HOSEA 14:5 - KITAB NU TUMPU ALLA LELE MA'IMAI'

⁵ Tumpu notatae, Mian-Ku anu palesayamo nonoteba'mo na kalakuannyo po ule'mo Ku ala, ka' kinyonyoang-Ku totu-totu'u mongkalibosimo aha madi'mo daagi Ku tambuha'i.

HOSEA 14:5 ပူးပေါင်းရင်းမြစ်များ

2 SAMUEL 23:4

Ia sumomo jingka nu sinaa anu bete'mo mae daagi subu-subu hondo salatan majingkamo na langit Ia sumomo jingka nu batu nu sinaa de batamo na ujan sahingga hemput molunoumo ma'imamo na otoa ka' malonde'mo.”

2 TOMU-TOMUNDO' 19:30

Mian nu Yehuda anu daagi' tumuu' timbalimo sanang susumo sosu'anon anu maleeng hondo na bakatnyo ka' mimbua'mo.

AYUB 29:19

Aku sumo kau' anu tumuu' molumba', sukup na uee tiba dondu'ok ibakatnyo mohumpisi panga'nyo.

MAZMUR 133:3

Kabai sumomo dondu'ok i Bungkutnyo nu Hermon, anu no'ilimo nokaiyong i puge'nyo nu Sion. Ikiijo'mo mae na Tumpu montudunakon balakat-Nyo, kantumuu'an sampe toka sidu-sidutu'.

MAZMUR 72:16

O'amalakon da gandum saja' sida hondo ka' madi' kokamingkotannyo i songko-songko na lipu', ka' iwi-iwi' na puge'nyo kahomo anu mingguna na hasinnyo. O'amalakon da tano'nyo ma'omuk susumo Bungkutnyo nu Libanon, ka' anu monjojoongi kota'nyo ko pintu-pintuangnyomo sumomo hemput i tampat padang anu ewa.

MAZMUR 72:6

O'amalakon da ia sumomo ujan anu tudun i padang anu mateges, sumomo ujan daka' anu nongueeimo iwi-iwi na ale'.

MAZMUR 80:9

Mian anu palesayamo hi Belento sumomo kau' anggur anu i lalinmo mae nu Belento lengkat mae i Mesir. Bansa haha aijo' sangga'at i laa'mo nu Belento, lantas sinu'anmo nu Belento na kau' aijo' i lipu' nu aha.

MAZMUR 92:12

Aku nontoamo anu nompobali' mae nahungku'mo, to mia-mian anu tinontinjomo nongewa mae aku, iwi-iwi' na tanga'an nu aha anu ma'idek i hongongkumo.

MAZMUR 92:13

Mian anu hodi' na kinyonyoanyo nilondekmo susumo kurma, ka' nolumba'mo na tinumuu' susumo kau' lontio' nu Libanon.

AMSAL 19:12

Tambuha' nu tomundo sumomo polohu' nu singa; kanonongan nu tomundo sumomo dondu'ok mohumpisi sinin na anu tumuu'.

NYANYIAN ANU TALASANGGO 2:16

Sindua'anku akumo na tumpunyo ka' aku mule' iamo na tumpunyo. Ia molaya' dombanyo haha aijo', i olot nu bunga-bunga bakung.

NYANYIAN ANU TALASANGGO 4:5

Susu nu beleyum sumomo ohua' na anak nu jonga, anak nu kijang, anu hapi'. Anu hau-haunyo mongotot hemput i olot nu bunga-bunga bakung.

YESAYA 12:1

Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

YESAYA 18:4

Tumpu notataemo hi belengku, “lengkat mae aita' ikajojoongan-Ku, Aku montudangmo mokaiyong madi' ko anu mokohenggo ka' talaang hondo sumomo ahi' kotalangnyo nu dondu'ok pihi kona itempo nu posinaa ka' mule kakona itempo nu pompadakan ka' mule' kotalangnyo sumomo ahi' singit sonsu'un na sinaa.

YESAYA 26:19

Mian anu palesayamo hi Belento sisinilakamo saidi' mae po ule'mo tumuu', bangke-bangke' nu aha po ule'mo tumuu'. Mian anu ilamunmo i uno nu tano' saidi' mae po ule'mo tumuu' ka' lame'mo na lewa' molo ais. Sumomo dondu'ok mompoloopmo tano', Belento mompotumuu'mo mian anu palesayamo hi Belento anu pini-pininmo na sinilaka.

YESAYA 27:6

Tempo' anu aiya mae o, ahopi, bansa Israel pokakanamo susumo kau' mimbakatmo ka' ko pintu-pintuangnyomo ka' mule' monsongkohimo tano' aiya anu koko buanyo.

