HOSEA 2:13 - KITAB NU TUMPU ALLA LELE MA'IMAI'

¹³ Aku na mohukumo ia kalana iwi-iwi na sinaa anu pinakenyomo nompapu kamangian osombahkon hi Baal, ka' binalahiasmo nu palahiasan da mololoi'mo to sindu-sindua'annyo, lantas madi'mo daagi' monginau' Aku totu-totu'u. Akumo, na Tumpu anu notataemo.”

HOSEA 2:13 ပူးပေါင်းရင်းမြစ်များ

2 TOMU-TOMUNDO' 1:2

Daagi' kino sansinaan i Tomundo' Ahazia anu nolengkat mae i Israel nanabu'mo aita' mae i salipi' nu laigan nu tomundo' anu kajo-kajojoongannyo kiijo' i Samaria, lantas ia binelaonmo talalo daka' hondo. Sahingga ia nonsaimo mian da'isan da mamba mompokilawa hi Baal-Zebub pilogot nu aha kota Ekron kiijo' i Filistin, pa' ia daagi' ma'alin kabai madi'mo.

2 TOMU-TOMUNDO' 10:28

Sumo aijo' na i Yehu nongingkoti iwi-iwi' anu lewa' monsombah Baal i Israel.

2 TOMU-TOMUNDO' 21:3

Tampat anu lewa' ponsomban pilogot anu ingideanmo i Hizkia tuumanyo po'ule'mo binaunyo. Manjoo' na mezbah anu lewa' binaunyo bau ponsomban Baal, ka' nombaumo mule' patong Pilogot boune Asyera, susumo anu binaumo i Ahab tomundo' nu Israel. I Manasye mule' nonsombahmo to bina-binatang.

AYUB 8:13

Sumo aijo'mo na mian anu madi' palesaya hi Tumpu. Tumpu Allah nu kolilimimo sahingga madi'mo ko anu nu pitaha-taha'imani.

MAZMUR 106:13

Panyo aha sampa hondo mongkolilimi apaa na anu binaumo nu Tumpu ka' nombau apa-apaa madi'mo pilenje momoita pokinde' anu lengkat mae hi Ia.

MAZMUR 106:21

Aha nongkolilimimo Tumpu anu nomposalamatmo aha, anu nombaumo hahan anu daka' hondo tempo'nyo kiijo' mae i Mesir.

MAZMUR 78:11

Aha mongkolilimimo anu lewa'mo binaunyo, ka' hahan anu okabangangi pipinotoa-Nyomo hi aha.

NOSABATMO 32:34

Lako'mo uuka aiya, ka' boa na aha aijo' i tampat anu pinoto'ing-Kumo hi beleyum. Malaekat-Kuje na molaya' beleyum, panyo tempo'nyo memang tokamo mian haha aijo' Kuhukumo kalana dosa' haha aijo' nu aha.”

YESAYA 17:10

O, Israel beleyum nongkolilimo Tumpu anu nomposalamatmo ka' nonjagaimo beleyum susumo bungkutnyo nu batu anu mahoson hondo. Panyo ola mule' ahi' beleyum nonsu'anino ale' anu osombahkon hi pilogot.

YESAYA 65:7

kalana dosa' nu aha ka' dosa' nu mompolee' nu aha. Aha nompopo'ambangmo Aku kalana nompapumo kamangian i puge'nyo tampat ponsomban to pilo-pilogot. Aku mombalosije aha sitimbang tiba palabuatan anu lewa'mo binau nu aha.”

YEREMIA 11:13

Pilogot nu aha Yehuda manjoo' hondo, sumo konjoo'nyo nu kota' nu aha. Mian anu jojoong i Yerusalem nompotinjomo mezbah-mezbah sumo konjoo'nyo nu jalan ikota' Yerusalem da bau ponsombahkonan koloban hi Pilogot Baal.

YEREMIA 18:15

Panyo mian anu palesayamo hi beleng-Ku nongkolilimimo Aku, ka' nompapuimo kamangian sinombahkon hi pilogot. Aha tinasala'mo ijalan nai-naipuan mae anu tionyo ahi' nu tului nu aha, lantas noselemo namba ijalan anu ma'isa pinohata.

