HOSEA 14:7 - KITAB NU TUMPU ALLA LELE MA'IMAI'

⁷ Aha po ule'mo tumuu' ka' mompaka pintuangmo susumo sosu'anon anu minsumpemo iyaya mae na tampat. Ko ima'nyo sumomo ahi' kau' zaitun manohong sumo kau' cemara!

HOSEA 14:7 ပူးပေါင်းရင်းမြစ်များ

MAZMUR 138:7

Tempo'nyo aku tinokanmo nu kasusa'an Belento na sabole-boleh nontoongi kantumuu'anku. Belento na nongewa anu monsampobali' mae aku anu notomuhukmo ka' pinosalamatmo nu Belento na aku nu kuasa nu Belento.

MAZMUR 85:6

Pa' sidu-sidutu'mo na belento montambuha'i mae kami, ka' sabole-bolemo motambuha' sampe molundu-lundu na tulunan?

MAZMUR 91:1

Mian anu mihohung' hi Anu Matangkas na Kuasanyo, ka' jojoong mingkong hi Anu Daka' na Kuasanyo,

NYANYIAN ANU TALASANGGO 2:3

Sumomo kau' apel itotonga' nu to kau-kau' nu alas, sumo aitumo na sindua'anku itotonga' nu to momo'ane. Sanang hondo na aku mingkong i patuunyo, bua'nyo inyamitkumo matami' hondo.

NYANYIAN ANU TALASANGGO 4:11

Matami' hondo napotatae nu beleyum pangantinku, sumomo juu' nu uani' anu madi' ko galo'nyo ka' mule' sumomo susu. Pakean nu beleyum sumomo nohong nu Bangkutnyo nu Libanon.

NYANYIAN ANU TALASANGGO 6:11

Aku nambamo i ale' nu kanali', montoa bunga-bunga i bangka'nyo. Ugaat anggur daagimo ko buha'nyomo ka' mule' kau' dalima nimbungamo.

YESAYA 61:11

Mimbalu-balu' bine' anu sinaumo tumuu'mo timbali pomulaon, sumo atina'mo na Tumpu mompotokamae kasalamatan ka' iwi-iwi' na bansa mompuji'mo Ia.”

YEHEZKIEL 17:23

I bungkutnyo anu matangkas hondo i Israel ia Ku posusukmo. Ikiijo' mae ia minsumpemo ka' mimbua'mo, lantas timbalimo kau' lontio' anu ma'ima' ka' daka' hondo. Mongangahan na tomonsi' mimpeta aijo' ipanga'nyo, ka' mingkong akaong i patuunyo.

HOSEA 14:5

Tumpu notatae, Mian-Ku anu palesayamo nonoteba'mo na kalakuannyo po ule'mo Ku ala, ka' kinyonyoang-Ku totu-totu'u mongkalibosimo aha madi'mo daagi Ku tambuha'i.

HOSEA 2:21

Tempo'nyo aijo' de mian-Ku Israel anu palesayamo balado'a Ku potombihingje na aha. Lengkat mae i langit Ku tudunakonmo mae na ujan sahingga tano' mohasinakonmo gandum, anggur ka' lanya' nu zaitun. Lengkat mae i langit Ku tudunakon mo mae na ujan sahingga tano' mohasinakonmo gandum, anggur tiba lanya' nu zaitun.

HOSEA 6:2

I uno nu uansinaa kabai tolunsinaa aiya, Ia mompa'alinmo kita, ka' kita tumuu'mo i uno nu ponjaga'an-Nyo.

ZAKHARIA 8:12

Aha monsa'u bine' madi'mo ko anu mompoposia. Sagala anggur nu aha mimbua'mo ka' mule' tano' ko hasinnyomo ka' mule' ujan tudunmo mae manjo-manjoo'. Iwi-iwi' na balakat haha aijo' Ku bee'mo hi to mia-mian anu daagi' tutuu' i bansa aiya.

YOHANES 11:25

“Akumo na mombee'i kantumuu'an ka' po'ule' mompotumuu' mian mate,” koo-Nyo i Yesus hi Marta, “Mian anu palesaya hi beleng-Ku po'ule' tumuu' mau mule' ia natemo.

YOHANES 12:24

Totu'u hondo na potataeng-Ku aiya: De sambatu na gandum madi' o tugan i uno nu tano' ka' mate, ia tataap samba-sambatunyo. Panyo de batu nu gandum aijo' mate, atina'je ka' mohasinakon manjoo' na gandum.