YESAYA 35:2

Padang tampat anu mateges ko ewa-ewanyomo, ka' mongelokmo nu lagu anu mompolame'. Ia ma'ima' hondo sumomo ahi' bungkutnyo nu Libanon, sahayanyo sumomo ahi' bangka'nyo nu Karmel ka' Saron. Sahingga batu-batu mian timbali montoa kuasa nu Tumpu, ka' mule' kaholomatan nu Tumpunto.

YESAYA 44:3

Kalana Ku bulokakonmo mae na ujan aiya itano' anu notismo, ka' nompojalanmo kaunyo itano' anu nategesmo. Ku bee'mo na kakuasa'an-Ku hi lee' nu beleyum, ka' mombalakatimo makumpu nu beleyum.

YESAYA 45:8

Lengkat mae ilangit tinau'akon-Kumo na ka'untungan mahampate susumo ujan, tano' binalabukamo da montalimamo ia, lantas nompotumuu'mo kasalamatan tiba kabebasan; Akumo na Tumpu anu nombaumo aijo' sahingga jinadimo.”

YESAYA 57:18

Tinoang-Kumo na kalakuan nu aha, panyo aha Ku bee'i kahosonan. Ku jagaije ka' ku tulungi na aha ka' mohase' mian anu molibosmo na kinyonyoa.

YESAYA 57:19

Aku mombee'ije ka' amanan hi iwi-iwi' na mian, maumo anu ohani kabai anu majo'on. Aku mombee'ije kahosonan hi mian anu palesayamo hi beleng-Ku.

YEREMIA 3:22

O belemiu iwi-iwi' anu nompala'imo Tumpu, pinsusule'mo mae! Ia mompo alinmo belemiu ka' mompotimbalimo belemiu tulu-tulutan. Belemiu notatae, “Ii', uuka aiya kami tokamo mae hi Tumpu, kalana Ia Tumpu Allah mami.

YEREMIA 32:41

Aku sanangmo na mombau palabuatan anu ma'ima' hi aha, ka' mompotataapmo aha ilipu' aiya sampe toka sidu-sidutu'.

HOSEA 6:3

Kalana aijo' imbo' mo da kita mompagala ahi' totu-totu'u palesaya hi Tumpu. Ia totu-totu'u tokamo mae hi kita susumo sinaa kahandamo mae bete', ka' susumo mule' ujan mohomeimo tano' salatan ohanimo mingkot na lonu nu ujan.”

MIKHA 5:7

Aha mian nu Israel anu daagi' jinojoong hi aha to bansa-bansa sumomo singa itotonga' nu to bina-binatang anu i uno nu alas kabai itotonga' nu tompukan nu domba anu i daerah nu padang hemput. Singa aijo' minsoopmo mokiijo' itotonga' nu tompukan nu domba haha aijo' ka' mompahampeja'akonmo ka' mule' mombente-bentekmo; madi' ko anu moko ala molapasakon domba haha aijo'.

MIKHA 7:18

Madi' ko Tumpu anu sumo Belento, o, Tumpu anu mongampuni dosa' nu mian anu pinile'anmo nu Belento aijo'mo mian anu daagi' tinontuha'. Madi' sampemo sidu-sidutu' na Belento motambuha'; panyo ola ahi' belento sanang na mompotoa kanonongan nu Belento anu madi' ko batasnyo aijo'.

MATIUS 6:28

Kadaka' komiu bata-bata mongkona pakean miu? Palahatikan na to bunga-bunga bakung anu tumuu' i padang. Bunga-bunga aijo' madi' mokalaja ka' madi' montonun;

LUKAS 12:27

Soba potomatakon mosia na bunga-bunga bakung tumuu'; bunga-bunga aijo' madi' mokalaja, madi' mule' montonun. Panyo i Tomundo' Salomo anu kaya sumo aijo' madi' mompake pakean anu ko ima'nyo sumo bunga-bunga aijo'!

EFESUS 3:17

Ku'amalakon kalana komiu pinalesayamo hi Kristus, i Kristus jojoongmo i uno nu kinyonyoa miu, ka' kantumuu'an miu mompintoongimo ka' nu kuasaimo nu kalibosan.

PO'ULE' INGULIT 32:2

O amalakon da pangajalan-Ku tudun mae susumo ujan, ka' potataengku jumuju mae susumo dondu'ok ka' mule' susumo dohidi' tudun i to hempu-hemput, ka' ujan daka' tudun i sosu'anon.