YEREMIA 2:32

Pa' daagi' kolangkoyang anu bisa mongkolilimi palahiasannyo, kabai pa' daagi' ko boting boune anu bisa mongkolilimi baju'nyo nu boting? Panyo belemiu pininmo hondo na nongkolilimi mae Aku – salatanmo pe'e naipuan mae anu madi'mo opoko bilang na kopinnyo.

YEREMIA 7:34

Lipu' aiya saidi' mae timbalimo padang tampat anu kunmo. Lewo'nu mian anu lame' tiba lewo' nu mian anu nombaumo bau-bauon nonika' Ku pobelentimo i kota-kota' Yehuda tiba i to jala-jalan nu Yerusalem.

YEREMIA 7:9

Belemiu montomang, mompatei, masala', timbali sakisi anu baleko', monsombahkon koloban hi Baal ka' mule' monsombah to pilo-pilogot anu madi' osumbu' nu belemiu.

MOHAANGI 1:4

I tempo'nu sinaa anu polameananmo madi'mo ko samian pe'e na anu toka i Laigan nu Tumpu Allah. To lalangkoyang anu manyanyi kiijo' mae sinansalamo ka' to ima-imam notusa'mo ka' nompele-pele'mo. Madi'mo ko mian isabatan anu toto daka-daka' Kota' Sion sinongkahanmo nu susa'.

MOHAANGI 5:14

To tu'a-tu'anyo madi'mo sinilimu' i sabatan daka' nu kota', musik madi'mo daagi' ihongo hi aha to oli-olitau ka' to lalangkoyang.

YEHEZKIEL 16:12

Binee'an-Kumo na beleyum sinsing anu opokona isung, ka' mule' nganting-nganting ka' mahkota'anu ma'ima' hondo.

YEHEZKIEL 16:17

Te pakean mosoni' tiba salaka anu binee'-Kumo hi beleyum, binaumo nu beleyum patong to momo'ane lantas nu pasala'imo na patong haha aijo'.

YEHEZKIEL 22:12

Daagi' mule' ko anu tinimbalimo mian topo patei sola-sola' obayan, mian anu talalo ahi' molio kantungan ka' saja' mongkelo aha mian anu bubuu' sangko bansanyo. Aha iwi-iwi' nongkolilimimo mae Aku. Aku, Tumpu Anu Matangkas na Kuasanyo notataemo.

YEHEZKIEL 23:35

Tumpu Anu Matangkas na Kuasanyo notatae, “Kalana beleyum nongkolilimimo Aku, ka' nohikumo mae Aku, beleyum mongoa'imo kasansala'an kalana taha-tahahumo na napisu majota hi mo'ane na beleyum ka' sola-sola' masala' na beleyum.”

HOSEA 11:2

Panyo lebe Ku laga na anak-Ku aijo' lebe mule' ahi' majo'on na ia hi beleng-Ku. Ia momboa koloban ka' mompapui kamangian osombahkon hi Baal tiba hi pilogot sangga'at.

HOSEA 13:1

Naipuan mae tulunan nu bansa Efraim o'angga'i hondo sahingga de kopalentahmo lengkat mae hi tulunan nu bansa aijo' to tulu-tulunan nu bansa sangga'at i Israel mabuhukmo. Panyo tulunan nu bansa Efraim binaladosa'mo, kalana nonsombahmo Baal.

HOSEA 13:6

Panyo salatan belemiu jinojoongmo i lipu' anu ma'ima ka' belemiu nobosumo ka' na osamo, belemiu tinakabunmo lantas nongkolilimimo mae Aku.

HOSEA 2:5

Tina nu beleyum masala' ka' madi' monsumbu' ma'ambang. Ia notatae, ‘Aku mamba hi to sindu-sindu'anku anu nombee'imo aku anu okaan ka' anu o inum, hude wol ka', hude lenan, lanya' nu zaitun tiba anggur'.’

