HOSEA 2:19 - KITAB NU TUMPU ALLA LELE MA'IMAI'

¹⁹ Israel, beleyum Ku pojadimo bau bengkele'-Ku, bengkele' anu totu-totu'unyomo sampe toka sidu-sidutu'. Beleyum Ku kalibosimo ka' saja'mo Ku ka'ima'i; Aku saja' mombau anu ma'ima' ka' mohongo-hongo.

HOSEA 2:19 ပူးပေါင်းရင်းမြစ်များ

MAZMUR 85:10

Memang Ia ko kahanda' momposalamat anu tulu-tulutan. Tumpu anu talasanggo hondo jojoongmo i lipu'to aiya.

YESAYA 1:27

Tumpu adin kalana aijo' Nu posalamatmo na Yerusalem tiba miannyo anu i kiijo' anu mombabali'imo palabuatannyo.

YESAYA 54:14

Beleyum binaumo i uno nu kaadilan, madi'mo daagi' ko anu okabuhuk ka' kasansala'an.

YESAYA 54:5

Anu nompotimbalimo beleyum sumomo ahi' langkai' nu beleyum, Tumpu Israel anu susi' aijo'mo na anu Momposalamat beleyum. Tumpu Anu Daka' na Kuasanyo, atina'mo na sanggo-Nyo, Iamo na Tumpu anu mongkuasai songko-songko na dunia.

YESAYA 54:6

O Israel, beleyum sumomo bengkele' nu mian anu daagi' langkoyang anu nolibosmo kalana pinala'ianmo nu langkai'nyo. Panyo Tumpu po'ule'mo nolaga beleyum ka' notatae,

YEREMIA 4:2

De belemiu basumpa' i uno nu sanggong-Ku ka' belemiu tumuu' ahi' sahondo-hondonyo, adin ka' madi' mombau kasala'an, saba' iwi-iwi' na bansa momoitamo mae hi belengku da Ku balakati na aha, ka' aha mompuji'mo mae Aku.”

YEHEZKIEL 39:29

Ku dudu'akonmo mae na Roh-Ku hi aha bansa Israel, ka' madi'mo daagi' mompala'i aha. Aku, Tumpu Anu Matangkas na Kuasanyo notataemo.”

HOSEA 14:4

Asyur madi' moko ala momposalamat kami, ka' ajahan anu bau pahampate suele madi' ahi' moko ala montulungi kami. Kami madi'mo daagi motatae hi to pato-patong nu pilogot anu pinosi bau mami, anu osangka mami aijo'mo na Tumpu mami. O Tumpu Belento mongkalibosi to mia-mian anu madi' ko anu nu taha'imani nu aha maumo pa' ihe.”

YOËL 3:20

Baso' nu aha Ku tuntutmo na pombolosinyo, aha nompatei Ku tobus suele nu mompatei. Panyo Yehuda tiba Yerusalem na saja' ahi' ko miannyo anu monjojoongi, ka' Bungkutnyo nu Sion na tataap ahi' saja' bau kajojoongan-Ku.” 12

ZAKHARIA 13:2

I sinaa aijo' Ku sapuimo na sanggo nu to pilo-pilogot i tano' aiya sahingga madi'mo daagi' ko samian na anu monginau'. Iwi-iwi' na mian anu mongakuimo butongnyo nabi Ku laa'mo tiba aha anu sinoku'anmo nu roh anu madi' totu'u.

YOHANES 3:29

Boting boune tumpunyo boting mo'ane. Bela' nu boting mo'ane aijo' ola tuminjo monsangalui ka' mohongo, ka' ia sanang de mohongo potatae nu boting mo'ane. Sumo aitumo na aku. Uuka aku sanang hondo.

ROMA 7:4

Sumo aitumo na bau-baunyo tiba komiu, to Utu-utusku. Kona i atulan nu agama Yahudi komiu i natemo, kalana komiu pinosa'angu'mo tiba butong i Kristus ka' Iamo na tumpunyo, anu sinilaka po'ule'mo pinotumuu'. Ia sinilaka po'ule' pinotumuu' da kita ko kaliangannyo hi Tumpu i kantumuu'anto.

2 KORINTUS 11:2

Aku molibos hi beleyum, sumo Tumpu suele molibos hi beleyum. Komiu sumo samian na anak langkoyang anu ma'isa toho' no'osoa, anu daagi' susi' anu jinanji'kumo da oponika'mo tiba samian na mo'ane, aijo'mo i Kristus.

ANU PINOTO'I HI YOHANES 21:2

Sahingga aku nontoamo kota susi' aijo', aijo'mo Yerusalem nintatau' mae lengkat i suluga' hi Tumpu. Kota aijo' pinosadiakonmo sumo samian na boting boune binaju'anmo da monsingkabotimo boting mo'ane.