HOSEA 14:6 - KITAB NU TUMPU ALLA LELE MA'IMAI'

⁶ Kona hi aha mian nu Israel Aku sumo ujan anu mohumpisimo tano' nana tegesmo. Aha po ule'mo timboka susumo buhak nu kau' ka' susumo kau' cemara anu bakatnyo maleeng.

HOSEA 14:6 ပူးပေါင်းရင်းမြစ်များ

KAJADIAN 27:27

Salatan i Yakub nongohanimo kahanda'mo mongooki ia, i Ishak nongookmo nohong nu baju' i Esau, lantas binalakatannyomo na ia. Koonyo i Ishak, “Nohong nu anakku ma'i-ma'ima' sumomo nohong nu padang anu binalakatanmo nu Tumpu.

MAZMUR 128:3

Bengkele' nu beleyum sumomo kau' anggur anu molumba'mo, i uno nu laigan nu beleyum. To ana-anak nu beleyum sumomo sumpe nu kau' zaitun montiikubimo meja' nu beleyum.

MAZMUR 52:8

Montoa han aijo' mian anu bala'iman hondo jadimo mabuhuk, lantas mongkokojoimo beleyum ka' motataemo,

MAZMUR 92:12

Aku nontoamo anu nompobali' mae nahungku'mo, to mia-mian anu tinontinjomo nongewa mae aku, iwi-iwi' na tanga'an nu aha anu ma'idek i hongongkumo.

YESAYA 27:6

Tempo' anu aiya mae o, ahopi, bansa Israel pokakanamo susumo kau' mimbakatmo ka' ko pintu-pintuangnyomo ka' mule' monsongkohimo tano' aiya anu koko buanyo.

YESAYA 35:2

Padang tampat anu mateges ko ewa-ewanyomo, ka' mongelokmo nu lagu anu mompolame'. Ia ma'ima' hondo sumomo ahi' bungkutnyo nu Libanon, sahayanyo sumomo ahi' bangka'nyo nu Karmel ka' Saron. Sahingga batu-batu mian timbali montoa kuasa nu Tumpu, ka' mule' kaholomatan nu Tumpunto.

YESAYA 66:14

Nontoa aijo', belemiu lame'je, ka' tinimbalimo mahoson ka' bikas susumo hemput anu montampu'unije tumuu'. Sahingga to posa-posaihon-Ku mongoa'ije kakuasa'an-Ku o-sampobali'-Ku mongoa'ije tambuha'-Ku.”

YEREMIA 11:16

Toho'mo ingombeng-Ku na aha kau' zaitun anu tambok hondo na honnyo, mahampe na bua'nyo anu toto ima-ima'. Panyo uuka aiya tiba potatae anu polintup taha-tahahumo Ku papuimo na honnyo haha aijo' ka' mule' Ku paha pato'imo na panga'nyo iwi-iwi.

HOSEA 6:3

Kalana aijo' imbo' mo da kita mompagala ahi' totu-totu'u palesaya hi Tumpu. Ia totu-totu'u tokamo mae hi kita susumo sinaa kahandamo mae bete', ka' susumo mule' ujan mohomeimo tano' salatan ohanimo mingkot na lonu nu ujan.”

MATIUS 13:31

I Yesus nonsisik mule' sa'angu' na kantuang hi mian da'isan, koonyo, “Bisuannyo Tumpu mompalentah, ka'ada'annyo sumomo kantuang aiya; sa'angu' na batu nu sasawi ingala nu samian, lantas sinau i ale'nyo.

YOHANES 15:1

Koonyo i Yesus mule', “Aku kau' anggur anu totu-totu'unyo, ka' Tuumang-Ku aijo' na tumpu nu ale'.

FILIPI 4:18

Tinalimangkumo iwi-iwi' – aitu pe'e nolabimo misa' ola asan sinukupmo! Iwi-iwi' na anu binee'mo pinakatu mae hi belengku, ingalangkumo hi Apafroditus. Uuka aiya iwi-iwi' na anu kupalalui daagi'mo hi belengku. Iwi-iwi' na anu binee'mo miu aijo', sumo nohong nu hongohis nu kuluban anu sinombahkonmo hi Tumpu ka' anu ingalamo nu Tumpu ka' nomposanangmo kinyonyoa-Nyo.