HOSEA 2:7

Ia mololoi'mo to sindu-sindua'annyo, panyo madi' nusampa na aha. Ia molio aha, panyo ia madi' nompahakabot aha. Lantas ia notatae, ‘Aku minsusule'mo hi langkai'ku anu momona; u'utu mae lebe ma'ima' na ka'ada'anku tiba sinaa uuka.’

HOSEA 4:13

I tampat-tampat ponsomban pilogot i puge'nyo ka' i bungkutnyo belemiu nonsombahkonmo koloban ka' nompapuimo kamangian i patu nu to kau-kau' anu daka' ka' hoopi' nahonnyo kalana ikiijo mae tampat anu koongon. Panyo apaa na ka'ahenannyo? To lalangkoyang nu belemiu nasala'mo, ka' to moni-monian nu belemiu boune nasala'mo!

HOSEA 4:6

Belemiu to imam-imam, madi' mongadati Aku, sahingga mian-Ku anu palesayamo suele madi'mo mongadati Aku, sahingga aha nohumpakmo balaa'. Belemiu madi'mo montalima to aja-ajalan-Ku. Jadi Aku suele madi'mo montalima belemiu ka' to ana-anak nu belemiu madi'mo Ku talima salaa-Ku to imam-imam-Ku.

HOSEA 8:14

Aha mian nu Israel nombaumo iwi-iwi' laigan nu tomundo' panyo aha madi'mo nonginau' anu nompotimbalimo aha. Aha mian nu Yehuda nomponjoo'mo kota' anu ko bentengnyo panyo Ku tau'akonmo mae na apu da mompapui iwi-iwi' na laigan nu tomundo' haha aijo' tiba iwi-iwi' na kota' nu aha sampe mingkot.”

HOSEA 9:7

Tinokamo mae na tempo'nyo anu pohukumanmo, tempo'nyo nu pontalimanmo balosnyo nu palabuatan nu aha. Nu oa'imo nu Israel! Belemiu nontaloakon, “Nabi anu kinuasanmo nu roh aiya ponga'! Ulawon na ia!” Belemiu nontaloakon sumo aijo' kalana belemiu mongka'ideki mae hondo aku ka' dosa' nu belemiu talalo hondo daka' na koonyo nu nabi aijo'.

AMOS 8:10

Iwi-iwi' na lamean nu belemiu Ku bali'i timbali mohangi anu silaka, ka' nyanyian nu belemiu timbalimo montando'i. Ku bauje na belemiu mongkiis bulu nu ubakum ka' mompake hude kalung pontandai molibosmo. Belemiu timbalimo susumo tina tuuma anu mohangi anaknyo anu sa'a-sa'angu'nyo sinilakamo. Sinaa aijo' kapupusannyo talalo hondo mompopolibos.”

PO'ULE' INGULIT 32:18

Aha madi'mo nontapali anu Nomposalamat aha anu daka' hondo na kuasanyo, nongkolilimimo Tumpu Allah nu aha anu nombee'imo kantumuu'an.

PO'ULE' INGULIT 6:12

o jaga mae ima-ima' da belemiu boli mongkolilimi Tumpu anu nompobebasmo belemiu lengkat mae i Mesir, i tampat belemiu binotuanan.

TO MIA-MIAN KOPIAN 10:6

Aha mian nu Israel po'ule' mule' binaladosa' hi Tumpu. Aha madi'mo mongkalinga Tumpu ka' madi'mo daagi' nonsombah Ia. Aha nonsombahmo to pilo-pilogot nu bansa Siria, Sidon, Moab, Amon tiba Filistin.

TO MIA-MIAN KOPIAN 3:7

Aha mian nu Israel binaladosa'mo hi Tumpu, Tumpu Allah nu aha. Aha nongkolilimimo Ia sahingga aha nonsombahmo to pilo-pilogot nu Baal tiba Asyera.

1 SAMUEL 12:9

Panyo imihinyo mae aha nongkolilimimo Tumpu, Tumpu Allah nu aha, mokonyo aijo' pinojohok-Nyomo na aha ilumambanan ka' pinatundu'mo i Sisera, kapala nu suludadu anu matangkas hondo na pangkatnyo kiijo' i Hazor ka' mule' mian nu Filistin tiba tomundo' nu aha Moab.