HOSEA 2:18 - KITAB NU TUMPU ALLA LELE MA'IMAI'

¹⁸ Tempo'nyo aijo' Aku mombaumo palajanjian tiba iwi-iwi' na ngahannyo nu binatang da aha boli mompoposia mian-Ku anu palesayamo. Madi'mo Ku pobee' na mahampate ka' mongalinimo to paka-pakakas anu bau pahampate aijo' i lipu' nu mian-Ku anu palesayamo aijo', ka' mombau aha da tumuu' sanang ka' amanmo.

HOSEA 2:18 ပူးပေါင်းရင်းမြစ်များ

AYUB 5:22

De kasansala'an ka' tempo' nu kasusa'an i anu o kaan montokai mae ola nusabaanakon nu beleyum ka' kumojo. Beleyum madi' mabuhuk ka' madi' bata-bata, mongahopi binatang anu mahangas hondo.

AYUB 5:23

Ale' anu nu pajekomo madi'mo ko batunyo; binatang anu ma'ela' madi' toka mae mompoposia beleyum.

MAZMUR 148:10

iwi-iwi' na potuu'on ka' binatang anu ma'ela', iwi-iwi' na binatang anu jumolo ka' to tomo-tomonsi'!

MAZMUR 23:2

Ia nompomale'mo aku i tampat anu ko hemputnyo molumba'. Ia nontaka'mo aku namba i uee anu madi' masolok.

MAZMUR 46:9

Imbo' toa pa' apaa na anu binaumo nu Tumpu; talalo ahi' okabangangi na anu binau-Nyomo i dunia aiya!

YESAYA 2:11

Ola-olanyomo ahi Tumpu na anu opopodaka'.

YESAYA 2:17

Mian anu buulon opopo ambangmo ka' mule' mian anu lewa' montige-tige opota'alukmo. Ola-olamo ahi' Tumpu na anu opopodaka'.

YESAYA 2:4

Ia na momputusi aha to bansa-bansa, ka montantukan kaputusan nu palakala hi aha tulunan nu to bansa-bansa. Bajak otutukmo da timbalimo aja' ka' mule' talombo' otutukmo da timbali piso' bau pongkis. Aha to bansa-bansa madi'mo lewa' mompaha tubu-tumbuhi, ka' mule' madi'mo lewa' balasadia da mahampatemo.

YESAYA 26:1

Tempo'nyo aijo' mian monyanyimo nyanyian sumo uuka itano' nu Yehuda: “Mahoson hondo na kota' aiya; Tumpu na nombau benteng-Nyo, i aiya na kita salamat.

YESAYA 32:18

Mian anu palesayamo hi Tumpu bebasmo ikasusa'an ka' tumuu'mo itampat anu madi' ko anu mompoposia ka' madi'mo ko anu mombau kahengge'an.

YESAYA 54:5

Anu nompotimbalimo beleyum sumomo ahi' langkai' nu beleyum, Tumpu Israel anu susi' aijo'mo na anu Momposalamat beleyum. Tumpu Anu Daka' na Kuasanyo, atina'mo na sanggo-Nyo, Iamo na Tumpu anu mongkuasai songko-songko na dunia.

YESAYA 65:25

Serigala tiba anak nu domba mogalumo na mongotot hempu'; singa mongototmo haat susumo sapi', ka' mule' ulo madi'mo ahi' monsilakai. Isongko-songko na puge'nyo anu susi' anu Aku na tumpunyo madi'mo daagi' ko anu mompolugi kabai mombau palabuatan anu ma'idek.”

YEREMIA 23:6

De ia na mompalentah, mian nu Yehuda salamatmo ka' mule' mian nu Israel tumuu'mo madi'mo ko anu mompoposia. Tomundo' aijo' osanggohimo ‘Tumpu anu momposalamat Kita’.

YEREMIA 30:10

Mian anu palesayamo hi beleng-Ku aha Israel, boli mabuhuk! Posaihon-Ku i Yakub boli langkakatan! Belemiu tiba lee' nu belemiu Ku posalamatmo lengkat mae ilipu' anu majo'on, tampat pinomboan belemiu. Belemiu minsusule'mo ka' jojoongmo ilipu' nu belemiu ka' madi'mo ko anu mompoposia. Belemiu tumuu'mo sanang; madi'mo daagi' ko anu okabuhuk nu belemiu.

YEREMIA 33:16

Aha mian nu Yehuda tiba anu jojoong i Yerusalem oposalamatmo ka' tumuu' madi'mo ko anu mompoposia. Kota' Yerusalem osanggohimo ‘Tumpu na Momposalamat Kita’.

YEHEZKIEL 34:25

Aku mombaumo palajanjian tiba aha anu timbali otaha'imani monjagai aha. Ku laa'mo na binatang iwi-iwi' anu mahangas isongko-songko na lipu', sahingga to domba-dombang-Ku jojoongmo sanang i iwi-iwi na padang ka' lumukutmo i iwi-iwi na alas.

YEHEZKIEL 39:1

Tumpu Anu Matangkas na Kuasanyo notatae, “O manusia anu madi' tumuu' batu, tambuha'imo na i Gog tomundo' anu balakuasa hondo ilipu' Mesekh, tiba Tubal, ka' poto'i hi ia taalu' Aku aiya sampobali'nyo.

ZAKHARIA 14:4

I sinaa aijo' Ia tuminjomo i Puge'nyo nu Zaitun sasu kabete'an Yerusalem. Sahingga Puge'nyo nu Zaitun mombagimo ohua' ka' timbalimo bangka'nyo anu ewa lengkat pe'e mae isasu kabete'an toka-toka isasu kinsoban. Sambagian na puge'nyo aijo' nodensu' sasu utara, ka' sambagian mule' nodensu sasu salatan.

ZAKHARIA 14:9

Sahingga Tumpu mompalentahmo salaku tomundo' i songko-songko na dunia; toto samian monsombahmo Ia salaku Tumpu ka' monsumbu'mo Ia i uno nu sanggo anu pokakana.

ZAKHARIA 2:11

Tempo'nyo aijo' manjoo'mo na bansa anu tokamo mae hi Tumpu da timbalimo mian anu palesayamo hi Ia. Ia jojoongmo atina' hi belemiu ka' mule' osumbu'je nu belemiu talu' Tumpu nompalentahmo mae aku da toka hi belemiu.

ZAKHARIA 3:10

De sinaa aijo' tokamo mae batu-batu mian molagamo mian anu mompaha ohani tiba laigannyo da toka mae mongoa'i kadamean ka' mule' kasanangan itotonga' nu ale' nu anggur ka' mule' itotenga nu to kau-kau' ara nu belemiu.”

ZAKHARIA 9:10

Tumpu notatae, “Kareta-kareta anu bau pahampate anu lengkat mae i Efraim, Ku alinje, iwi-iwi' na ajahan nu Yerusalem Ku hopu'ije, ka' iwi-iwi' na pana' Ku hansunije. Tomundo' nu belemiu mombebakonje paladamean hi aha to bansa-bansa. Lengkat mae i ambai mamba i ambai na ia balakuasa, lengkat mae i Kaunyo nu Efrat toka-toka i puusnyo nu dunia.”