HOSEA 2:15 - KITAB NU TUMPU ALLA LELE MA'IMAI'

¹⁵ Iwi-iwi' na ale' nu anggurnyo Ku sule'akonje hi ia, ka' Bangka'nyo nu Kasusa'an Ku pojadimo tumban anu otaha'imani. Ikiijo' mae ia montalimamo Aku susumo tempo'nyo daagi' olitau, tempo'nyo ia sala'je no sabat mae lengkat i Mesir.

HOSEA 2:15 ပူးပေါင်းရင်းမြစ်များ

1 TOMU-TOMUNDO' 16:31

Ma'isa na'osa na ia i kantumuu'annyo lewa' mombau dosa' susumo i Tomundo' Yerobeam, pakalaus ia nongosoai mule' i Izebel anak i Tomundo' Etbaal mian nu Sidon, ka' mule' ia nonsombahmo Baal.

MAZMUR 106:12

Lantas mian pinalesayamo hi apaa na anu jinanji'-Nyomo, ka' nonyanyimo nyanyian anu bau pompuji' Ia.

MAZMUR 129:1

O Israel, poto'i mae pa' mosia na beleyum sinakisa nu mian anu nonsampobali'mo, salatanmo pe'e beleyum daagi' olitau.

YESAYA 65:10

Mian anu palesayamo hi beleng-Ku monsombahmo Aku; domba ka' sapi' nu aha mongototmo hemput i Hatanyo nu Saron ka' i Bangka'nyo nu Akhor.

YESAYA 65:21

Mian mombaumo laigan ka' oposi jojoongimo mian sangga'at madi' timbali monjojoongi. Aha monsu'animo ale' nu anggur, ka' monginumo uee nu anggurnyo; mian sangga'at madi' timbali monginum. Mian anu palesayamo hi beleng-Ku mantanmo na umunnyo susumo kau', ka' mongkaanmo hasin nu pakalaja'an nu aha.

YEREMIA 2:1

Tumpu nompalentahmo aku,

YEREMIA 2:2

da mombebakon lele aiya hi aha iwi-iwi' mian nu Yerusalem, “O Israel Ku inau' hondo na tulu-tulutan nu beleyum tempo'nyo beleyum daagi' olitau; talalo hondo na beleyum mongka'ima'i mae tempo'nyo kita salaje notuang. Namba ipadang tampat anu mateges binatukan nu beleyum na Aku notulu daerah anu madi' ko sosu'anonnyo.

YEREMIA 29:11

Te misa' Ku posi sumbu'i ahi' na anu tinanga'an-Kumo mosia na belemiu atina'? Apaa na anu tinanga'an-Kumo aijo' misa' da monsilakai belemiu panyo da bau ka'ima'an nu kantumuu'an nu belemiu ka' mombee'i belemiu kasampatan anu lebe ma'ima' aiya mae i ahop.

YEREMIA 3:4

De beleyum nu tokaimo nu kasusa'an beleyum motataemo mae hi belengku, kooyum Aku tuuma nu beleyum, kooyum Aku mongkalibosi beleyum daagi' pe'e beleyum ise-ise'.

YEREMIA 32:15

Tumpu Anu Mahakuasa, Tumpu Allah nu Israel notatae, tukoo-Nyo laigan, tano' tiba ale' nu anggur saidi' mae opaha pobalukmo mule' ilipu' aiya.”

MOHAANGI 3:21

Maumo sumo aijo' po'ule'mo ahi' kutaha' imani salatan aku nonginau'mo han aiya;

YEHEZKIEL 16:22

I uno nu kantumuu'an nu beleyum anu okahegatimo salaku mian anu saja'masala' susumo aijo', mau sangkiding pe'e madi' tonginau hi beleyum na beleyum daagi' ise' naipuan mae anu ihikuhakonmo, tempo'nyo beleyum langgo-langgo ka' lewa' mongkohenggo ka' kahomo baso' na butong nu beleyum.”

YEHEZKIEL 16:60

Panyo Aku na monginau' ahi' palajanjian anu binaung-Kumo tiba beleyum daagi' pe'e beleyum langkoyang ka' nombaumo palajajian tiba beleyum anu opake sampe toka sidu-sidutu'.

YEHEZKIEL 28:25

Tumpu Anu Matangkas na Kuasanyo notatae, “Ku posihukmo na to mia-mian Israel lengkat mae i iwi-iwi na lipu' anu toto jo'o-jo'on i tampat nu aha pipinongga'a-ga'atakonan-Kumo aha tiba iwi-iwi' na bansa saidi' mae monsumbu'je taalu' Aku susi'. Bansa Israel po ule' mule' jojoong i tano' nu aha, tano' anu binee'-Kumo hi posaihon-Ku i Yakub.

