HOSEA 2:12 - KITAB NU TUMPU ALLA LELE MA'IMAI'

¹² Ku hansunimo na to kau-kau' anggur ka' to kau-kau' nu ara, maumo koonyo aijo' binaumo tambo pongkalibosinyo aha sindua'annyo. Ku abali'imo na to ale-ale' nu anggur ka' to ale-ale' nu ara da tinimbalimo kuhat; to bina-binatang anu mahangas na mongidei.

HOSEA 2:12 ပူးပေါင်းရင်းမြစ်များ

MAZMUR 80:12

Panga'nyo toto ise-ise' nantademo manta-mantan tinoka-tokamo i Ambai anu i Totonga'nyo, iwi-iwi' na londeknyo tinoka-tokamo i Kaunyo nu Efrat.

YESAYA 29:17

Daagi' kokantuang anu nontaloakon, “Madi'mo daagi' pin alas timbalimo tano' anu baumo pongale'an ka' mule' tano' anu pinongale'anmo po ule'mo timbali alas.”

YESAYA 5:5

Sumo uuka na Aku mombau ale' nu anggur-Ku aijo'. Balabat anu montikubi mae aijo' Ku gautakonmo, pagan mesen anu montingki'i mae Ku hobo'akonmo, lantas Ku pokilayamo da nu ideimo nu binatang anu mahangas ka' lewa' mompahampeja'akon.

YESAYA 7:23

Tempo'nyo aitu ale' nu anggur iwi-iwi' toto sa'angu' na ale sinu'anan samadala na pu'unnyo nu anggur anu angga'nyo samadala na doi salaka sa'angu' na ale' me hemput anu kohii'nyo na montumuu'i.

YEREMIA 13:26

Akumo ahi' na mombeak baju' anu atina' i butong nu belemiu da belemiu langgo'mo ka' mule' ma'ambangmo.

YEREMIA 26:18

“Tempo'nyo i Hizkia tinimbalimo tomundo' nu Yehuda, i Nabi Mikha anu lengkat mae i Moresyet nompoto'imo hi aha mian da'isan potatae sumo uutu, lengkat mae hi Tumpu Anu Mahakuasa, ‘Sion opajekomo susumo ale' Yerusalem timbalimo tambulan nu anu na'idekmo, tiba puge'nyo nu Laigan nu Tumpu timbalimo alas.’

YEREMIA 5:17

Nu ingkotimo nu aha na isi nu ale' tiba anu okaan nu belemiu ka' mompateimo to ana-anak nu belemiu. Potuu'on sapi' tiba domba nu belemiu nu pahangkolotakonmo nu aha ka' mule' ale' nu anggur nu belemiu tiba kau' ara nu belemiu nu galisimo nu aha. Iwi-iwi' na kota' anu ko bentengnyo ota-otaha'imani nu belemiu nuhansunimo nu aha.

YEREMIA 8:13

Ko kahanda' hondo na Aku momposihuk mian anu palesayamo hi beleng-Ku, susumo mian momposihukmo isi nu ale'nyo. Panyo mian anu palesayamo hi beleng-Ku sumomo ahi' kau' anggur tiba kau' ara anu madi'mo nimbua', ka' mule' honnyo singkapmo nagayou. Mokonyo aijo' pinobee'-Kumo na mian anu isalipu'an mae tinoka aiya ka nongkuasaimo lipu' nu aha. Aku, Tumpu, notataemo.”

HOSEA 13:8

Ku sa'umo na belemiu susumo beruang anu no lapusmo na anaknyo. Ku bea-beakmo na belemiu. Susumo singa Ku sa'umo na belemiu itampat nu belemiu, ka' susumo binatang anu bahangihi' mombea-beakmo butong nu belemiu.

HOSEA 2:5

Tina nu beleyum masala' ka' madi' monsumbu' ma'ambang. Ia notatae, ‘Aku mamba hi to sindu-sindu'anku anu nombee'imo aku anu okaan ka' anu o inum, hude wol ka', hude lenan, lanya' nu zaitun tiba anggur'.’

HOSEA 5:14

Susumo singa montumbuhi sumo aijo'mo na Aku montumbuhi mian nu Israel tiba Yehuda. Posi Akumo na mombea-beak aha lantas Ku pala'imo. De Ku hela'mo na aha mamba madi' ko samian pe'e na moko ala mompolapas aha.

HOSEA 9:1

O bansa Israel, bolimo daagi' molame'akon iwi-iwi' na sinaa daka' nu belemiu susumo to bansa-bansa sangga'at. Belemiu nompala'imo Tumpu nu belemiu ka' madi'mo nontuluti Ia. I tampat pongututan gandum belemiu mompobalukmo butong nu belemiu salaku anu masala' hi pilogot Baal, ka' sanangmo na montalima gandum anu osangka nu belemiu salaku pontamboi mae nu pilogot aijo' hi belemiu!

MIKHA 3:12

Kalana palabuatan nu belemiu anu ma'idek aijo', Sion opajekomo susumo ale'. Yerusalem timbalimo tambulan nu laigan anu i hansunmo ka' mule' puge'nyo aita' pipinombauan Laigan nu Tumpu timbalimo alas ka' hemputonmo.