HOSEA 14:3 - KITAB NU TUMPU ALLA LELE MA'IMAI'

³ Pinsusule'mo mae hi Tumpu ka' pongkakaase do'a salaku palasombahan nu belemiu hi Ia, otaloakon sumo uuka: “O Tumpu ampuniakon mae na dosa' mami ka' talimakon iwi-iwi' na do'a mami aiya, da kami mompuji'mo Belento susumo anu jinanji'mo mami.

HOSEA 14:3 ပူးပေါင်းရင်းမြစ်များ

2 TAWARIKH 16:7

Tempo'nyo aitu i Nabi Hanani tinokamo hi Tomundo Asa ka' nompoto'i, “Kalana beleyum taha'imanmo hi tomundo Siria, ka' misa'mo hi Tumpu Allah nu beleyum. Jadi beleyum madi'mo moko ala mompatundu' suludadu nu Israel.

MAZMUR 10:14

Panyo Belento na montoa ahi' ia, saja' nu inau' nu Belento na kasusa'an tiba kasansala'an, ka' saja' ahi' kahanda' montulungi. Mian anu madi'mo mahoson me saja' mongasanakon butongnyo hi Belento. Belento na saja' ahi' motulungi mian anu kasiasi.

MAZMUR 146:3

Boli montaha'imani anu ko kakuasa'an, hi mian anu madi' moko ala momposalamat.

MAZMUR 146:9

Ia na monjagai to mia-mian anu lengkat mae i salipu'an; Ia na montulungi to balu-balu ka' anu ingunonmo madi'mo ko tinanyo ka' tuumanyo, panyo nohungku'imo tanga'an nu mian anu ma'idek na kinyonyoanyo.

MAZMUR 33:17

Ajahana madi' timbali otaha'imani mompo untung de mahampate kahosonannyo anu daka' aijo' madi' moko ala momposalamat.

MAZMUR 68:5

Ponyanyimo, bau pompuji' sanggo nu Tumpu, potoukamo na jalan daka' da bau kajalanan-Nyo mae anu nonsake'i mae kundom. Sanggo-Nyo Tumpu – balasana-sanangmo i ahop-Nyo!

YESAYA 1:29

Aha ma'ambangmo kalana lewa'mo nonsombah to ka-kau' ka' nontantukan ale' da baumo bagi nu to pilo-pilogot.

YESAYA 27:9

Panyo dosa' nu aha Israel ola timbali o, ampuni de mazbah nu to pilo-pilogot ogiling sampe hansun susumo tilon. Iwi-iwi' na anu bau pompapuan kamangian ka' anu molambangakon Pilogot boune Asyera tionyo ahi' suele ohansuni.

YESAYA 30:16

Ola mule' ahi' belemiu binatanga'mo nopalai da boli nu poposia nu sampobali' nu belemiu ka' nonsake'imo ajahan anu malia' hondo. Ma'ima'mo! Memang belemiu tionyo ahi' mopalaimo! Tinutugan nu belemiu au'aitu ajahan nu belemiu atina' sukupmo hondo na kolia'yo na ia mopadeka' padahan anu montotumputi mae belemiu na lebe malia'.

YESAYA 30:2

Aha nambamo i Mesir madi' pe'e nomoita mae kaputusan-Ku. Aha nomoitamo da boli opoposia na aha hi aha Mesir ka' nontaha'imanimo da nutulungi i tomundo' Mesir.

YESAYA 31:1

Silakamo na aha mian anu nambamo i Mesir nomoita da nu bantui mae nu aha! Aha montakabunakonmo kahosonan nu suludadu nu aha Mesir tiba gombuan nu suludadu nu aha anu monsake'i ajahan ka' mule' kuda nu aha anu toto hoso-hoson ka' mule' kareta nu aha manjo-manjoo' aijo'. Panyo aha madi' palesaya hi Tumpu, Tumpu nu Israel anu susi' ka' madi' aha nomoita da nu bantui.

YESAYA 31:3

Aha mian nu Mesir ola mian misa' Tumpu. Ajahan nu aha ola binatang biasa, misa' sumo pikilan nu Tumpu. De Tumpu mombaumo anu nu bau bansa, anu nontulungimo aijo' tosumpunmo ka' mule' bansa anu nu tulungi aijo' tondahapamo. Sahingga aha ohu-ohua' aijo' silakamo.

YESAYA 36:8

Uuka aiya aku motatae mompake sanggo nu tomundo' Asyur, baani batalo de kota nu belemiu obee'i ohua' na madala na ajahan, tantu madi' komian anu sumo aijo' na konjoo'nyo da timbali monsake'i.