YEHEZKIEL 28:26

Aha tumuu' madi'mo ko anu sola' mompoposia ikiijo' ka' mombaumo laigan, ka' mule' mombaumo ale' nu anggur. Ku hukumo na aha iwi-iwi' anu mompaha ohani tina aha sola-sola'mo nompopo ise' aha sahingga Israel jadimo sanang madi'mo ko anu sola' mompoposia. Sahingga nu sumbu'je nu aha taalu' Akumo ahi' na Tumpu nu aha.”

HOSEA 11:1

Tumpu notatae, “Aku mongkalibosi Israel daagi' pe'e aha ise-ise', Ilagangku na anak-Ku aijo' nosabat mae lengkat i Mesir.

HOSEA 12:13

I Yakub mompolee'to nopalaimo namba i Mesopotamia, lantas da timbali mohumpak bengkele' ia nomoitamo da bau posaihon hi aha mian anu kiijo' mae ka' lewa'mo nolaya' domba nu mian aijo'.

HOSEA 12:9

Kita uuka aiya kinayamo na koonyo nu aha. ‘Kita inguntungmo! Madi' ko samian pe'e na anu monsangka tukoonyo kita nohumpak kakaya'an kalana katageo'anto'.’

HOSEA 13:4

Tumpu notatae, “Akumo na Tumpu nu belemiu anu nomboamo mae belemiu nosabat lengkat i Mesir. Belemiu madi' ko Tumpu ola ahi' samata-mata Aku. Samata-mata Aku na anu nomposalamat belemiu.

HOSEA 2:12

Ku hansunimo na to kau-kau' anggur ka' to kau-kau' nu ara, maumo koonyo aijo' binaumo tambo pongkalibosinyo aha sindua'annyo. Ku abali'imo na to ale-ale' nu anggur ka' to ale-ale' nu ara da tinimbalimo kuhat; to bina-binatang anu mahangas na mongidei.

AMOS 9:14

Ku pojadimo na mian-Ku Israel anu palesayamo da aha po ule'mo sanang. Aha po ule'mo mombau kota' nu aha iwi-iwi' anu na'idekmo lantas aha jojoongmo ikiijo. Aha monsu'animo nu anggur iwi-iwi' na ale' lantas saidi' mae nu inumo nu aha na ueenyo. Aha mongale'mo ka' nu kaanmo nu aha na hasinnyo.

ZAKHARIA 9:12

Pinsusule'mo mae o belemiu to mia-mian anu bibinoamo ka' pinojoongmo i sa'angu na tampat, tempo uuka belemiu montaha'imanimo. Pinsusule'mo mae i tampat anu timbali monjagai belemiu. Aku tataap mombalakatimo belemiu. Potombihing mae: Pinduan ohu'a na belemiu Ku balakati kalana iwi-iwi na kasansala'an anu ingoa'anmo nu belemiu.

NOMBILANGMO 21:17

Tempo'nyo aitu aha bansa Israel nonyanyiakonmo lagu sumo uuka, “O, to bubu-bubung pimbubuamo mae na uee nu beleyum olabotmo mami nu lagu.

YOHANES 10:9

Akumo na sabatan. Ihe na minsoop montulu Aku salamat; ia mosabat minsoop ka' mohumpak kaanon.

SISIKON NU TO RASUL-RASUL 14:27

Salatan tinokamo i Antiokhia, aha momposihukmo to mia-mian lengkat i jama'at aijo', lantas nonsisikakonmo iwi-iwi' anu binaumo nu Tumpu anu pinotokakonmo nu aha. Aha suele nonsisikakonmo mosia na Tumpu nombaumo jalan da to mia-mian misa' Yahudi palesayamo hi Yesus.

YOSUA 7:26

Lapas aijo' tinabuhanmo nu aha nu batu jonjoo' na tampat aijo' sampe sinaa aiya daagi' ko anu ikiijo'. Mokonyo aijo' tampat kiijo' daagi' osanggohi Bangka'nyo nu Kasusa'an. Sahingga Tumpu madi'mo notambuha'.

TO MIA-MIAN KOPIAN 8:34

Aha madi'mo daagi' nonsombah Tumpu Allah, aijo'mo Tumpu nu aha nompolapasmo aha tempo'nyo kinuasan nu sampobali' iwi-iwi' nu aha anu montikubi mae aha.