa-dosa' nu aha.

YEREMIA 19:3

Aku tionyo ahi' motatae sumo uuka, “O to tomu-tomundo nu Yehuda tiba mian anu jojoong i Yerusalem! Potombihing mae apaa na anu, Aku, Tumpu Anu Mahakuasa, Tumpu Allah nu Israel kahanda' mompoto'i hi belemiu. Ku potokamo mae na balaa' anu daka' hondo itampat aiya sahingga mian anu nohongomo tinolokengkengmo.

YEREMIA 2:2

da mombebakon lele aiya hi aha iwi-iwi' mian nu Yerusalem, “O Israel Ku inau' hondo na tulu-tulutan nu beleyum tempo'nyo beleyum daagi' olitau; talalo hondo na beleyum mongka'ima'i mae tempo'nyo kita salaje notuang. Namba ipadang tampat anu mateges binatukan nu beleyum na Aku notulu daerah anu madi' ko sosu'anonnyo.

YEREMIA 3:1

Tumpu notatae, “De samian na bengkele' gina'atakonmo nu langkai'nyo, lantas boune aijo' timbalimo bengkele' nu mian sangga'at, saba' langkai'nyo anu momona aijo' madi'mo timbali po ule' mongala bau bengkele'nyo kalana aijo' timbali mongidei lipu' aiya. Beleyum Israel nanjoo'mo hondo na sindua'an nu beleyum, kadaka' uuka aiya beleyum kahanda' mule' minsusule' mae hi beleng-Ku!

YEREMIA 3:13

Akuimo taalu' beleyum sinala'mo ka' notomuhukmo hi Tumpu, Tumpu Allah nu belemiu. Akuimo taalu' ipatuu nu kau' toto sangkau anu honnyo tambok beleyum talalomo hondo nongka'ima'i to pilo-pilogot nu bansa sangga'at ka' madi'mo nontuluti sinin na palentahng-Ku. Aku, Tumpu notataemo.”

YEREMIA 3:18

Israel mosa'angu'mo tiba Yehuda ka' hingga-hinggatmo mae toka lengkat ilipu' pinomboan isasu utara. Aha minsusule'mo mae ilipu' anu binee'-Kumo salaku tano' pusaka' hi aha lee' nu belemiu.”

YEHEZKIEL 16:20

Lapas aijo' sinombahkonmo nu beleyum na to ana-anakto, to momo'ane tiba to bou-boune da bau koloban hi pilogot. Te ma'isa sukup na beleyum madi'mo tinulu-tulutan hi beleng-Ku?

YEHEZKIEL 16:25

Beleyum mohumimi'imo butong nu beleyum anu handa sumo atina'. Butong nu beleyum nu bee'mo hi to momo'ane anu motulu, ka' madi' kokabelentiannyo na beleyum masala'.

YEHEZKIEL 20:4

O, manusia anu madi' tumuu' batu, binalasadiamo na beleyum momputusi hukuman nu aha? Dongan sampamo bau! Po ingat hi aha na anu okahegati iwi-iwi' bina-binaumo nu mompolee' nu aha.

YEHEZKIEL 23:43

Lantas binapikinmo na Aku, ‘Pa daagi' ahi' mongka'oho' na mian haha aijo' bakusinta tiba aha anu saja' masala' haha aijo' anu nangkalualemo kalana sola'mo nasala'?’

YEHEZKIEL 23:45

Panyo mian anu singkap palesaya totu-totu'u na momputusimo ahi hukuman nu aha anu moto utus aijo' kalana kasala'an masala' ka lewa'mo nompatei kalana aha memang ahi' sinala'mo.”

HOSEA 1:2

Tempo'nyo Tumpu notatae, momonanyo hi bansa Israel, anu pinotokakonku, Tumpu notatae, “Hosea, osoaimo na samian anu mongka'oho' saja' masala' ka' to ana-anak nu beleyum suele timbali sumo ia. Mian-Ku anu palesayamo pokakanamo sumo bengkele' nu beleyum aijo'; aha atina' madi' tulu-tulutan hi beleng-Ku ka' ola ahi' mompala'i Aku.”

HOSEA 2:1

Kalana aitu lagamo na sangalu nu beleyum ka' osanggohi “Mian anu Palesayamo hi Tumpu Allah” ka' “Nukalibosimo nu Tumpu.”

HOSEA 2:5

Tina nu beleyum masala' ka' madi' monsumbu' ma'ambang. Ia notatae, ‘Aku mamba hi to sindu-sindu'anku anu nombee'imo aku anu okaan ka' anu o inum, hude wol ka', hude lenan, lanya' nu zaitun tiba anggur'.’

HOSEA 4:5

Sinaa ka' pihi belemiu saja' mombau kasala'an, sumo aijoi'mule' na to nabi-nabi. Kalana aijo' Aku mohansunimo Israel, tina nu beleyum.

MIKHA 2:13

Ku buka'mo na jalan ka' momboamo belemiu mosabat lengkat i tampat pinomboan ka' pinompojoongan belemiu. Opaha sulakonmo nu belemiu na tumban nu sabatan daka' ka' belemiu bebasmo na mamba. Akumo na Tumpu, aiyamo na Tomundo' nu belemiu ka' mule' Akumo na polaya' nu belemiu mosabat.”

2 KORINTUS 5:16

Kalana aijo' kami madi'mo daagi' mongkila-kila mian susumo timbangan nu mian. Memang kami toho'mo nongkila-kila Kristus sumomo salaku ia mian, panyo uuka aiya madi'mo.