YEREMIA 49:11

O, Edom! Pojoongmo na to ana-anak nu beleyum anu madi'mo ko tuumanyo tiba tinanyo hi beleng-Ku, Ku putu'je na aha. Sahanyo to balu-balu nu belemiu ko kapalesaya'an mae ahi' hi beleng-Ku.

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

YEHEZKIEL 37:23

Aha madi'mo daagi' mohenyui butong nu aha nu palabuatan mombau dosa' ka' monsombah to pilo-pilogot anu mohenyui aha. Ku pobebasmo na aha da madi'mo mombau iwi-iwi' na kasala'an anu monsaduakon aha madi'mo mompajuli mae Aku. Ku posusi'mo na aha; aha timbalimo mian anu palesayamo hi belengku ka' Aku Tumpu Allahmo nu aha.

HOSEA 12:1

Tumpu notatae, “Bansa Israel montikubi mae Aku padahan baleko' ka' mongakali; bansa Yehuda tataap panggaga hi belengku Tumpu Anu Susi ka' manonong.

HOSEA 13:2

Sampe uuka aiya to mia-mian nu Efraim haha aijo' daagi saja mobau dosa' kalana aha nombaumo iwi-iwi' na patong salaka da osombah – patong anu tinanga'an nu akan nu mian ka' binau nu lima nu manusia. Aha notatae, “Sombahkonmo na koloban hi patong haha aiya!” Madi' minsoop i akan na mian mongooki patong anak nu sapi'!

HOSEA 14:8

Aha po ule'mo mae minsusule' hi beleng-Ku ka aha Ku jagaimo. Ka' malia'mo hondo na aha mohumpak kasanangan i uno nu kantumuu'an nu aha sumomo gandum tumuu' i ale' anu tano'nyo ma'omuk, ka' susumo ale' nu anggur susumo uee nu anggur nu Libanon sanggo nu aha talasanggomo i yaya mae.

HOSEA 2:17

Aku madi'mo daagi' mompobee' ia molaga sanggo nu Baal sahingga mian mongkolilimimo sanggo aijo'.

HOSEA 4:12

Belemiu nomoitamo da nu potingan nu sangkolong na kau'! Sangkau na tokon mompoto'i hi belemiu apaa na anu nu ka'ima'i nu belemiu da osumbu'! Belemiu sumomo samian na bengkele' anu tinimbalimo anu masala'; belemiu nohikumo Aku ka' nombee'mo butong nu belemiu hi to pilo-pilogot.

HOSEA 5:13

Bansa Israel tiba bansa Yehuda sininsumbu'mo i kalakuan nu aha anu ma'i-ma'idek aijo' sahingga Israel nambamo i Asyur momoita bantuan hi tomundo' anu talasanggo. Panyo tomundo' aijo' madi' noko ala nontulungi kabai nompoko ima'i palabuatan nu aha.

HOSEA 7:11

Israel naha lajanganmo mokiijo' ka' mo uuka mae sumomo tomonsi' malapati' anu ponga'. Momonanyo mian haha aijo' nomoitamo bantuan hi aha mian nu Mesir, lapas aijo' aha nalaimo namba i Asyur!

HOSEA 8:6

Sapi' mosoni' anu osombah kiijo' i Samaria aijo', anu bibinau nu to mia-mian anu pakawelan i Israel! Aijo' misa' Tumpu, kalana aijo' tionyo ahi' ohansuni!

HOSEA 8:9

Susumo keledai anu ma'ela' baahan hondo sumo aijo'mo na to mia-mian nu Israel ola mosi ala pongka'oho'nyo. Aha molio bantuan hi aha Asyur ka' binayanmo nu aha hi to bansa-bansa sangga'at da mobela'mo tiba aha.

YUNUS 2:10

Lapas aijo' pinalentahmo nu Tumpu na ikan aijo' nohondekakonmo i Yunus i katano'an.

ZAKHARIA 13:2

I sinaa aijo' Ku sapuimo na sanggo nu to pilo-pilogot i tano' aiya sahingga madi'mo daagi' ko samian na anu monginau'. Iwi-iwi' na mian anu mongakuimo butongnyo nabi Ku laa'mo tiba aha anu sinoku'anmo nu roh anu madi' totu'u.

YOHANES 14:18

Komiu Ku pala'i sausa' sumo anu unon tina tuuma. Aku minsusule'je mae hi komiu.

PO'ULE' INGULIT 17:16

Tomundo madi' timbali ko ajahan manjoo' anu nusake'i nu suludadunyo ka' madi' timbali mompalentah bansa aiya minsusule' i Mesir mamba mongoli ajahan kalana Tumpu notataemo tukoo-Nyo mian anu pinalesayamo hi Ia madi'mo timbali minsusule' i lipu' aijo'.